ខេត្តស្ទឹងត្រែង ៖ កម្លាំងចម្រុះដឹកនាំដោយព្រះរាជអាជ្ញាអមសាលាដំបូងខេត្តស្ទឹងត្រែងកាលពីរសៀលថ្ងៃទី១៩ មេសា ២០១៤ បានចុះបង្ក្រាបទីតាំងស្តុកឈើមួយកន្លែងនៅភូមិរាជនុកូល សង្កាត់ស្ទឹងត្រែង ក្រុងស្ទឹងត្រែង រឹបអូសបានឈើប្រណីតប្រភេទធ្នង់ជាង៩០សន្លឹកមានតម្លៃរាប់ម៉ឺនដុល្លារ។
នគរបាលប្រឆាំងបទល្មើសក្រសួងមហាផ្ទៃប្រចាំការក្នុងខេត្តស្ទឹងត្រែងបានបញ្ជាក់ថា ឈើប្រភេទធ្នង់សន្លឹកទាំងនេះ ត្រូវឈ្មួញដឹកពីស្រុកសៀមប៉ាងយកមកស្តុកទុកនៅចំណុចខាងលើ និងដឹកបន្តទៅស្រុកស្នួល រួចបន្តចូលទៅទីផ្សារប្រទេសវៀតណាម។ ឈើទាំងនេះមានមុខកាត់ចាប់ពីកន្លះម៉ែត្រទៅដល់មួយម៉ែត្រ និងមានប្រវែងចាប់ពី២ម៉ែត្រ២តឹកដល់៣ម៉ែត្រ។
ប្រភពព័ត៌មានចេញពីអ្នកអារឈើលក់ទៅឱ្យសិប្បកម្មកែច្នៃគ្រឿងសង្ហារឹមបាននិយាយថា ឈើប្រភេទធ្នង់នេះកំពុងមានទីផ្សារយ៉ាងខ្លាំងក្នុងប្រទេសវៀតណាម ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ