ខេត្តមណ្ឌលគិរី ៖ រថយន្តប្រមាណជាង១០០គ្រឿងបានកកស្ទះលើកំណាត់ផ្លូវជាតិលេខ៧៦ត្រង់ចំណុចស្ពានអូររមៀត ក្នុងស្រុកកោះញែក កាលពីថ្ងៃទី១៩ មេសា ២០១៤ តាំងពីម៉ោង៧ព្រឹករហូតដល់ម៉ោង៦ និង៣០នាទីល្ងាចថ្ងៃដដែលទើបអាចចរាចរណ៍ទៅមកបាន។
ខេត្តមណ្ឌលគិរី ៖ រថយន្តប្រមាណជាង១០០គ្រឿងបានកកស្ទះលើកំណាត់ផ្លូវជាតិលេខ៧៦ត្រង់ចំណុចស្ពានអូររមៀត ក្នុងស្រុកកោះញែក កាលពីថ្ងៃទី១៩ មេសា ២០១៤ តាំងពីម៉ោង៧ព្រឹករហូតដល់ម៉ោង៦ និង៣០នាទីល្ងាចថ្ងៃដដែលទើបអាចចរាចរណ៍ទៅមកបាន។
ភាគច្រើនរថយន្តដែលបានកកស្ទះទាំងនោះសុទ្ធសឹងជាភ្ញៀវទេសចរដែលឆ្លងកាត់ពីខេត្តរតនគិរីមកលេងនៅខេត្តមណ្ឌលគិរី និងមួយចំនួនទៀតពីមណ្ឌលគិរីទៅលេងរតនគិរី។
បើតាមការឱ្យដឹងពីម្ចាស់រថយន្តម្នាក់បាននិយាយថា រូបគាត់ និងក្រុមគ្រួសារបានដើរលេងជាច្រើនខេត្តតាំងពីថ្ងៃចូលឆ្នាំនៅប៉ែកឦសាន ហើយនៅតែខេត្តរតនគិរីមួយប៉ុណ្ណោះដែលមិនទាន់បានទៅ ដូច្នេះហើយទើបគាត់ត្រូវជិះបន្តពីខេត្តមណ្ឌលគិរីកាត់ទៅខេត្តរតនគិរីតែម្តង ព្រោះឮគេថាផ្លូវដែលទើបស្ថាបនាថ្មីអាចបើកបរបានហើយ តែនៅពេលមកដល់ចំណុចខាងលើស្រាប់តែផ្លូវវាងស្ពានដែលទើបចាក់គ្រឹះត្រូវទឹកហូរដាច់ធ្វើឱ្យខកខានពេលវេលាអស់មួយថ្ងៃ។
គួរបញ្ជាក់ថា មេឃបានបង្អុរភ្លៀងជាច្រើនមេតាំងពីថ្ងៃបុណ្យចូលឆ្នាំទី២ ម្យ៉ាងនៅខេត្តមណ្ឌលគិរីសំបូរព្រៃឈើផងនោះ ភ្លៀងនៅបន្តធ្លាក់ជារៀងរាល់ថ្ងៃ និងបានបណ្តាលឱ្យលិចលង់តាមបណ្តាផ្លូវមួយចំនួនក្នុងខេត្ត។ ករណីខាងលើតាមការពិនិត្យជាក់ស្តែងឃើញថា អាចជាកំហុសរបស់ក្រុមហ៊ុនសាងសង់ផ្លូវព្រោះថា ទីតាំងនោះជាផ្លូវទឹកហូរដែលមានមុខកាត់ទទឹងប្រមាណជាង១០ម៉ែត្រដែលនឹងត្រូវចាក់គ្រឹះសសរស្ពាន ចំណែកផ្លូវវាងដែលគេធ្វើសម្រាប់ឆ្លងកាត់នោះ គឺពុំឃើញមានដាក់លូឱ្យទឹកហូរទេ។ លុះនៅពេលទឹកលិចហូរកាត់ច្រោះដី បើកបរឆ្លងកាត់លែងកើតទើបគេឃើញមានគ្រឿងចក្រមកកាយដាក់លូដែកដែលត្រូវចំណាយពេលអស់ប្រមាណជាង១០ម៉ោងទើបរួចរាល់។
ទាក់ទិនបញ្ហានេះ កោះសន្តិភាពមិនទាចទំនាក់ទំនងសុំការបំភ្លឺពីមន្ត្រីជំនាញដែលមានភារកិច្ចលើប្រព័ន្ធផ្លូវថ្នល់បានទេ៕
ចែករំលែកព័តមាននេះ