ខេត្តបាត់ដំបង ៖ មនុស្ស០៤នាក់បានស្លា.ប់នៅក្នុងរថយន្ត និង០៦នាក់ទៀតរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍បង្កឡើងដោយរថយន្តសាំយ៉ុងអ្នកបើកងងុយដេករេចង្កូតបុករថយន្តISUZU ខណៈបើកបញ្ច្រាសទិសគ្នា ។
ខេត្តបាត់ដំបង ៖ មនុស្ស០៤នាក់បានស្លាប់នៅក្នុងរថយន្ត និង០៦នាក់ទៀតរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍បង្កឡើងដោយរថយន្តសាំយ៉ុងអ្នកបើកងងុយដេករេចង្កូតបុករថយន្តISUZU ខណៈបើកបញ្ច្រាសទិសគ្នា ។
ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោង១និង៣០នាទីរំលងអធ្រាត្រ ឈានចូលថ្ងៃទី១៩ មេសា នៅលើកំណាត់ផ្លូវជាតិលេខ៥ ស្ថិតក្នុងភូមិព្រៃស្វាយ ឃុំព្រៃស្វាយ ស្រុកមោងប្ញស្សី ។
អ្នកស្លាប់ត្រូវបានគេស្គាល់ ១-ឈ្មោះ ជិន រដ្ឋា ភេទប្រុស អាយុ២១ឆ្នាំ ជាអ្នកបើករថយន្តសាំយ៉ុង មានស្រុកកំណើតខេត្តកំពត ,ទី២-ឈ្មោះ ហ៊ំ ម៉េន ភេទប្រុស អាយុ៧៣ឆ្នាំ ,ទី៣-ឈ្មោះ ស៊ឹម សាវុធ ភេទប្រុស អាយុ៤២ឆ្នាំ និងទី៤មិនទាន់ស្គាល់ឈ្មោះ ជាស្ត្រី មានទីលំនៅឯខេត្តប៉ៃលិន ។
បើតាមសេចក្តីរាយការណ៍បានឱ្យដឹងថា រថយន្តសាំយ៉ុង១២កៅអី ពាក់ស្លាកលេខភ្នំពេញ 2U-0966 មានអ្នកជិះ១០នាក់ បានធ្វើដំណើរតាមផ្លូវជាតិលេខ៥ ទិសដៅពីលិចទៅកើត ។ ពេលមកដល់ចំណុចកើតហេតុ អ្នកបើកងងុយដេកក៏រេចង្កូតទៅខាងឆ្វេងដៃបុកចំហៀងរថយន្តISUZU ១បាំងកន្លះ ពាក់ស្លាកលេខ ពោធិ៍សាត់ 2A-0111 បើកបញ្ច្រាសទិសគ្នាពេញទំហឹង បណ្តាលឱ្យអ្នកជិះនៅក្នុងរថយន្តសាំយ៉ុងមានអ្នកស្លាប់និងរបួសតែម្តង ចំណែកអ្នកបើករថយន្តISUZU ឈ្មោះ សៅ ភារម្យ ភេទប្រុស អាយុ២៩ឆ្នាំ ពុំមានរងរបួស ។
សេចក្តីរាយការណ៍បន្តថា បន្ទាប់ពីរថយន្តខាងលើបុកគ្នា ភ្លាមនោះស្រាប់តែមានរថយន្តក្រុងរស្មីភ្នំពេញ ពាក់ស្លាកលេខ3B-9112 បើកពីកើតទៅលិចមកដល់បុកបន្ថែមរថយន្តសាំយ៉ុង រួចធ្លាក់ផ្លូវជ្រុលទៅខាងស្តាំដៃបុករះផ្ទះប្រជាពលរដ្ឋ តែពុំបណ្តាលឱ្យនរណាម្នាក់រងរបួសនោះទេ ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ