ក្រសួងការបរទេសអាមេរិក រាយការណ៍កាលពីថ្ងៃទី១៧ មេសា ថា សហរដ្ឋអាមេរិក បានចាត់វិធានការនានាដើម្បីបញ្ចេញប្រាក់៤៥០លានដុល្លារ ពីក្នុងចំណោមមូលនិធិអុីរ៉ង់ ដែលផ្អឹបទុកក្នុងក្របខណ្ឌនៃកិច្ចព្រមព្រៀងបណ្តោះអាសន្នមួយស្តីពីកម្មវិធីនុយក្លេអ៊ែររបស់ក្រុងតេហេរ៉ង់ ។
ក្រសួងការបរទេសអាមេរិក រាយការណ៍កាលពីថ្ងៃទី១៧ មេសា ថា សហរដ្ឋអាមេរិក បានចាត់វិធានការនានាដើម្បីបញ្ចេញប្រាក់៤៥០លានដុល្លារ ពីក្នុងចំណោមមូលនិធិអុីរ៉ង់ ដែលផ្អឹបទុកក្នុងក្របខណ្ឌនៃកិច្ចព្រមព្រៀងបណ្តោះអាសន្នមួយស្តីពីកម្មវិធីនុយក្លេអ៊ែររបស់ក្រុងតេហេរ៉ង់ ។
សហរដ្ឋអាមេរិកចាត់វិធានការនេះ ក្រោយពីរបាយការណ៍មួយរបស់ភ្នាក់ងារថាមពលបរមាណូអន្តរជាតិ ដែលអះអាងថា អុីរ៉ង់ បានបង្ហើយការយកអ៊ុយរ៉ានីញ៉ូម ចម្រាញ់កម្រិត២០% ទៅរំលាយជាមួយទឹកក្នុងចំនួនដែលបានព្រមព្រៀងគ្នា មានចែងក្នុងកិច្ចព្រមព្រៀង ដែលចុះហត្ថលេខាជាមួយបណ្តាមហាអំណាចពិភពលោក កាលពីខែវិច្ឆិកា ឆ្នាំ២០១៣ ។
អ្នកនាំពាក្យក្រសួងការបរទេសអាមេរិក លោកស្រី MARIE HARF ក្នុងសន្និសីទសារព័ត៌មានមួយគូសបញ្ជាក់ថា ដរាបណាអុីរ៉ង់ គោរពបណ្តាកិច្ចសន្យាដែលមានចែងក្នុងកិច្ចព្រមព្រៀង នោះសហរដ្ឋអាមេរិក និងបណ្តាដៃគូ នឹងបន្តគោរពតាមកិច្ចសន្យាទាំងឡាយរបស់ផងខ្លួនដែរ ។ យោងតាមកិច្ចព្រមព្រៀងដែលសម្រេចបានជាមួយសហរដ្ឋអាមេរិក អង់គ្លេស បារាំង ចិន រុស្សុី និងអាល្លឺម៉ង់ អុីរ៉ង់ ត្រូវបញ្ឈប់កម្មវិធីនុយក្លេអ៊ែរ ដ៏ចម្រូងចម្រាស់ ជាថ្នូរនឹងការសម្រាលទណ្ឌកម្មដែលធ្វើឱ្យប៉ះពាល់ដល់សេដ្ឋកិច្ចរបស់ខ្លួន ៕
ចែករំលែកព័តមាននេះ