រាជធានីភ្នំពេញ ៖ ក្នុងរយៈពេលប៉ុន្មានថ្ងៃកន្លងមកនេះ ទាំងអ្នកដំណើរ និងអ្នកទេសចរ នៅពេលទៅដល់តំបន់មាត់ទន្លេខាងជើងព្រះបរមរាជវាំង ពិតជាមានការភ្ញាក់ ផ្អើល និង ងឿងឆ្ងល់ នៅពេលក្រឡេកមើលទៅរូបសំណាកតេជោមាស និងតេជោយ៉ត ហើយបន្ទាប់មកឃើញរូបសំណាកតេជោមាសបានបាត់ដាវដែលបំពាក់ពីក្រោយខ្នងតេជោមាសនោះ ។
រាជធានីភ្នំពេញ ៖ ក្នុងរយៈពេលប៉ុន្មានថ្ងៃកន្លងមកនេះ ទាំងអ្នកដំណើរ និងអ្នកទេសចរ នៅពេលទៅដល់តំបន់មាត់ទន្លេខាងជើងព្រះបរមរាជវាំង ពិតជាមានការភ្ញាក់ ផ្អើល និង ងឿងឆ្ងល់ នៅពេលក្រឡេកមើលទៅរូបសំណាកតេជោមាស និងតេជោយ៉ត ហើយបន្ទាប់មកឃើញរូបសំណាកតេជោមាសបានបាត់ដាវដែលបំពាក់ពីក្រោយខ្នងតេជោមាសនោះ ។
ទាក់ទិនទៅនឹងការបាត់ដាវនេះ បើតាមមន្ត្រីសាលារាជធានីភ្នំពេញបាននិយាយថា តាមពិតទៅដាវដែលបំពាក់នៅពីក្រោយខ្នងរូបសំណាកតេជោមាសនោះមិនបានបាត់ទៅណាទេ គឺពីដំបូងដាវនោះ បានដាច់ទឹកអន្សារ ដែលគេផ្សារភ្ជាប់ខ្សែរពួរធ្វើអំពីស្ពាន់ពាក់ឈៀងលើដងខ្លួនតេជោមាស បានជ្រុះធ្លាក់រតេរតាយ ពេលនោះអាជ្ញាធរខណ្ឌដូនពេញ ក៏បានយកទៅរក្សាទុករាប់ខែមកហើយ មិនមែនទើបថ្មីៗនេះទេ ។ មន្ត្រីដដែលបានបញ្ជាក់ថា មូលហេតុដែលបណ្តាលឲ្យមានការដាច់ ឬ របូតដាវធ្លាក់ចុះមកក្រោមនោះ គឺបានកើតឡើងអំឡុងពេលគណបក្សសង្គ្រោះជាតិ បានដឹកនំាធ្វើបាតុកម្មបិទផ្លូវរញ៉េរញ៉ៃនៅតំបន់មុខព្រះបេមវាំងមកម្ល៉េះ ដែលកាលណោះសន្តិសុខបានឃើញផ្ទាល់ភ្នែក មានក្រុមបាតុករកកកុញនៅតំបន់រូបសំណាកតេជោមាស និង តេជោយ៉ត ។ ជាមួយគ្នានោះ គេឃើញមានមនុស្សប្រមាណជិត១០នាក់ បាននាំគ្នាឡើងជិះ និង ជាន់លើរូបសំណាកទាំងពីរនោះ ដោយខ្លះហ៊ោកញ្ជ្រៀវ ខ្លះអង្រួន ទើបបណ្តាលឲ្យដាច់ទឹកអន្សារដាវ និងខ្សែដែលគេផ្សារភ្ជាប់ជាមួយរូបសំណាកតេជោមាសនោះតែម្តង ។ ប៉ុន្តែដោយមានការណែនាំពីថ្នាក់ដឹកនាំសាលារាជធានីភ្នំពេញ អាជ្ញាធរខណ្ឌដូនពេញបានធ្វើការផ្សារភ្ជាប់ដាវជាមួយនឹងរូបសំណាកតេជោមាសដាក់នៅកន្លែងដើមឡើងវិញហើយ កាលពីរសៀលថ្ងៃទី ១៩ មេសា ២០១៤ ។
សូមបញ្ជាក់ដែរថា អំឡុងពេលមានការភ្ញាក់ផ្អើលថា បាត់ដាវរូបសំណាកតេជោមាស និងតេជោយ៉តនោះ ជំហានដំបូងទាំងមន្ត្រី ក៏ដូចអ្នកទេសចរមួយចំនួនមានការភាន់ច្រឡំ មិងដឹងថា បាត់ដាវខាងតេជោមាស ឬ តេជោយ៉ត ព្រោះរូបសំណាកនោះប្រហាក់ប្រហែលគ្នា ម្យ៉ាងគេពុំឃើញមានការសសេរ ឬ ឆ្លាក់ឈ្មោះបញ្ជាក់ឲ្យដឹងថា រូបសំណាកនេះជារូបសំណាកតេជោមាស ឬ តេជោយ៉តនោះទេ ។
ព័ត៌មានលម្អិតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ