ខេត្តកំពង់ឆ្នាំង ៖ មានការភ្ញាក់ផ្អើលមួយ បណ្តាលអោយមនុស្សរាប់សិបនាក់រត់ជាន់ជើងគ្នាជួយពន្លត់អគ្គិភ័យ កំពុងបានឆាបឆេះ រោងស្តង់លក់ឈើ មួយកន្លែងនៅម្តុំមុខអ្នកតាចិន ស្ថិតក្នុង ភូមិផ្សារឆ្នាំងសង្កាត់ផ្សារឆ្នាំង ក្រុងកំពង់ឆ្នាំងកាលពីវេលាម៉ោង ០៤និង ១៥នាទីល្ងាចថ្ងៃទី ១៩ខែមេសា ។ ទោះយ៉ាងណាពុំមាននរណារងគ្រោះក្នុងហេតុការណ៏នោះទេ ហើយរថយន្ត
ខេត្តកំពង់ឆ្នាំង ៖ មានការភ្ញាក់ផ្អើលមួយ បណ្តាលអោយមនុស្សរាប់សិបនាក់រត់ជាន់ជើងគ្នាជួយពន្លត់អគ្គិភ័យ កំពុងបានឆាបឆេះ រោងស្តង់លក់ឈើ មួយកន្លែងនៅម្តុំមុខអ្នកតាចិន ស្ថិតក្នុង ភូមិផ្សារឆ្នាំងសង្កាត់ផ្សារឆ្នាំង ក្រុងកំពង់ឆ្នាំងកាលពីវេលាម៉ោង ០៤និង ១៥នាទីល្ងាចថ្ងៃទី ១៩ខែមេសា ។ ទោះយ៉ាងណាពុំមាននរណារងគ្រោះក្នុងហេតុការណ៏នោះទេ ហើយរថយន្តពន្លត់អគ្គិភ័យរបស់ស្នងការនគរបាលខេត្តចំនួន២គ្រឿងដែលបានចេញអន្តរាគមន៏ទៅដល់កន្លែងកើតហេតុនោះ ក៏មិនបានបាញ់ទឹកជួយពន្លត់ដែរ ព្រោះប្រជាពលរដ្ឋបានសហការណ៏គ្នាពន្លត់និងគ្រប់គ្រងសភាពការណ៏បាន ។
មន្ត្រីនគរបាលមូលដ្ឋានបាននិយាយអោយដឹងថា ម្ចាស់ស្តង់លក់ឈើដែលបានឆាបឆេះដោយអគ្គិភ័យនោះ មានឈ្មោះ ភាព ភេទស្រី ។ ពុំមាននរណាបានដឹងពីមូលហេតុដែលបណ្តាលអោយមានអគ្គិភ័យនោះឡើយតែបានសង្ស័យថាបណ្តាលមកពីមានក្មេងលេងភ្លើង ព្រោះពេលកើតហេតុនោះម្ចាស់ស្តង់ឈើមិនបាននៅក្នុងរោងនោះទេ ហើយអ្នកលក់ឈើមានស្តង់នៅជាប់ៗគ្នានោះក៏មិននៅដែរមានតែក្មេងៗចាំរោងតែប៉ុណ្ណោះ ហើយក៏ស្រាប់តែមានអគ្គិភ័យឆាបឆេះស្លឹកកណ្តបដែលគេចងជាបាច់ដាក់បញ្ឈរលក់ក្នុងស្តង់ជាមួយឈើនោះ ហើយបានរាលដាលដល់ដំបូលរោងឡើងសន្ឋោសន្ឋៅតែម្តង ។
ភ្លាមៗនោះ ទាំងម្ចាស់ស្តង់ឈើ ទាំងអ្នកលក់ឈើនៅជិតគ្នា រួមទាំងប្រជាពលរដ្ឋនិងកម្មករផងបាននាំគ្នាដងទឹកពន្លត់យ៉ាងស្រុះគ្នា ព្រមជាមួយគ្នានោះរថយន្តពន្លត់អគ្គិភ័យរបស់ស្នងការនគរបាលខេត្តចំនួន២គ្រឿងបានចេញទៅអន្តរាគមន៏ដែរដល់កន្លែងកើតហេតុដែរ តែរយៈពេលឆាបឆេះប្រហែល១៥នាទីប្រជាពលរដ្ឋបានពន្លត់ភ្លើងនិងគ្រប់គ្រងសភាពការណ៏បាន និងមិនបានឆេះរាលដាល់ទៅរោងឈើអ្នកដទៃទៀតឡើយ ។
មន្ត្រីដដែលបានបន្តរថា បើសិនជាប្រជាពលរដ្ឋមិនបានពន្លត់ទាន់ពេលវេលាទេនោះ ទំហំនៃការខូចខាតគឺធំធេងគ្រាន់បើ ព្រោះស្តង់ឈើនិមួយៗដែលលក់ជាប់គ្នាមានសុទ្ឋតែឈើពេញៗស្តង់។
ចែករំលែកព័តមាននេះ