តុល្យការនៃការលិចនាវាដឹកអ្នកដំណើរមួយគ្រឿងក្នុងដែនទឹកកូរ៉េខាងត្បូង ចំនួនអ្នកស្លា.ប់បន្តកើនឡើង ហើយពួកអ្នកជួយសង្គ្រោះសម្រាប់ពេលនេះស្រង់សាកសពមនុស្សបាន២៨នាក់ហើយគេមានសង្ឃឹមតិចណាស់ថា អាចរកឃើញអ្នកនៅរស់រានមានជីវិតក្នុងនាវានោះ ដែលពេលនេះស្ទើរលិចបាត់ទាំងស្រុងទៅហើយ។
តុល្យការនៃការលិចនាវាដឹកអ្នកដំណើរមួយគ្រឿងក្នុងដែនទឹកកូរ៉េខាងត្បូង ចំនួនអ្នកស្លាប់បន្តកើនឡើង ហើយពួកអ្នកជួយសង្គ្រោះសម្រាប់ពេលនេះស្រង់សាកសពមនុស្សបាន២៨នាក់ហើយគេមានសង្ឃឹមតិចណាស់ថា អាចរកឃើញអ្នកនៅរស់រានមានជីវិតក្នុងនាវានោះ ដែលពេលនេះស្ទើរលិចបាត់ទាំងស្រុងទៅហើយ។
ក្នុងចំណោមមនុស្ស៤៧៥នាក់ដែលជិះក្នុងនាវាឈ្មោះ SEWOL នោះដែលធ្វើដំណើរទៅកាន់កោះ JEJU ១៧៩នាក់ត្រូវបានជួយសង្គ្រោះ ហើយ២៦៨នាក់ទៀតនៅតែបាត់ខ្លួន ។ទូរទស្សន៍កូរ៉េខាងត្បូង YTN រាយការណ៍កាលពីថ្ងៃទី១៨ មេសាថា ក្រោយការខិតខំប្រឹងប្រែងពុំបានផលអស់រយៈពេល២ថ្ងៃមក ចរន្តទឹកកញ្ជ្រោកខ្លាំងហើយទឹកល្អក់ទៀត ពួកអ្នកមុជទឹក៨នាក់អាចចូលទៅក្នុងនាវាដែលលិចនោះ បុ៉ន្តែព័ត៌មានក្រោយមកត្រូវបានកងឆ្មាំឆ្នេរសមុទ្របដិសេធ ។ នាវានោះស្ទើរតែលិចបាត់ បើមើលតាមរូបភាពផ្សាយដោយទូរទស្សន៍ YTN ។ ដោយពុំអាចចូលក្នុងនាវានេះបាន ពួកអ្នកជួយសង្គ្រោះបានបញ្ចូលខ្យល់ទៅក្នុងបន្ទប់ភោជនីយដ្ឋានរបស់នាវាដែលគេយល់ថា មានអ្នកដំណើរមួយចំនួនអាចរត់ចូល ដែលនៅកន្លែងនោះគេសង្ឃឹមថាអាចរកឃើញអ្នកនៅរស់រានមានជីវិត ។ តែក្តីសង្ឃឹមនេះកាន់តែថយចុះ ព្រោះនាវាជិតលិចបាត់ក្នុងសមុទ្រ ដែលនៅកន្លែងជួបគ្រោះថ្នាក់នេះមានជម្រៅដល់៥០ម៉ែត្រ។
អាជ្ញាធរនាថ្ងៃទី១៨ មេសា គ្រោងប្រើប្រាស់នាវាមុជទឹកធុនតូចមួយគ្រឿងដើម្បីធ្វើការត្រួតពិនិត្យ ។ ចំណែកការសើុបអង្កេតលើប្រភពនៃសោកនាដកម្មនេះ ក៏បន្តធ្វើជាមួយការសួរចម្លើយកាពីតែននាវា ។ យោងតាមកងឆ្មាំឆ្នេរសមុទ្រថា ពួកអ្នកសើុបអង្កេតសិក្សាលើសេណារីយ៉ូ៣ ឬមួយមកពីកំហុសនៃការបើកបរ ឬមួយមកពីបញ្ហាការដឹកទំនិញលើសចំណុះ ឬមកពីបញ្ហានាវានោះដែលចាស់មានអាយុកាល២០ឆ្នាំមកហើយ ៕
ចែករំលែកព័តមាននេះ