ប្រទេសចិនកាលពីថ្ងៃទី១៩ មេសា ចាប់ផ្តើមជ្រើសរើសទាហានថ្មីប្រចាំឆ្នាំ ដោយឆ្នាំនេះផ្តោតលើការជ្រើសរើសពួកយុវជនដែលទទួលការសិក្សានៅឧត្តមសិក្សា ។
ពិធីជ្រើសរើសមួយ ត្រូវបានរៀបចំនៅឯសាកលវិទ្យាល័យ Tsinghua ដើម្បីលើកទឹកចិត្តបណ្តានិស្សិតក្រុងប៉េកាំងឱ្យចូលរួមក្នុងជួរកង ទ័ព ។ មាននិស្សិតជាង២.០០០នាក់ បានមកសាកសួរព័ត៌មាន ឬចុះឈ្មោះ ។
លោកស្រី វ៉ាង យ៉ាពីញ នារីអវកាសយានិកទី២របស់ចិន ដែលធ្វើដំណើរទៅកាន់ទីអវកាស មានវត្តមានក្នុងពិធីនោះ ហើយលោកស្រីអំពាវនាវដល់បណ្តានិស្សិតឱ្យចូលរួមចំណែកក្នុងការកសាងកងទ័ពចិនដ៏ខ្លាំងមួយ ។
ក្រសួងការពារជាតិចិន បានស្នើដល់អាជ្ញាធរដែលទាក់ទិន ឱ្យធ្វើការជ្រើសរើសនិស្សិតបន្ថែមទៀតចូលក្នុងកងទ័ព ដូចកាលពីឆ្នាំ២០១៣ ។ ក្នុងចំណោមយុវជនដែលត្រូវជ្រើសរើសចូលកងទ័ព មានតែអ្នកដែលទទួលការសិក្សានៅសាលាមធ្យមសិក្សា ឬឧត្តមសិក្សាទេ ដែលអាចចុះឈ្មោះចូល ៕
ចែករំលែកព័តមាននេះ