រាជធានីភ្នំពេញ ៖ ទីបំផុតករណីយករថយន្តកាមរីបាឡែនទៅប្លុងចោលនៅក្នុងដីឡូត៍មួយកន្លែងស្ថិតក្នុងភូមិបាយ៉ាប សង្កាត់ភ្នំពេញថ្មីនោះ គឺបុរសម្នាក់ក្រោយពីប្លុងរថយន្តរួចបាននំាសង្សារយកទៅសម្លា.ប់ចោលនៅក្នុងឃុំតាកែនកោះស្លា ស្រុកឈូក ខេត្តកំពត ។
រាជធានីភ្នំពេញ ៖ ទីបំផុតករណីយករថយន្តកាមរីបាឡែនទៅប្លុងចោលនៅក្នុងដីឡូត៍មួយកន្លែងស្ថិតក្នុងភូមិបាយ៉ាប សង្កាត់ភ្នំពេញថ្មីនោះ គឺបុរសម្នាក់ក្រោយពីប្លុងរថយន្តរួចបាននំាសង្សារយកទៅសម្លាប់ចោលនៅក្នុងឃុំតាកែនកោះស្លា ស្រុកឈូក ខេត្តកំពត ។
ជនសង្ស័យដែលសម្លាប់នារីជាសង្សារឈ្មោះយ៉ុន ប៉ុន្នី អាយុ៣៣ឆ្នាំ ជាវេជ្ជបណ្ឌិតពេទ្យធ្មេញ មានស្រុកកំណើតនៅភូមិដំរីលេង ឃុំទទុង ស្រុកដងទង់ ខេត្តកំពត ចំណែកនារីរងគ្រោះឈ្មោះកែវ ស្រីមុំ អាយុ២៨ឆ្នាំ ជាអ្នករាប់លុយឱ្យគេនៅផ្សារទួលទំពូង និងផ្សារបឹងកេងកង រស់នៅភូមិ៤ ក្រុមទី២២ ផ្លូវ៤៦០ រាជធានីភ្នំពេញ។
នៅចំពោះមុខសមត្ថកិច្ចជនសង្ស័យបានសារភាពថា រូបគេពិតជាបានសម្លាប់នារីរងគ្រោះមែន គឺដោយយកខ្សែកាតសម្រាប់ពាក់ចូលធ្វើការរឹត.កសម្លាប់ រួចដឹកយកទៅប្លុងចោលនៅក្រោមស្ពានចារិក ក្នុងស្រុកទឹកឈូ ខេត្តកំពត។ ជនសង្ស័យសារភាពទៀតថា រូបគេមិនបានស្រឡាញ់នារីរងគ្រោះទេ តែនាងចេះតែតាមរំខាន មិនបានធ្វើការអ្វីទាំងអស់ មិនតែប៉ុណ្ណោះនាងបានទូរស័ព្ទមកគំរាមសម្លាប់រូបគេទៀត។
បើតាមការឱ្យដឹងពីលោកឧត្តមសេនីយ៍ត្រី ម៉ៅ ច័ន្ទមធុរិទ្ធ ស្នងការរងមានប្រសាសន៍ថា នៅព្រឹកស្អែកនេះ សមត្ថកិច្ចនឹងធ្វើសន្និសីទកាសែតបង្ហាញមុខជនសង្ស័យសម្លាប់នារីជាសង្សារ។
គួររំលឹកថា រថយន្តកាមរីបាឡែនមួយគ្រឿង ព៌ណទឹកបា្រក់ ពាក់ស្លាកលេខភ្នំពេញ 2Y 3477 ត្រូវបានប្រជាការពារក្រឡេកឃើញនៅក្នុងដីឡូត៍មួយកន្លែងប្រមាណ៣០ម៉ែត្រពីផ្លូវភ្នំពេញ-ហាណូយ ស្ថិតក្នុងភូមិបាយ៉ាប សង្កាត់ភ្នំពេញថ្មី ខណ្ឌសែន សុខ បង្កឲ្យមានការភ្ញាក់ផ្អើលកាលពីម៉ោង៧ព្រឹកថ្ងៃទី១៦ មេសា ២០១៤ ។
បើតាមអ្នកឆ្លើយឆ្លងព័ត៌មានកោះសន្តិភាពបានស្រង់សំដីប៉ូលិសការិយាល័យបច្ចេកទេសបញ្ជាក់ឲ្យដឹងទៀតថា នៅក្នុងរថយន្តគេឃើញកូនសោរថយន្តនៅជាប់នោះ ហើយមានកាបូបខោអាវ ទឹកផ្លែឈើ ទឹកក្រូច និងឃើញសក់ស្រ្តីជ្រុះនៅខាងមុខរាយប៉ាយក្បែរចង្កូតរថយន្តនោះថែមទៀត ។
ភ្លាមៗសមត្ថកិច្ចបានដាក់ការសង្ស័យថា រថយន្តនេះទំនងជាទើបមកពីដើរលេងនៅខេត្តណាមួយ ហើយកើតមានជម្លោះបង្កជាអំពើហិង្សា ទើបមានសក់ជ្រុះទំាងដុំៗយ៉ាងដូច្នេះ ។
ក្រោយមករថយន្តត្រូវបានសមត្ថកិច្ចបើកយកមករក្សាទុកនៅការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលរាជធានីភ្នំពេញ រង់ចំាស្រាវជ្រាវរកម្ចាស់ ។
សេចក្តីរាយការណ៏ចុងក្រោយ គឺរថយន្តខាងលើ ត្រូវសមត្ថកិច្ចខេត្តកំពតនាំយកទៅខេត្តកំពតវិញហើយ ដើម្បីបន្តស៊ើបអង្កេត ។
ព័ត៌មានលម្អិតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ