រាជធានីភ្នំពេញ ៖ កញ្ញាស៊ឹម ថៃណា ដែលបាត់មុខពីពិភពសិល្បៈចម្រៀងជាច្រើនខែមកហើយនោះ ក្នុងថ្ងៃបុណ្យចូលឆ្នាំថ្មីប្រពៃណីជាតិ ដែលទើបតែកន្លងទៅ ថ្មីៗនេះ គេឃើញនាងចូលរួមសម្តែងជាមួយតារាចម្រៀងរបស់ផលិតកម្មហង្សមាស នៅខេត្តសៀមរាប ។ ឃើញបែបនោះមហាជនសង្ស័យថា នាងបានចូលជាសមាជិករបស់ផលិតកម្មហង្សមាស ។
រាជធានីភ្នំពេញ ៖ កញ្ញាស៊ឹម ថៃណា ដែលបាត់មុខពីពិភពសិល្បៈចម្រៀងជាច្រើនខែមកហើយនោះ ក្នុងថ្ងៃបុណ្យចូលឆ្នាំថ្មីប្រពៃណីជាតិ ដែលទើបតែកន្លងទៅ ថ្មីៗនេះ គេឃើញនាងចូលរួមសម្តែងជាមួយតារាចម្រៀងរបស់ផលិតកម្មហង្សមាស នៅខេត្តសៀមរាប ។ ឃើញបែបនោះមហាជនសង្ស័យថា នាងបានចូលជាសមាជិករបស់ផលិតកម្មហង្សមាស ។
តារាចម្រៀងស៊ឹម ថៃណា បានបញ្ជាក់ឱ្យអ្នកយកព័ត៌មានកោះសន្តិភាពដឹងថា នាងមិនមែនជាសមាជិកហង្សមាសទេ ។ ដោយសារនាងរាប់អានគ្នាជាមួយអ្នករៀបចំសិល្បៈនៅហង្សមាស ទើបគេផ្តល់ឱកាសឱ្យនាងបានសម្តែងជាមួយតារាចម្រៀងរបស់ផលិតកម្មនោះក្នុងថ្ងៃចូលឆ្នាំនៅខេត្តសៀមរាប ។ ការសម្តែងនោះចំថ្ងៃមនុស្សមើលច្រើនណែនណាន់ ទើបមានការភ្ញាក់ផ្អើលថា នាងចូលហង្សមាស ។
ស៊ឹម ថៃណា បញ្ជាក់ថា នាងមិនទាន់បោះបង់អាជីពសិល្បៈដែលកើតចេញពីការតស៊ូតាំងពីយូរមកហើយនោះទេ ។ នាងនៅតែចូលរួមសម្តែងក្រៅកញ្ចក់ទូរទស្សន៍ជាប្រចាំ មិនថាតែនៅភ្នំពេញ ឬនៅ តាមខេត្តទេ គ្រាន់តែមិនបានចេញមុខជាចំហនៅតាមស្ថានីយទូរទស្សន៍ប៉ុណ្ណោះ ។ នាងមិនទាន់ចេញមុខតាមទូរទស្សន៍ដូចពីមុនមកពីនាងឡើងគីឡូច្រើនពេក ធ្វើឱ្យខ្លួនឡើងធាត់ ។ អ្នកខ្លះថា នាងមុខពេញស្អាត តែខ្លួនឯងយល់ថា មិនខ្ញង់ដូចមុនទេ ទើបផ្អាកចេញមុខតាមទូរទស្សន៍សិន ។ ទោះជាផ្អាកយូរជាងនេះក៏មិនអីទេ រង់ចាំទម្ងន់ចុះបាន៣ទៅ៤គីឡូ ក្រាម ទើបនាងសប្បាយចិត្ត ។ បច្ចុប្បន្ននាងមានទម្ងន់ជាង៥០គីឡូក្រាម ដូច្នេះបើឡើងច្រៀងឱ្យគេថតនោះពិតជាខ្មាសគេមិនខាន ។
ដោយសំអាងថា នាងមានឈ្មោះល្បីក្នុងពិភពសិល្បៈតាំងពីដើមមក ថៃណា នៅតែរំពឹងថា ការបាត់មុខពីកញ្ចក់ទូរទស្សន៍អស់ពេលជាច្រើនខែមកនេះនឹងមិនធ្វើឱ្យកេរ្តិ៍ឈ្មោះរបស់នាងរសាត់ពីអារម្មណ៍របស់មហាជនទេ ។ មុននឹងបាត់មុខថៃណា មានស្នាដៃសម្តែងច្រើនបន្សល់ទុកទាំងចម្រៀងនៅក្នុងផលិតកម្ម និងខ្សែភាពយន្ត ។ ថៃណា មានជំនឿចិត្តថា នាងនឹងទទួលបានការចាប់អារម្មណ៍ពេលនាងចេញមុខតាមទូរទស្សន៍ដូចមុន ដោយសារតែនាងបញ្ចេញទម្រង់សិល្បៈសម្តែង ថ្មីៗបំពេញចិត្តទស្សនិកជន ៕
ចែករំលែកព័តមាននេះ