ខេត្តពោធិ៍សាត់៖ ប្ដីប្រពន្ធពីរនាក់បានរងរបួសយ៉ាងធ្ងន់ធ្ងរដោយសារទំនាស់ពាក្យសំដីគ្នាក្លាយជាអំពើហិ.ង្សាក្នុងគ្រួសារ រហូតធ្វើឲ្យបុរសជាប្ដីហ៊ានយកកាំបិតចុងស្រួចមកចាក់ ប្រពន្ធជាច្រើនកាំបិត រួចហើយចាក់ខ្លួនឯងតាមក្រោយ ក្នុងគោលបំណងឲ្យស្លា.ប់ទាំងពីរនាក់ ប៉ុន្តែមិនទាន់ស្លា.ប់ គ្រូពេទ្យកំពុងសង្គ្រោះបន្ទាន់នៅមន្ទីរពេទ្យ ។ករណីនេះបានកើត
ខេត្តពោធិ៍សាត់៖ ប្ដីប្រពន្ធពីរនាក់បានរងរបួសយ៉ាងធ្ងន់ធ្ងរដោយសារទំនាស់ពាក្យសំដីគ្នាក្លាយជាអំពើហិង្សាក្នុងគ្រួសារ រហូតធ្វើឲ្យបុរសជាប្ដីហ៊ានយកកាំបិតចុងស្រួចមកចាក់ ប្រពន្ធជាច្រើនកាំបិត រួចហើយចាក់ខ្លួនឯងតាមក្រោយ ក្នុងគោលបំណងឲ្យស្លាប់ទាំងពីរនាក់ ប៉ុន្តែមិនទាន់ស្លាប់ គ្រូពេទ្យកំពុងសង្គ្រោះបន្ទាន់នៅមន្ទីរពេទ្យ ។ករណីនេះបានកើតឡើងកាលពីម៉ោង១៣រសៀលថ្ងៃទី២០ មេសា ២០១៤ នៅភូមិទី៤ ឃុំកំពុងលួង ស្រុកក្រគរ ខេត្តពោធិ៍សាត់ ។ ប្រពន្ធឈ្មោះយ៉ម សុធា ហៅមុំ អាយុ២៥ឆ្នាំ និង ប្ដីឈ្មោះសុខ គាហៅប៊ឹប អាយុ២៨ឆ្នាំ រស់នៅភូមិ-ឃុំកើតហេតុខាងលើ ។
តាមការផ្ដល់ព៌ត័មានពីសមត្ថកិច្ចមូលដ្ឋានឲ្យដឹងថា ប្ដីប្រពន្ធខាងលើ មានការរកាំរកូសនឹងគ្នាជាច្រើនលើកច្រើនសារមកហើយ ដោយសារប្រចណ្ឌគ្នាទៅវិញទៅមក។ម្យ៉ាងវិញទៀត បុរសជាប្ដីត្រូវបានអ្នកស្រុកដឹងឮថា ជាអ្នកជក់ថ្នាំញៀន ដែលធ្វើឲ្យប្រពន្ធត្រូវដកខ្លួនថយ ។ នៅរសៀលថ្ងៃអាទិត្យនេះ ប្រពន្ធបានសុំលែងត្រង់ៗ និងចោទប្រកាន់គ្នាទៅវិញទៅមកក៍កើតជារឿងឈ្លោះប្រកែកគ្នារហូតឈានដល់បុរសជាប្ដី ហ៊ានយកកាំបិតចុងស្រួចចាក់ប្រពន្ធចំនួន០៤កាំបិតចំក្រោមដោះខាងឆ្វេងមួយកន្លែង ចំដងកាំបិតមួយកន្លែង ចំ.កមួយកន្លែង និង ឆូតថ្ពាល់ខាងឆ្វេងមួយកន្លែង បណ្ដាលឲ្យឈាមហូរជោគខ្លួនសន្លប់បាត់ស្មារតី ។ បន្ទាបើមក បុរសជាប្ដីបានចាក់ខ្លួនឯងមួយកាំបិតចំ.ពោះធ្លាយពោះវៀនទ្រេលគួរឲ្យរន្ធត់ខ្លាំងណាស់ ។ ទាំងពីរនាក់រងរបួសយ៉ាងធ្ងន់ធ្ងរ ត្រូវបានសាច់ញាតិដឹកយកទៅសង្គ្រោះនៅមន្ទីរពេទ្យខេត្តពោធិ៍សាត់ជាបន្ទាន់។
តាមការបញ្ជាក់ពីគ្រូពេទ្យឲ្យដឹងថា ជនរងគ្រោះទាំងពីរនាក់មានសភាពធ្ងន់ធ្ងរណាស់ ប៉ុន្តែយើងបានព្យាបាលយ៉ាងយកចិត្តទុកដាក់បំផុត និងឲ្យអស់ពីលទ្ធភាព ៕
ចែករំលែកព័តមាននេះ