ក្នុងរយៈពេលជាច្រើនឆ្នាំកន្លងមកនេះ ខ្ញុំបានព្យាបាលរបួសដែលមានចំនួនកាន់តែច្រើនឡើង ដោយសារការលេងកូនគោល។ ក្នុងនាមជាអ្នកលេងកូនគោលដ៏ងប់ងល់ម្នាក់ ខ្ញុំទទួលស្គាល់តម្រូវការផ្លូវចិត្ដ និងផ្លូវកាយនៃកីឡានេះ ដែលទាមទារនូវភាពរហ័ស ការសម្របសម្រួល ជំហរ និងកម្លាំង។
ក្នុងរយៈពេលជាច្រើនឆ្នាំកន្លងមកនេះ ខ្ញុំបានព្យាបាលរបួសដែលមានចំនួនកាន់តែច្រើនឡើង ដោយសារការលេងកូនគោល។ ក្នុងនាមជាអ្នកលេងកូនគោលដ៏ងប់ងល់ម្នាក់ ខ្ញុំទទួលស្គាល់តម្រូវការផ្លូវចិត្ដ និងផ្លូវកាយនៃកីឡានេះ ដែលទាមទារនូវភាពរហ័ស ការសម្របសម្រួល ជំហរ និងកម្លាំង។
ជំហរ ឬលំនាំនៃការវាយមិនល្អអាចបណ្ដាលឱ្យមានរបួស ដោយសារការលេងកូនគោល ជាពិសេសរបួសឆ្អឹងខ្នង ក ស្មា កែងដៃ ក.ដៃ និងម្រាមដៃ។ របួសទាំងនេះ អាចប៉ះពាល់ដល់ការវាយរបស់អ្នក និងចម្ងាយនៅលើវាលស្មៅដែលបង្កការរំខានដល់ការលេងរបស់អ្នក។
ជាការសំខាន់ដែលត្រូវសង្កេតមើលរាងកាយរបស់អ្នក និងពិគ្រោះយោបល់ជាមួយគ្រូពេទ្យ ប្រសិនបើមានការឈឺចាប់ ឬការមិនស្រួលខ្លួនអូសបន្លាយ ក្នុងពេលលេងកីឡានេះ ឬជាប្រចាំនៅពេលដែលវាប៉ះពាល់សកម្មភាពប្រចាំថ្ងៃរបស់អ្នក។
ការវះកាត់មិនមែនជាជម្រើសទីមួយនោះទេ។ នៅក្នុងករណីភាគច្រើន ការសម្រាក ការប្រើឱសថប្រឆាំងការរលាក ប្លាស្មាដែលសម្បូរប្លាកែត (PRP) ឬការចាក់ក័រទីសូន ការព្យាបាលដោយចលនា ការព្យាបាលដោយកាំរស្មីអាំងហ្វ្រារូស្ហ៍ ឬការព្យាបាលដោយអ៊ុលត្រាសោន គឺជាការព្យាបាលដែលត្រូវបានណែនាំ។
រោគសញ្ញា និងការព្យាបាលរបួសទូទៅដោយសារការលេងកូនគោល
របួសដៃកើតមានជាទូទៅក្នុងចំណោមអ្នកលេងកូនគោល ដោយសារដងវាយកូនគោលមានចលនាលឿន អមដោយចលនាជាច្រើន ក្នុងអំឡុងពេលវាយកូនគោល។
១-ការខូចសាច់ដុំស្មា
រោគសញ្ញា ៖ ឈឺស្មា ឬដើមដៃ ក្នុងអំឡុងការវាយកូនគោល និងនៅពេលលើកដៃឡើងលើ។
ការព្យាបាល ៖ ការព្យាបាលដោយចលនា
២-ការរលាកសាច់ដុំកែងដៃខាងក្រៅ (Tennis Elbow or Golfer’s Elbow)
រោគសញ្ញា ៖ ឈឺនៅត្រង់សាច់ដុំកំភួនដៃ និងកែងដៃខាងឆ្វេង។ ជាធម្មតាវាបណ្ដាលមកពីការកាន់ដងវាយតឹងណែន ការប្រឹងខ្លាំងពេក ឬការវាយដងវាយកូនគោលប៉ះដី។
ការព្យាបាល ៖ សម្រាក និងស្អំទឹកកក។ ធ្វើការពត់ខ្លួនជាប្រចាំ ហើយការពង្រឹងកំភួនដៃ គឺជាការចាំបាច់។ អនុសាសន៍ដទៃទៀតរួមមានការចាក់ក័រទីសូន ការកែសម្រួលការកាន់ ឬការវាយរបស់អ្នក និងប្រើរណបអបសាច់ដុំកែងដៃខាងក្រៅ។
៣-ការឈឺសរសៃពួរ
រោគសញ្ញា ៖ ឈឺក.ដៃដោយសារការប្រឹងខ្លាំងពេក
ការព្យាបាល ៖ សម្រាក ប្រើឱសថប្រឆាំងការរលាក ហាត់ប្រាណពង្រឹងរាយកាយ និងពត់ខ្លួន។ កែលម្អការវាយរបស់អ្នក។
៤-ការឈឺ និងអស់កម្លាំងដៃដោយសារការសង្កត់ច្រើនដងលើសរសៃសាច់ដុំ.កដៃ (Carpal Tunnel Syndrome)
រោគសញ្ញា ៖ ស្ពឹក និងអារម្មណ៍ឈឺឆៀបៗលើម្រាមដៃ អស់កម្លាំងដៃ
ការព្យាបាល ៖ សម្រាក ប្រើឱសថ អបរណប និងវះកាត់ ប្រសិនបើចាំបាច់។
៥-ការឈឺខ្នងត្រង់ឆ្អឹងខ្នងផ្នែកខាងក្រោម
រោគសញ្ញា ៖ ឈឺត្រង់កន្លែងផ្សេងៗលើខ្នងផ្នែកខាងក្រោម
ការព្យាបាល ៖ ការព្យាបាលដោយចលនា និងក្នុងករណីកម្រ ការវះកាត់។
លេងប្រកបដោយសុវត្ថិភាពលើវាលស្មៅ
១-កែលម្អការវាយរបស់អ្នក
-យកចិត្ដទុកដាក់ចំពោះជំហររបស់អ្នកមុនពេល និងក្នុងអំឡុងពេលអ្នកវាយ។ ឈរកន្ធែកជើងឱ្យស្មើនឹងប្រវែង ស្មា និងធានាថា ទម្ងន់របស់អ្នកត្រូវបានបែងចែកស្មើគ្នា។ ចៀសវាងឱនទៅមុខពេកទៅរកកូនបាល់ ព្រោះវាអាចបង្កឱ្យគ្រេច.ក និងខ្នង។ ជំហរល្អនឹងបង្កើនលទ្ធផលរបស់អ្នក។
-ការធ្វើការវាយឱ្យបានរលូន និងកុំផ្ដោតខ្លាំងពេកលើក្រុមសាច់ដុំ ឬផ្នែករាងកាយជាក់លាក់ណាមួយ។
-បន្ធូរអារម្មណ៍ និងធ្វើការវាយឱ្យបានល្អ និងងាយស្រួលលើកូនបាល់។
២-កុំរំលងលំហាត់កម្ដៅសាច់ដុំ និងបញ្ចុះកម្ដៅសាច់ដុំ។ លំហាត់ទាំងនេះជួយត្រៀម និងសម្រួលរាងកាយរបស់អ្នក។
៣-ចាប់ផ្ដើមការលេងយឺតៗ និងបន្ដិចម្ដងៗ ដើម្បីសម្រួលរាងកាយរបស់អ្នកទៅនឹងការលេង។
៤-ធ្វើការហ្វឹកហាត់កម្លាំងពេញមួយឆ្នាំ ដើម្បីកែលម្អល្បឿនវាយដងវាយកូនគោលរបស់អ្នក។
៥-ពត់ខ្លួនជាប្រចាំ ដើម្បីកែលម្អចលនារបស់អ្នកសម្រាប់ការវាយកាន់តែរលូន។
៦-កំណត់កាលវិភាគនៃការហាត់ប្រាណបែបអ៊ែរ៉ូប៊ិកជាទៀងទាត់ ដើម្បីបង្កើនថាមពល និងភាពធន់។
៧-ប្រើប្រាស់បច្ចេកទេសលើកទម្ងន់ដែលត្រឹមត្រូវ ដូចជា ការធ្វើឱ្យខ្នងត្រង់ និងប្រើកម្លាំងជើងរបស់អ្នក ដើម្បីលើក និងទ្រដងវាយកូនគោលរបស់អ្នក។
៨-ពាក់ស្បែកជើងដែលត្រឹមត្រូវ។
ស៊ីងហ្គាពួរមេឌីខលគ្រូប Singapore Medical Group (អេសអឹមជី -SMG)
អេសអឹមជី គឺជាក្រុមគ្រូពេទ្យឯកទេសដែលមានជំនាញ និងបទពិសោធន៍ខ្ពស់ប្រចាំប្រទេសសាំងហ្គាពួរ។ អេសអឹមជី មានសេវាកម្មឯកទេសចំនួន២២ ។
ជាមួយនឹងការប្ដេជ្ញាដ៏ខ្ពង់ខ្ពស់របស់ក្រុមគ្រូពេទ្យឯកទេស យើងខ្ញុំធានាផ្ដល់ជូនលោកអ្នកនូវសេវាកម្មថែទាំ និងព្យាបាល វេជ្ជសាស្ដ្រប្រកបដោយគុណភាពខ្ពស់ គុណធម៌ ក្រមសីលធម៌ និងតម្លៃសមរម្យ។
អេសអឹមជី មានភ្នាក់ងារខ្មែរពិសេសសម្រាប់ជួយលោកអ្នកទៅតាមតម្រូវការដូចជា៖
-ការណាត់ជួបជាមួយវេជ្ជបណ្ឌិតជំនាញ
-ការសាកសួរព័ត៌មាន និងតម្លៃ
-ការធ្វើដំណើរ និងការស្នាក់នៅ
-ការទទួលនៅអាកាសយាន្ដដ្ឋាន និងការបញ្ជូនមកកាន់មន្ទីរពេទ្យ
-សេវាកម្មបកប្រែដោយឥតគិតថ្លៃ
-ការស្នើរសុំលទ្ធផលព្យាបាល និងការទិញថ្នាំ
សម្រាប់ព័ត៌មានបន្ថែម សូមទំនាក់ទំនង
មេជរ៉េវអ៊ីនធើរណេសសិុនណល MedRef International (ភ្នំពេញ)
ផ្ទះលេខ១០ វិថីអ៊ុងភូគុណ សង្កាត់មិត្គភាព ខ័ណ្ឌ៧មករា ក្រុងភ្នំពេញ
ទូរស័ព្ទដៃ ៖ ០៩២ ៨៥ ២៩ ២៣, ០៩៧ ៧៦ ៦៨ ២៦៦
អីុម៉េល ៖ enquiry@medrefint.com
បុគ្គលិកខ្មែរប្រចាំ អេសអឹមជី (SMG)
ទូរស័ព្ទទំនាក់ទំនង២៤ម៉ោង ៖ +៦៥ ៩៨៤២ ៣៥៦០
អីុម៉េល ៖ vanessa.sophors@smg.sg
ចែករំលែកព័តមាននេះ