ខេត្តរតនគិរី ៖ បើតាមអ្នកឆ្លើយឆ្លងព័តមានកោះសន្តិភាពដែលឃើញផ្ទាល់ភ្នែក និងពីប្រជាពលរដ្ឋបានឲ្យដឹងថា ឈើប្រណីតជាច្រើនត្រូវបានឈ្មួញដឹកតាមផ្លូវជាតិលេខ៧៨ ឆ្ពោះទៅកាន់ច្រក១៩ ហៅច្រកចេញបារី ខាងក្រោយកាស៊ីណូមួយកន្លែង ចម្ងាយប្រមាណ៣០០ម៉ែត្រ ពីច្រកទ្វារអន្តរជាតិអូរយ៉ាដាវ ស្ថិតក្នុងភូមិប៉ក់ធំ ឃុំប៉ក់ញ៉ៃ ស្រុកអូរយ៉ាដាវ ។
ខេត្តរតនគិរី ៖ បើតាមអ្នកឆ្លើយឆ្លងព័តមានកោះសន្តិភាពដែលឃើញផ្ទាល់ភ្នែក និងពីប្រជាពលរដ្ឋបានឲ្យដឹងថា ឈើប្រណីតជាច្រើនត្រូវបានឈ្មួញដឹកតាមផ្លូវជាតិលេខ៧៨ ឆ្ពោះទៅកាន់ច្រក១៩ ហៅច្រកចេញបារី ខាងក្រោយកាស៊ីណូមួយកន្លែង ចម្ងាយប្រមាណ៣០០ម៉ែត្រ ពីច្រកទ្វារអន្តរជាតិអូរយ៉ាដាវ ស្ថិតក្នុងភូមិប៉ក់ធំ ឃុំប៉ក់ញ៉ៃ ស្រុកអូរយ៉ាដាវ ។
សេចក្តីរាយការណ៏បានបន្តថា ឈើប្រណីតទំាងនោះភាគច្រើនប្រភេទធ្នង់មានមុខកាត់២តឹក៤ជ្រុង ប្រវែង២,៤ម៉ែត្រ ត្រូវបានក្រុមឈ្មួញដែលស្គាល់ថាសុទ្ឋតែជាមន្រ្តីយោធាដែលមានខ្នងក្រាស់ ដឹកតាមរថយន្តស៊េរីទំនើបដូចជា Luxus ,Tundra , Tacoma ជាដើម ។ ប្រភពបានបញ្ជាក់ទៀតថា នៅរសៀលថ្ងៃទី១១ មេសា ២០១៤ ក្រុមឈ្មួញបានសម្រុកដឹកឈើប្រណីតចេញដូចហែកឋិន និងធ្វើឲ្យមានការកកស្ទះផ្លូវផងដែរនៅច្រករបៀង ១៩ខាងលើ ។
សេចក្តីរាយការណ៏បន្ថែមថា ការណ៏ដែលក្រុមឈ្មួញជាមន្រ្តីយោធាអាចនំាឈើទំាងនោះចេញទៅវៀតណាមបាន ដោយសារសមត្ថកិច្ចចំារាប់ក្បាលឡានយកលុយ និង ខ្លះដាក់ខែតែម្តង ។
យ៉ាងណាក៏ដោយនៅរសៀលថ្ងៃសុក្រនេះដែរ កោះសន្តិភាពមិនអាចទាក់ទងតាមទូរស័ព្ទសុំការបំភ្លឺបានទេពីមន្រ្តីជំនាញពាក់ព័ន្ឋនានាជុំវិញការចោទប្រកាន់ខាងលើនេះ ៕
ចែករំលែកព័តមាននេះ