រាជធានីភ្នំពេញ ៖ ជនសង្ស័យម្នាក់បានឡើងទៅលើផ្ទះប្រជាពលរដ្ឋក្នុងគោលបំណងធ្វើសកម្មភាពលូចទ្យព្រសម្បត្ត ហើយបានធ្លាក់ពីលើផ្ទះមកដីដែលបង្កឱ្យមានការភ្ញាក់ផ្អើល កាលពីវេលាម៉ោង១១និង៣០នាទីយប់ថ្ងៃទី២០មេសា ២០១៤ នៅចំណុចផ្ទះប្រជាពលរដ្ឋ មួយកន្លែង តាមផ្លូវបេតុង ស្ថិតនៅក្នុងភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ ។
ជនសង្ស័យ ឈ្មោះគឹម សួរ ភេទ ប្រុស អាយុ ២០ឆ្នាំ មុខរបរមិនពិតប្រាកដ ស្នាក់នៅផ្ទះជួលក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។
ប្រភពព័ត៌មានពីកន្លែងកើតហេតុ បានឱ្យដឹងថា មុនពេលភ្ញាក់ផ្អ់ើលជនសង្ស័យ ធ្លាក់ពីលើផ្ទះ គឺស្រ្តីម្ចាស់ផ្ទះបានឮសូ ធ្លាក់យ៉ាងខ្លាំង ហើយក៏បានចេញទៅមើលក៏ឃើញជនសង្ស័យកំពុងតែដួលដេកនៅលើដី ប្រជាពលរដ្ឋនាំគ្នាមកចោមរោមមើល ។នៅពេលគេសួរថា ឡើងទៅលើផ្ទះធ្វើអី ហើយជនសង្ស័យឆ្លើយដោះសារថា មានគេដេញវាយ ហើយខ្លួនក៏រត់ឡើងលើផ្ទះដើម្បីគេចខ្លួន។
ក្រោយពេលកើតហេតុទោះបីជាជនសង្ស័យឆ្លើយ ដោះសារយ៉ាងណាក៏ដោយក៏ ប្រជាពលរដ្ឋបានចាប់ខ្លួនប្រគល់ឱ្យសមត្ថកិច្ច បញ្ចូនខ្លួនទៅកាន់ប៉ុស្តិ៍នគរបាលរដ្ឋបាលចោមចៅ ធ្វើការសាកសួរ និងចាត់ការទៅតាមផ្លូវច្បាប់ ។
ចែករំលែកព័តមាននេះ