ខេត្តកំពត ៖ ចោរប្លន់ប្រដាប់អាវុធមួយក្រុមមានគ្នា៣នាក់ ប្រដាប់ដោយអាវុធ AK47 មួយដើម កូនកំាបិតតូច២ បានធ្វើសកម្មភាពឆ្មក់ចូលប្លន់ភ្ជង់និងវាយម្ចាស់ផ្ទះសន្លប់ ប្រមូលយកមាសនិងលុយសរុបជាង៣០០០ដុល្លាររត់គេចខ្លួនដោយសុវត្ថិភាព ។
ហេតុការណ៏នេះ បានកើតឡើងនៅម៉ោង៧និង៣០នាទីយប់ថ្ងៃទី២០ មេសា ២០១៤ នៅក្នុងភូមិតេជោអភិវឌ្ឍន៏ ឃុំតេជោអភិវឌ្ឍន៏ ស្រុកឈូក ។ ម្ចាស់ផ្ទះត្រូវបានគេស្គាល់ឈ្មោះ ឃឹម ស៊ីថា ភេទប្រុសអាយុ៥៥ឆ្នាំ ជាអាជីវករលក់សាច់គោនៅភូមិ-ឃុំកើតហេតុ ។
បើតាមម្ចាស់ផ្ទះទ្រព្យសម្បត្តិដែលចោរប្រមូលទៅនោះមានលុយដុល្លារ ១៨០០ លុយបាត២០០០និងមាស ១តម្លឹង ។ នៅពេលនេះសមត្ថកិច្ចកំពុងស្រាវជ្រាវរកមុខសញ្ញាដើម្បីចាប់ខ្លួនបញ្ជូនទៅតុលាការផ្តន្ទាទោសតាមច្បាប់។
ព័ត៌មានលម្អិតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ