សារព័ត៌មានបរទេសកាលពីពេល ថ្មីៗកន្លងមកផ្សាយថា លោកសីុភីង អ្នកចិញ្ចឹមឃ្មុំជនជាតិចិន អាយុ៣៤ឆ្នាំ បានដោះអាវឱ្យហ្វូងឃ្មុំជាង៤៦០.០០០ក្បាលទំនៅលើដងខ្លួន និងផ្ទៃមុខ ។
ការធ្វើបែបនោះ គឺជាផ្នែកមួយនៃការឃោសនាលក់ទឹកឃ្មុំឱ្យបានច្រើន ។ អាជីវករលក់ទឹកឃ្មុំនៅទីក្រុងឈុងជីង ភាគនិរតីប្រទេសចិនរូបនោះឱ្យហ្វូងឃ្មុំទម្ងន់ជាង៤៥គីឡូក្រាមទំលើដងខ្លួនរយៈពេល៤០នាទីបង្ហាញនៅចំពោះមុខអ្នកសារព័ត៌មានបារាំង កាលពីពេល ថ្មីៗកន្លងមក ។
លោកសីុភីង បញ្ជាក់ថា រូបគេព្យាយាមបំបែកឯតទគ្គកម្មពិភពលោក ប៉ុន្តែមិនសមតាមបំណងទេ ដោយមានអំណះអំណាងថា ឯតទគ្គកម្មពិភពលោកដែលបង្កើតបានគឺជាការសម្តែងដោយស្រាតននលគក ។
ចិនជាប្រទេសផលិតទឹកឃ្មុំដ៏សំខាន់នៅលើពិភពលោក ទោះបីជាការនាំចេញរបស់ចិន ត្រូវប្រទេសជាច្រើនហាមឃាត់ដោយសារតែចោទថាទឹកឃ្មុំមិនសុទ្ធក៏ដោយ ៕
ចែករំលែកព័តមាននេះ