ខេត្តបន្ទាយមានជ័យ ៖ ប្រភពព័ត៌មានពីប្រទេសថៃ បានឲ្យកោះសន្តិភាពដឹង នៅរសៀល ថ្ងៃទី១១ ខែមេសា ២០១៤នេះថាយ៉ាងហោចណាស់មានពលករខ្មែរប្រុសស្រីជាង២០នាក់ស្លាប់ និងរបួសធ្ងន់ស្រាល កាលពីព្រឹកថ្ងៃទី១១នេះនៅចំណុច បរិវេណផ្លូវសុខុមវីត ឃុំសងភីណង ស្រុកថាម៉ៃ មុនចូលទីរួមខេត្តចាន់បូរីប្រមាណ៦គីឡូម៉ែត្រដោយសារគ្រោះថ្នាក់ចរាចរណ៏រថយន្តប្រភេទ១២កៅអី ធ្លាក់ស្នាមភ្លោះរួចបុកគល់ឈើ បង្កជាចំហេះឆាបឆេះទាំងរថយន្តខ្ទេចទាំងព្រឹក។
ប្រភពបន្តទៀតថាពលករខ្មែរទាំងអស់ សុទ្ធតែវិលត្រឡប់ពីតាមបណ្ដាខេត្តក្នុងប្រទេសថៃដើម្បីមកចូលរួមពិធីបុណ្យចូលឆ្នាំថ្មីប្រពៃណីយ៍ជាតិដែលនិងខិតជិតចូលមកដល់នាពេលឆាប់ៗថ្ងៃខាងមុខនេះ។
ទោះជាយ៉ាងណាគេពុំទាន់ដឹងថាពលករទាំងនោះ មានប្រុសឬស្រីប៉ុន្មាននោះទេហើយក៍មិនទាន់ដឹងថាជាអ្នកខេត្តណាខ្លះនោះដែរ ដោយអ្នករបួសពេលនេះកំពុងត្រូវបានក្រុមសង្រ្គោះ នាំទៅកាន់មន្ទីរពេទ្យក្នុងស្រុកកើតហេតុ។
ទាក់ទិននិងករណីខាងលើនេះលោកនេត្រ សារី អគ្គ:កុងស៊ុលខ្មែរប្រចាំខេត្តស្រ:កែវ ប្រទេសថៃកោះសន្តិភាពមិនអាចទាក់ទងសុំការបំភ្លឺបានទេព្រោះទូរស័ព្ទរបស់លោកចុចមិនចូល ។
ចែករំលែកព័តមាននេះ