ខេត្តសៀមរាប ៖ នគរបាលប្រឆាំងគ្រឿងញៀនខេត្តសហការជាមួយកម្លាំងនគរបាលប៉ុស្តិ៍សង្កាត់ស្លក្រាមកាលពីវេលាម៉ោង១១ព្រឹក ថ្ងៃទី១៨ មេសា ២០១៤ បានចុះបង្ក្រាបករណីជួញដូរ និងប្រើប្រាស់គ្រឿងញៀន ឃាត់ខ្លួនជនសង្ស័យ៣នាក់ជាបន្តបន្ទាប់ ខណៈពួកគេកំពុងចែកចាយគ្រឿងញៀននៅតាមដងផ្លូវក្នុងបីសង្កាត់ គឺសង្កាត់ស្លក្រាម សង្កាត់ស្វាយដង្គំ និងសង្កាត់សាលាកម្រើក។
លោកវរសេនីយ៍ត្រី អ៊ុំ សាអាត នាយការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តបានឱ្យកោះសន្តិភាពដឹងថា ជនសង្ស័យដែលឃាត់ខ្លួន១-ឈ្មោះសំ វាសនា ហៅហើម ភេទប្រុស អាយុ២៣ឆ្នាំ មានទីលំនៅភុមិទ្រាំង សង្កាត់ស្លក្រាម ក្រុងសៀមរាប(ជាអ្នកជួញដូរ),២-ឈ្មោះងួន សុចិត្រ្តា ហៅប្រុស ភេទប្រុស អាយុ២២ឆ្នាំ រស់នៅភូមិតាវៀន សង្កាត់សាលាកំរើក (ជួញដូរ) និង៣-ឈ្មោះលឹម ប៊ុនហ្គិច ភេទប្រុស អាយុ៣២ឆ្នាំ ស្នាក់នៅបន្ទប់ជួលភូមិស្វាយដង្គំ សង្កាត់ស្វាយដង្គំ។
ក្រោយឃាត់ខ្លួនជនសង្ស័យ សមត្ថកិច្ចដកហូតវត្ថុតាងថ្នាំញៀនម្សៅមេតំហ្វេតាមីន៩កញ្ចប់ ធំ៣កញ្ចប់ និងតូច៦កញ្ចប់ ស្មើ១០,៣ក្រាម ទូរស័ព្ទដៃ៤គ្រឿង សម្ភារប្រើប្រាស់ និងវេចខ្ចប់គ្រឿងញៀនមួយចំនួនទៀត៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ