ខេត្តបន្ទាយមានជ័យ ៖ កម្លាំងសមត្ថកិច្ច ប្រមាណ៣០០នាក់នៃស្នងការនគរបាលខេត្តបន្ទាយមានជ័យកាលពីរសៀលថ្ងៃ ទី១៨មេសា ២០១៤ បាននាំគ្នាចុះប្រតិបត្តការបោសសំអាតសំរាមនៅជុំវិញ ផ្សារសិរីសោភ័ណ ស្ថិតនៅក្នុងភូមិអូរអំបិល សង្កាត់អូរអំបិល ក្រុងសិរីសោភ័ណ ។
លោកឧត្តមសេនីយ៍ត្រី ខេង ស៊ុមបានមានប្រសាសន៏ឱ្យដឹងថា ក្រោយពេលដែលក្រុមអាជីវករផ្សារសិរីសោភ័ណធ្វើកូដកម្មតវ៉ាបិទផ្លូវជាតិលេខ៥ និងបានលើកគ្នា សុំឱ្យលោកអភិបាលខេត្តបន្ទាយមានជ័យ ជួយដោះស្រាយនូវលក្ខ័ណពីរចំណុចផងដែរនៅព្រឹកថ្ងៃទី១៨មេសា កន្លងទៅ ។
លោកស្នងការបានបន្តថាបន្ទាប់ពីក្រុមអាជីវករបានបំបែកក្រុមមក នៅតាមដងផ្លូវសាធារណះមួយចំនួន និងនៅបរិវេណជុំវិញផ្សារសិរីសោភ័ណទាំងមូលផងនោះ គឺពោពេញទៅដោយកាកសំណល់សំរាមរាយប៉ាយពេញដងផ្លូវ ។ដូច្នោះហើយបានជាលោកបញ្ជាឱ្យកម្លាំងសមត្ថកិច្ច៣០០នាក់ចុះប្រតិបត្តការបោសសំអាតសំរាមទាំងនោះចេញ ព្រមទាំងយករថយន្តបាញ់ទឹក០៣គ្រឿងទៅជួយបាញ់នៅលើដងផ្លូវសារធារណះឱ្យបានស្អាតឡើងវិញ ក្នុងគោលបំណងជួយថែរក្សាបរិស្ថាននិងដើម្បីសុខភាពប្រជាពលរដ្ឋនៅក្នុងខេត្តបន្ទាយមានជ័យផងដែរ ។
ម្យ៉ាងទៀតលោក ឧត្តមសេនីយ៍ស្នងការការបន្តថា ការបោសសំអាតអនាម័យតាមដងផ្លូវគឺក្នុងគោលបំណង ទីក្រុងស្អាត សេវ៉ាល្អ ឱ្យសមស្របទៅនិងយុទ្ធសាស្រ្ត របស់ប្រមុខថ្នាក់ដឹកនាំ សម្រាប់ទៅថ្ងៃអនាគត ។
ចែករំលែកព័តមាននេះ