ខេត្តព្រះសីហនុ ៖ ភ្ញៀវទេសចរជិតឆ្ងាយប្រមាណជាងប្រាំម៉ឺននាក់ បានចូលមកកម្សាន្តក្នុងទឹកដីខេត្តព្រះសីហនុនាឱកាសបុណ្យចូលឆ្នាំថ្មី ប្រពៃណីជាតិខ្មែរ រយៈពេល៣ថ្ងៃ បើទោះបីជាតម្លៃម្ហូបអាហារ និង ផ្ទះសំណាក់ សណ្ឋាគារបានឡើងថ្លៃកប់ពពកយ៉ាងក៏ដោយ ចំនួននេះមានការកើនឡើងច្រើន បើប្រៀបធៀប រយៈពេលដូចគ្នា កាលពីចូលឆ្នាំ២០១៣កន្លងទៅ។
ខេត្តព្រះសីហនុ ៖ ភ្ញៀវទេសចរជិតឆ្ងាយប្រមាណជាងប្រាំម៉ឺននាក់ បានចូលមកកម្សាន្តក្នុងទឹកដីខេត្តព្រះសីហនុនាឱកាសបុណ្យចូលឆ្នាំថ្មី ប្រពៃណីជាតិខ្មែរ រយៈពេល៣ថ្ងៃ បើទោះបីជាតម្លៃម្ហូបអាហារ និង ផ្ទះសំណាក់ សណ្ឋាគារបានឡើងថ្លៃកប់ពពកយ៉ាងក៏ដោយ ចំនួននេះមានការកើនឡើងច្រើន បើប្រៀបធៀប រយៈពេលដូចគ្នា កាលពីចូលឆ្នាំ២០១៣កន្លងទៅ។
នេះបើយោងតាមប្រធានមន្ទីរទេសចរណ៍ខេត្តព្រះសីហនុ លោកសេង ខា ដែលប្រាប់កោះសន្តិភាពឱ្យដឹងនៅថ្ងៃទី១៧ មេសា ២០១៤ ។ លោកបន្តថាក្នុងរយៈពេលបីថ្ងៃ នៃឱកាសបុណ្យចូលឆ្នាំថ្មី ប្រពៃណីជាតិខ្មែរ ឆ្នាំមមី ឆស័ក ពុទ្ធសករាជ ២៥៥៨ កន្លងទៅនេះ នៅទូទាំងខេត្តព្រះសីហនុ មានភ្ញៀវទេសចរជិតឆ្ងាយចូលមកកម្សាន្តប្រហាក់ប្រហែល៥៥០០០នាក់ ហើយថាចំនួននេះបើធៀបទៅនឹងរដូវចូលឆ្នាំថ្មីប្រពៃណីខ្មែរដូចគ្នាកាលពីឆ្នាំ២០១៣ មានការកើនឡើង៤%។ យ៉ាងណាក៏ដោយលោកប្រធានមន្ទីរទេសចរបានបញ្ជាក់ទៀតថា សំរាប់ឆ្នាំថ្មីប្រពៃណីខ្មែរនាឆ្នាំនេះ ចំនួនភ្ញៀវហាក់មានការថយចុះជាងពិធីបុណ្យនានា ជាពិសេសពិធីបុណ្យឆ្លងឆ្នាំសកលនាពេលកន្លងមក ព្រោះតែឆ្នាំនេះ នៅខេត្តសៀមរាបមានការរៀបចំកម្មវិធីមហាសង្ក្រានដ៏ធំ ដែលជាហេតុធ្វើឲ្យភ្ញៀវមួយចំនួនបង្វែរទិសដៅទៅខេត្តសៀមរាបវិញ។
លោក សេង ខា បានបន្ថែមដែរថាក្នុងឱកាសបុណ្យចូលឆ្នាំថ្មីនេះដែរប្រជាពលរដ្ឋក៏ដូចភ្ញៀវទេសចរហាក់មានការត្អូញត្អែរយ៉ាងខ្លាំងជុំវិញតម្លៃម្ហូបអាហារថាមានតម្លៃខ្ពស់ទ្វេរដងស្ទើរតែពុំអាចទទួលយកបានលើសពីនេះទៅទៀត តម្លៃផ្ទះសំណាក់ សណ្ឋាគារ មានតម្លៃកើនឡើង១គុណ៥ដង នៃតម្លៃធម្មតា ដែលកត្តាទាំងនេះវាអាចធ្វើអោយប៉ះពាល់យ៉ាងធ្ងន់ធ្ងរ ដល់វិស័យទេសចរណ៏នៅខេត្តព្រះសីហនុនាថ្ងៃអនាគត។
ដោយឡែបញ្ហាសន្តិសុខ សណ្តាប់ សារធារណៈរយៈពេល៣ថ្ងៃនៅក្រុងព្រះសីហនុ មានលក្ខណៈល្អប្រសើរជាងឆ្នាំមុនៗទាំងអស់ ឯករណីគ្រោះថ្នាក់ចរាចរណ៏គឺកើតឡើងតែ១ករណីតែប៉ុណ្ណោះ និងពុំមានជនរងគ្រោះបាត់បង់ជីវិតឡើយ ៕
ចែករំលែកព័តមាននេះ