ខេត្តកណ្តាល ៖ រថយន្តឡិចស៊ីសRx300មួយគ្រឿងពាក់ស្លាកលេខ នប ២-១២៨០ បានជ្រុលទៅបុកជាមួយម៉ូតូឌ្រីមសង់ ខណៈដែលជិះបញ្ច្រាសទិសគ្នា បណ្តាលឱ្យមនុស្សរងរបួសធ្ងន់-ស្រាល៣នាក់ កាលពីវេលាម៉ោង៩ និង៣០នាទីព្រឹកថ្ងៃទី១៩ មេសា ២០១៤ ស្ថិតនៅលើផ្លូវជាតិលេខ១ ចន្លោះគីឡូម៉ែត្រលេខ៣៣-៣៤ ក្នុងភូមិព្រែកប៉ុល ឃុំបន្ទាយដែក ស្រុកកៀនស្វាយ ខេត្តកណ្តាល ។
ប្រភពបានឱ្យដឹងថា ជនរងគ្រោះទាំង៣នាក់ត្រូវបានគេស្គាល់១-ឈ្មោះយ៉ង ចាន់ធូ ភេទស្រី អាយុ២២ឆ្នាំ (របួសស្រាល) ២-ឈ្មោះយ៉ង ស៊ីថា ភេទប្រុស អាយុ២៥ឆ្នាំ (របួសធ្ងន់) និង៣-ឈ្មោះយ៉ង់ ស៊ីនឿន អាយុ២២ឆ្នាំ (របួសធ្ងន់) ទាំង៣នាក់មានទីលំនៅក្នុងភូមិគោកចក ឃុំគោកចក ស្រុកកំពង់ត្របែក ។
ដោយឡែកអ្នកបើកបរវិញ មិនត្រូវបានស្គាល់អត្តសញ្ញាណទេ ហើយក៏មិនបានរត់គេចខ្លួនដែរ បាននៅជួយអន្តរាគមន៍ និងជួយហៅរថយន្តបញ្ជូនជនរងគ្រោះទាំង៣នាក់ទៅកាន់មន្ទីរពេទ្យភ្លាមៗដែរ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ