ខេត្តសៀមរាប ៖ បុរសម្នាក់ដែលអ្នកភូមិអះអាងថាញៀនស្រា បានទាញកំាបិតខ្វែវកា.ប់ប្រពន្ឋជាច្រើនកំាបិតផុងលលាដ៍ក្បាលបណ្តាលឲ្យស្លា.ប់ភ្លាមៗនៅលើផ្ទះ ។
ហេតុការណ៍នេះ បានកើតឡើងនៅម៉ោង៥ព្រឹកថ្ងៃទី២០ មេសា ២០១៤ នៅក្នុងភូមិចុងថ្នល់ ឃុំយាង ស្រុកពួក ។
ខេត្តសៀមរាប ៖ បុរសម្នាក់ដែលអ្នកភូមិអះអាងថាញៀនស្រា បានទាញកំាបិតខ្វែវកាប់ប្រពន្ឋជាច្រើនកំាបិតផុងលលាដ៍ក្បាលបណ្តាលឲ្យស្លាប់ភ្លាមៗនៅលើផ្ទះ ។
ហេតុការណ៍នេះ បានកើតឡើងនៅម៉ោង៥ព្រឹកថ្ងៃទី២០ មេសា ២០១៤ នៅក្នុងភូមិចុងថ្នល់ ឃុំយាង ស្រុកពួក ។
ជនដៃដល់ជាប្តីឈ្មោះ លិក ជ្រក់ អាយុ ៣៥ឆ្នាំ មុខរបរជាកសិកររស់នៅក្នុងភូមិ-ឃុំកើតហេតុខាងលើ ។ ចំណែកជនរងគ្រោះជាប្រពន្ឋឈ្មោះ ហូរ ភន់ អាយុ៣៧ឆ្នាំ មានកូនប្រុសពីរនាក់ ម្នាក់អាយុ៨ឆ្នាំ និង ម្នាក់ទៀតអាយុ៦ឆ្នាំ (នៅពេលកើតហេតុកូនប្រុសទំាងពីរកំពុងដេកនៅក្នុងមុងនៅឡើយ ) ។
បើតាមអ្នកឆ្លើយឆ្លងព័ត៌មានកោះសន្តិភាព បានបញ្ជាក់ឲ្យដឹងទៀតថា នៅក្នុងហេតុការណ៏នោះ ក៏មានអ្នកជិតខាងម្នាក់ទៀតឈ្មោះ សឿន ស៊ាយ ភេទប្រុស អាយុ៣២ឆ្នាំ បានរងរបួសរយះម្រាមដៃពីរ ដោយសារជនដៃដល់គ្រវាសកំាបិតត្រូវ ខណៈចូលទៅជួយឃាត់និងចាប់អោបជនសង្ស័យ ។
នៅចំពោះមុខសមត្ថកិច្ចជនដៃដល់បាននិយាយថា មុនពេលកើតហេតុ ខ្លួនរវើរវាយឃើញគេដេញកាប់ ក៏ទាញកំាបិតខ្វែវកាប់ក្នុងន័យតបត មិនដឹងថា ខ្លួនកាប់ប្រពន្ឋសោះ ។ ជនដៃដល់បានត្រូវសមត្ថកិច្ចបញ្ជូនមកស្នងការដ្ឋាននគរបាលខេត្ត និង ត្រៀមបញ្ជូនទៅតុលាការនៅថ្ងៃទី២១ មេសា ២០១៤ ។
ព័ត៌មានលម្អិតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ