លោក Meng Ni វ័យ៦៣ឆ្នាំ រស់នៅខេត្ត ហ្គាងដុង ប្រទេសចិន បានសាងសង់យានអវកាសដ៏ធំលើដំបូលផ្ទះ ដើម្បីបំពេញក្តីស្រមៃរបស់ខ្លួនចង់ក្លាយទៅជាអាកាសយានិក ។ គំនិតស្រមើស្រមៃរបស់លោក Meng Ni បានធ្វើឱ្យអ្នកភូមិ មានការភ្ញាក់ផ្អើលយ៉ាងខ្លាំង។
លោក Meng Ni និយាយថា «បំណងប្រាថ្នាតែមួយគត់របស់ខ្ញុំ គឺចង់ក្លាយជាអាកាសយានិករបស់អង្គការ NASA ដើម្បីរុករករបកគំហើញ ថ្មីៗ និងបានធ្វើដំណើរកម្សាន្តទៅកាន់លំហអាកាសទៀតផង» ។ ការសាងសង់យានអាវកាសដ៏ធំនេះ លោក Meng Ni ចំណាយអស់ទឹកប្រាក់យ៉ាងច្រើនសន្ធឹកសន្ធាប់ ព្រមទាំងចំណាយពេលវេលាជាច្រើនខែ ។
អ្នកភូមិម្នាក់ក្នុងចំណោមអ្នកភូមិដទៃទៀត និយាយថា ការធ្វើយានអវកាសនេះ បង្ហាញពីការយកចិត្តទុកដាក់លើវិទ្យាសាស្ត្រសម័យថ្មីរបស់លោក Meng Ni ។ លើសពីនេះទៅទៀត មនុស្សម្នាក្នុងភូមិទាំងអស់ចាប់អារម្មណ៍ខ្លាំងលើពន្លឺភ្លើងពណ៌ដ៏ស្រស់ស្អាតដែលលោក Ni ភ្ជាប់ជាមួយយានអវកាសនោះ ។ វាប្រៀបដូចជាយានអវកាសមួយនេះ ត្រៀមនឹងហោះហើរក្នុងរយៈពេលប៉ុន្មាននាទីទៀតអីុចឹង ៕
ចែករំលែកព័តមាននេះ