ខេត្តបាត់ដំបង៖ សមត្ថកិច្ចបានអះអាងថា គេអាចមានតម្រុយខ្លះៗហើយ អំពីមុខសញ្ញាជនដៃដល់ដែលបានវាយសម្លា.ប់យុវជនម្នាក់ប្លន់យកម៉ូតូនិងគ្រឿងអល័ង្កា កាលពីចុងសប្ដាហ៏មុននៅក្នុង ឃុំបឹងរាំង ស្រុកកំរៀង ហើយសមត្ថកិច្ចក៏កំពុងតាមប្រមាញ់យ៉ាងប្រគិតទៀតផង ដែលគេសង្ស័យថា ជនដៃដល់នោះគឺជាមិត្តភក្ដ័ជនរងគ្រោះតែម្ដង។
ខេត្តបាត់ដំបង៖ សមត្ថកិច្ចបានអះអាងថា គេអាចមានតម្រុយខ្លះៗហើយ អំពីមុខសញ្ញាជនដៃដល់ដែលបានវាយសម្លាប់យុវជនម្នាក់ប្លន់យកម៉ូតូនិងគ្រឿងអលង្ការ កាលពីចុងសប្ដាហ៏មុននៅក្នុង ឃុំបឹងរាំង ស្រុកកំរៀង ហើយសមត្ថកិច្ចក៏កំពុងតាមប្រមាញ់យ៉ាងប្រគិតទៀតផង ដែលគេសង្ស័យថា ជនដៃដល់នោះគឺជាមិត្តភក្ដ័ជនរងគ្រោះតែម្ដង។
ទាំងមន្រ្តីនគរបាល ទាំងមន្រ្តីកងរាជអាវុធហត្ថ សុទ្ធតែបានអះអាងដូចៗគ្នាថា ជនដៃដល់ដែលបានសម្លាប់យុវជនម្នាក់ប្លន់យកទ្រព្យសម្បត្តិនោះអាចមានពន្លឺខ្លះៗហើយ។ មន្រ្តីនានានិយាយថា ជនដៃដល់មានបក្សពួក២នាក់ និងជាមនុស្សស្និតជាមួយជនរងគ្រោះ ធ្លាប់ដើរលែងជាមួយគ្នាទៀតផង ហើយពេលនេះជនសង្ស័យទាំង២នាក់នោះមិនមានមុខនៅក្នុងមូលដ្ធានទេ ដែលសមត្ថកិច្ចកំពុងតាមអង្កេតយ៉ាងសកម្មបំផុត។
សូមបញ្ជាក់ថា យុវជនឈ្មោះលី សុវណ្ណារិទ្ធ អាយុ២២ឆ្នាំ នៅភូមិដូង ឃុំបឹងរាំង ស្រុកកំរៀង ត្រូវជនមិនស្គាល់មុខព្រូតគ្នាវាយសម្លាប់រួចប្លន់យកទ្រព្យសម្បត្តិ ដែលគេដឹងថា បានកើតឡើងនាវេលារំលងអាធ្រាត្រ ឈានចូលថ្ងៃទី១៣មេសា២០១៤។ សមត្ថកិច្ចនិយាយថា នៅវេលាម៉ោង១២ថ្ងៃត្រង់ថ្ងៃដដែលទើបគេប្រទះឃើញសាកសពជនរងគ្រោះនៅក្នុងទឹកស្រះ ក្បែរវត្តមួយ ក្នុងភូមិ ឃុំខាងលើ។ ជនរងគ្រោះត្រូវជនដៃដល់យ៉ាងតិច២នាក់ប្រើដំបង និងដុំថ្មវាយសំពងលើផ្ទៃមុខ និងក្បាលផ្នែកខាងក្រោយបណ្ដាលឲ្យស្លាប់ រួចអូសទម្លាក់ក្នុងទឹកស្រះក្បែរនោះ និងបានប្លន់យកម៉ូតូ១គ្រឿង ខ្សែកមាស១តម្លឹងខ្សែដៃមាស១ខ្សែ និងចិញ្ជៀនពេជ្រ១វង់។ ជនរងគ្រោះគឺជាកូនអ្នកមានទ្រព្យស្ដុកស្ដម្ភម្នាក់ក្នុងស្រុកកំរៀង។
តាមការបំភ្លឺពីសាក្សីនិយាយថា នៅមុនពេលកើតហេតុបន្តិចនាយប់នោះ គេបានឃើញជនរងគ្រោះជិះម៉ូតូឌុបគ្នា៣នាក់ចូលក្នុងវត្តក្បែរនោះ ហើយបានជិះចេញពីក្នុងវត្តវិញភ្លាមៗដែរ តែគេមិនបានចាប់អារម្មណ៏ថា ពួកគេជិះចេញវិញទាំង៣នាក់ឬយ៉ាងណានោះទេ លុះស្អែកឡើងស្រាប់តែមនុស្សផ្អើលឆោឡោពេញភូមិ ដោយសារតែគេប្រទះឃើញមានមនុស្សស្លាប់ក្នុងទឹកស្រះក្បែរវត្ត។
ជុំវិញករណីនេះអធិការស្រុកកំរៀង លោកឈឹម គឹមហុង បាននិយាយថា ក្រោយពីធ្វើការស្រាវជ្រាវរយះពេលប៉ុន្មានថ្ងៃកន្លងទៅនេះ សមត្ថកិច្ចរបស់លោកអាចមានតម្រុយអំពីមុខសញ្ញាជនដៃដល់ខ្លះៗហើយ។ លោកអធិការរូបនេះបញ្ជាក់ថា ជនសង្ស័យអាចជាមិត្តភក្ដិជនរងគ្រោះ ដែលកម្លាំងជំនាញរបស់លោកកំពុងតាមប្រមាញ់យ៉ាងសកម្ម តាំងពីថ្ងៃកើតហេតុរហូតមកដល់ពេលនេះ ។
ចែករំលែកព័តមាននេះ