ថ្មីៗនេះរដ្ឋាភិបាលចិនបានឱ្យដឹងថា ការវិនិយោគដោយផ្ទាល់នៅក្រៅប្រទេសរបស់ចិនបានកើនទ្បើង៥,៥% ក្នុងរយៈពេល៣ខែដំបូង នៃឆ្នាំ២០១៤ នេះ បើទោះជាខែមីនាធ្លាក់ចុះ១,៤៧% យ៉ាងណាក៏ដោយ ។ ក្រសួងពាណិជ្ជកម្មចិន បានលើកទ្បើងថា ការវិនិយោគនៅក្រៅប្រទេសមិនរាប់បញ្ចូលវិស័យហិរញ្ញវត្ថុ ដែលមានទឹកប្រាក់សរុបប្រមាណ៣១,៥៥ពាន់លានដុល្លារ កាលពីខែមីនា
ថ្មីៗនេះរដ្ឋាភិបាលចិនបានឱ្យដឹងថា ការវិនិយោគដោយផ្ទាល់នៅក្រៅប្រទេសរបស់ចិនបានកើនទ្បើង៥,៥% ក្នុងរយៈពេល៣ខែដំបូង នៃឆ្នាំ២០១៤ នេះ បើទោះជាខែមីនាធ្លាក់ចុះ១,៤៧% យ៉ាងណាក៏ដោយ ។ ក្រសួងពាណិជ្ជកម្មចិន បានលើកទ្បើងថា ការវិនិយោគនៅក្រៅប្រទេសមិនរាប់បញ្ចូលវិស័យហិរញ្ញវត្ថុ ដែលមានទឹកប្រាក់សរុបប្រមាណ៣១,៥៥ពាន់លានដុល្លារ កាលពីខែមីនាទ្បើយ ។ ម៉្យាងទៀត នៅក្នុងអំទ្បុងត្រីមាសទី១នេះ ការវិនិយោគដោយផ្ទាល់នៅក្រៅប្រទេសជាមួយនឹងសមាជិកទាំង១០អាស៊ានបានកើនទ្បើង៧,៨៤% គិតជាទឹកប្រាក់១,៩៧%ពាន់លានដុល្លារអាមេរិក ។
ចំណែកការវិនិយោគពីសហរដ្ឋអាមេរិកធ្លាក់ចុះ១,៩១%ស្មើនឹងទឹកប្រាក់១,០៤ពាន់លានដុល្លារ ខណៈដែលការវិនិយោគមកពីសហគមន៍អឺរ៉ុប បានធ្លាក់ចុះយ៉ាងគំហុក២៤,៥២% ទឹកប្រាក់១,៥៥ពាន់លានដុល្លារ ។ រីឯការវិនិយោគជាមួយនឹងតំបន់សេដ្ឋកិច្ចធំរួមមាន ហុងកុង អាស៊ាន សហគមន៍អឺរ៉ុប អូស្ត្រាលី អាមេរិក រុស្ស៊ី និងជប៉ុន មានចំនួន១២,៦៣ពាន់លានដុល្លារ ឬស្មើនឹង៦៣,៥% នៃបរិមាណសរុបក្នុងត្រីមាសទី១នេះ ។
ការវិនិយោគរបស់ចិនជាមួយនឹងសហគមន៍អឺរ៉ុបបានធ្លាក់ចុះ៧% ដោយទ្បែកជាមួយសហរដ្ឋអាមេរិកហក់ទ្បើយ១០៥,២% ស្មើនឹងទឹកប្រាក់១,០៧ពាន់លានដុល្លារ ។ សរុបការវិនិយោគនៅក្រៅប្រទេសដ៏ប្រសើរបំផុតរបស់ប្រទេសចិនមិនរាប់បញ្ចូលវិស័យហិរញ្ញវត្ថុនៅចុងខែមីនាកន្លងមកនេះ មានចំនួន៥៤៥ពាន់លានដុល្លារ ៕
ចែករំលែកព័តមាននេះ