រាជធានីភ្នំពេញ ៖ បុរសម្នាក់ឈ្មោះជិន ស្រ៊ុន អាយុជាង៤០ឆ្នាំ ត្រូវបានរងរបួសជាទម្ងន់នៅពេលដែលបានព្យាយាមបើកបរម៉ូតូមួយគ្រឿងម៉ាកវីវ៉ា ព៌ណខ្មៅ ពាក់ស្លាកលេខភ្នំពេញ១AX-១០៥០ មានគ្នាពីរនាក់ដោយបញ្ចា្រស់ទិសដើម្បីវាងថ្មរបាំងចែកទ្រូងផ្លូវ ហើយក៏ត្រូវបានរថយន្តដឹកឥដ្ឋមួយគ្រឿងម៉ាកហ៊ីយ៉ាន់ដាយធន់ពីរតោនកន្លះ ព៌ណខៀវ ពាក់ស្លាកលេខកណ្តាល៣A-០១៥១ ដែលមានអ្នកបើកបរឈ្មោះរិន ចាន់ណា អាយុ២១ឆ្នាំ ស្នាក់នៅឡរឥដ្ឋជា ហ៊ុយ តាមបណ្តោយផ្លូវជាតិលេខ៦A ស្ថិតនៅក្នុងសង្កាត់បាក់ខែង ខណ្ឌឬស្សីកែវ កៀរដួល។
ករណីគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៤និង១០នាទីល្ងាច ថ្ងៃទី១៨ ខែមេសា នៅលើផ្លូវព្រះមុនីវង្ស ក្នុងសង្កាត់ទន្លេបាសាក់ ខណ្ឌចំការមន។
ករណីគ្រោះថ្នាក់ចរាចរណ៍មួយបានកើតឡើងដោយសារតែម៉ូតូមួយគ្រឿងជិះគ្នាពីរនាក់ ហើយបុរសជាអ្នកបើកបរត្រូវបានរងរបួសជាទម្ងន់ នៅពេលដែលបុរសរូបនោះព្យាយាមបើកបរម៉ូតូវាងរបាំងថ្មចែកផ្លូវហើយក៏ត្រូវរថយន្តកៀរដួលផ្ទប់តែម្តង។ តាមសម្តីរបស់អ្នកបានឃើញហេតុការណ៍នេះបាននិយាយថា បុរសរូបនេះមិនគួរណាបើកបរម៉ូតូដោយប្រញាប់ ហើយបញ្ចា្រស់ទិសនោះទេ ទើបបណ្តាលឱ្យរងគ្រោះបែបនេះ។
បុរសរងគ្រោះត្រូវបានបញ្ជូនទៅកាន់មន្ទីរពេទ្យភ្លាមៗ ចំណែកឯរថយន្តនិងម៉ូតូបន្ទាប់ពីត្រូវបានកម្លាំងជំនាញនគរបាលចរាចរណ៍នៃអធិការដ្ឋានខណ្ឌចំការមនធ្វើការវាស់វែងរួចហើយក៏ត្រូវបានអូសយកមកដាក់នៅលើចិញ្ចើមផ្លូវដើម្បីរង់ចាំធ្វើការដោះស្រាយគ្នាដោយពុំមានភាគីណាធ្វើការសងជាសំណងទៅភាគីណាឡើយ។
ចែករំលែកព័តមាននេះ