ចក្ខុវិស័យនៃកំណើនសេដ្ឋកិច្ចរបស់ចិន
តាមតួលេខផ្លូវការមួយបានបង្ហាញថា សេដ្ឋកិច្ចរបស់ប្រទេសចិនកំពុងកើនឡើងនៅក្នុងល្បឿនយឺតបំផុតក្នុងអំឡុងពេលជិត២ឆ្នាំនេះ ។ ចំណែកGDPបានកើនឡើង៧,៤%ក្នុងរយៈពេល៣ខែដំបូងនៃឆ្នាំ២០១៤ ធៀបនឹងទិសដៅរបស់រដ្ឋាភិបាលសម្រាប់GDP នៃឆ្នាំ២០១៤នេះនឹងបង្កើនឱ្យបាន៧,៥% ខណៈដែលអ្នកវិភាគសេដ្ឋកិច្ចមួយចំនួនយល់ថាវានឹងមានការពុះពារជម្នះរាល់ឧបសគ្គដើម្បី
ចក្ខុវិស័យនៃកំណើនសេដ្ឋកិច្ចរបស់ចិន
តាមតួលេខផ្លូវការមួយបានបង្ហាញថា សេដ្ឋកិច្ចរបស់ប្រទេសចិនកំពុងកើនឡើងនៅក្នុងល្បឿនយឺតបំផុតក្នុងអំឡុងពេលជិត២ឆ្នាំនេះ ។ ចំណែកGDPបានកើនឡើង៧,៤%ក្នុងរយៈពេល៣ខែដំបូងនៃឆ្នាំ២០១៤ ធៀបនឹងទិសដៅរបស់រដ្ឋាភិបាលសម្រាប់GDP នៃឆ្នាំ២០១៤នេះនឹងបង្កើនឱ្យបាន៧,៥% ខណៈដែលអ្នកវិភាគសេដ្ឋកិច្ចមួយចំនួនយល់ថាវានឹងមានការពុះពារជម្នះរាល់ឧបសគ្គដើម្បីសម្រេចឱ្យបាន ។
វិស័យពាណិជ្ជកម្មលើពិភពលោក
អង្គការពាណិជ្ជកម្មពិភពលោកបានលើកឡើងនូវកំណើនតិចតួចរបស់ខ្លួននៅក្នុងការនាំចេញទំនិញ៤,៧%សម្រាប់ឆ្នាំនេះនិង៥,៣%សម្រាប់ឆ្នាំក្រោយ (ជាអត្រាកំណើនជាមធ្យមនៅក្នុងពាណិជ្ជកម្មជាង២០ឆ្នាំមកនេះ ) ។ ការកើនឡើងនៃការនាំចេញទំនិញកម្រិតនេះគឺត្រូវបានលើកទឹកចិត្តដោយសញ្ញានៃការប្រសើរឡើងវិញនៃសេដ្ឋកិច្ចនៅក្នុងតំបន់អឺរ៉ុបនិងអាមេរិក ។ ការលក់រាយនៅសហរដ្ឋអាមេរិកបានកើនឡើង១,១%ក្នុងខែមីនា ធៀបនឹងខែកុម្ភៈ ដែលជាការបោះជំហានទៅមុខដ៏លឿនបំផុតនៅក្នុងអំឡុងពេល១៨ខែមកនេះ ។ ចំណែកការលក់រថយន្តបន្តកើនឡើងនៅក្នុងខែមីនាគឺស្មើនឹង៣,១% ។
ទីផ្សារការងារនៅប្រទេសហូឡង់
តាមស្ថិតិរបស់ការិយាល័យកណ្ដាលរបស់ហូឡង់បានបង្ហាញថា អត្រាអត់ការងារធ្វើរបស់ជនជាតិហូឡង់ក្នុងខែមីនា ឆ្នាំ២០១៤ បានធ្លាក់ចុះ៧.០០០នាក់នៃចំនួនអ្នកអត់ការងារធ្វើ៦៨៤.០០០នាក់ ។ តាមរបាយការណ៍បញ្ជាក់ថានាអំឡុងខែកក្កដា ឆ្នាំ២០១៣ ពលរដ្ឋអត់មានការងារធ្វើចំនួន៦៩៤.០០០នាក់ ដោយឡែកការកើនឡើងនៃបរិមាណអ្នកអត់ការងារធ្វើនៅក្នុងត្រីមាសទី១នេះភាគច្រើនជាស្ត្រីក្នុងវ័យ២៥ឆ្នាំព្រោះតែការបោះបង់ការងាររក្នុងវិស័យថៃទាំសុខភាពនិងវិស័យពាណិជ្ជកម្មជាដើមកាលពីចុងឆ្នាំមុននេះ ។
អ្នកទេសចរជនជាតិចិនលុបចោលដំណើរកម្សាន្តទៅកាន់ប្រទេសម៉ាឡេសីុ
ភ្ញៀវទេសចរជនជាតិចិនប្រមាណ៣០%បានលុបចោលដំណើរកម្សាន្តរបស់ពួកគេទៅក្នុងប្រទេសម៉ាឡេសីុនៅក្នុងឆ្នាំ២០១៤ នេះ ចាប់តាំងពីការបាត់ដានជើងហោះរបស់យន្តហោះម៉ាឡេសីុកាលពីពេលថ្មីៗនេះដែលធ្វើឱ្យមានការកាត់បន្ថយនូវសក្ដានុពលនៃចំណូលមកពីឧស្សាហកម្មទេសចរក្នុងស្រុករបស់ប្រទេសនេះ ។ ចំណូលដ៏មានសក្ដានុពលនៃអ្នកទេសចរជនជាតិចិនភាគច្រើនគឺមកពីទីក្រុងធំដូចជា ទីក្រុងប៉េកាំង សៀងហៃ និងក្វាងចូវជាដើម ៕
ចែករំលែកព័តមាននេះ