តាមការឱ្យដឹងពីក្រុមហ៊ុន Hyundai Asia Resources, Inc. បានឱ្យដឹងថា ក្រុមហ៊ុនសាខាចែកចាយរថយន្តរបស់ខ្លួននៅប្រទេសហ្វ៊ីលីពីនលក់បានសរុប២.០៣០គ្រឿង នៅក្នុងខែមីនា កើនឡើង១៩%ធៀបនឹងការលក់កាលពីខែកុម្ភៈ ដែលសម្រេចបានត្រឹមតែ១.៧១០គ្រឿងប៉ុណ្ណោះ ។
ការកើនឡើងនៅក្នុងខែមីនា បានរុញច្រានអត្រាលក់ក្នុងរយៈពេល៣ខែដំបូងទៅនឹងកំណើន១%ជាមួយនឹងរថយន្ត៥.៩៨៣គ្រឿង ធៀបនឹងអំឡុងពេលដូចគ្នានៃឆ្នាំ២០១៣ លក់បានត្រឹមតែ៥.៩៥១គ្រឿងប៉ុណ្ណោះ ។ លក្ខណៈនៃភាពខ្លាំងក្លាពីមួយខែទៅមួយខែរបស់ Hyundai ត្រូវបានលើកទឹកចិត្តដោយកំណើននៃទីផ្សារលក់ទាំងរថយន្តប្រភេទទេសចរណ៍ និងរថយន្តពាណិជ្ជកម្មធុនស្រាល ។
ចំណែកអ្នកនាំមុខលើទីផ្សារប្រចាំខែមីនារបស់យីហោ Hyundai គឺរថយន្តប្រភេទទេសចរណ៍ (ស៊ីដាន+SUV) ជាមួួយនឹងអត្រាលក់បាន១.៣៩៣គ្រឿង លើសពីនេះអត្រាលក់ចាប់ពីដើមឆ្នាំរហូតមកទល់នឹងបច្ចុប្បន្នមានចំនួន៤.០០៤គ្រឿង។ រីឯម៉ូដែល ដែលមានហាងឆេងលក់ដាច់ជាងគេប្រចាំខែមីនា គឺ Elantra និង Accent ក្នុងនោះម៉ូដែល Elantra លក់បាន១១២គ្រឿង ខណៈម៉ូដែល Accent លក់បាន៦០០គ្រឿង ៕
ចែករំលែកព័តមាននេះ