រាជធានីភ្នំពេញ ៖ ស្ត្រីវ័យក្មេងម្នាក់ដែលគេស្គាល់ថា ជាអ្នករត់តុនៅក្នុងភោជនីយដ្ឋានយីហោ ស៊ាវប៉ាវមុីស៊ឺ បានចោទប្រកាន់ថៅកែរបស់ខ្លួនថា បានបង្ខំឱ្យនាងផឹកស្រាជាមួយ បន្ទាប់មកបានបុ៉នប៉ងចាប់រំលោ.ភសេពសន្ថវៈលើរូបរាងកាយរបស់នាង ។ បុ៉ន្តែពេលនោះត្រូវបាននាងប្រើើល្បិចធ្វើជាយល់ព្រម ទើបអាចមានឱកាសរត់ចេញពីកណ្តាប់ថៅកែនោះបាន ។
រាជធានីភ្នំពេញ ៖ ស្ត្រីវ័យក្មេងម្នាក់ដែលគេស្គាល់ថា ជាអ្នករត់តុនៅក្នុងភោជនីយដ្ឋានយីហោ ស៊ាវប៉ាវមុីស៊ឺ បានចោទប្រកាន់ថៅកែរបស់ខ្លួនថា បានបង្ខំឱ្យនាងផឹកស្រាជាមួយ បន្ទាប់មកបានបុ៉នប៉ងចាប់រំលោភសេពសន្ថវៈលើរូបរាងកាយរបស់នាង ។ បុ៉ន្តែពេលនោះត្រូវបាននាងប្រើើល្បិចធ្វើជាយល់ព្រម ទើបអាចមានឱកាសរត់ចេញពីកណ្តាប់ថៅកែនោះបាន ។
ក្នុងសកម្មភាពខាងលើនេះ នាងក៏បានសង្ស័យថា មានការរួមគំនិតពីសំណាក់មិត្តភក្តិស្រីរបស់នាង២នាក់ទៀតផងដែរ ។ ហេតុការណ៍នោះបង្កឱ្យមានការភ្ញាក់ផ្អើលឡើងកាលពីវេលាម៉ោង១០និង១០នាទីយប់ថ្ងៃទី១០ មេសា នៅក្នុងភោជនីយដ្ឋានខាងលើ ដែលមានទីតាំងស្ថិតនៅក្នុងភូមិព្រៃទា សង្កាត់ចោមចៅ ខណ្ឌពោធិ៍សែនជ័យ ។ ស្ត្រីម្នាក់នោះប្រាប់សមត្ថកិច្ចថា នាងឈ្មោះ ចាន់ ធី អាយុ២០ឆ្នាំ មានស្រុកកំណើតក្នុងខេត្តព្រះសីហនុ ហើយនាងត្រូវបានមិត្តភក្តិស្រីរបស់នាង២នាក់នាំចូលធ្វើការជាអ្នករត់តុនៅក្នុងភោជនីយដ្ឋានស៊ាវប៉ាវមុីស៊ឺនោះទេើបតែបាន៧ថ្ងៃបុ៉ណ្ណោះ ។
ចំណែកថៅកែហាងនេះជាជនជាតិចិន ដែលជាជនជាប់ចោទ តែនាងមិនបានស្គាល់ឈ្មោះទេ ព្រោះទើបតែចូលធ្វើការ ។ នៅពេលមានការភ្ញាក់ផ្អើលដឹងដល់កម្លាំងប៉ូលិស និងប្រជាពលរដ្ឋ ថៅកែកំហូចម្នាក់នោះបានបិទភ្លើង និងបិទទ្វារហាងពួនសម្ងំនៅក្នុងហាង មិនហ៊ានចេញមកក្រៅទេ ។ ស្ត្រីរូបនេះឱ្យដឹងទៀតថា ក្នុងយប់កើតហេតុនោះ នៅក្នុងហាងខាងលើមិនមានភ្ញៀវចូលទេ ខណៈនោះថៅកែជនជាតិចិនរូបនោះ និងមិត្តភក្តិម្នាក់ ដែលជាជនជាតិចិនដូចគ្នា បានធ្វើកម្មវិធីផឹកស៊ីនៅក្នុងហាងដោយផឹកស្រាផលិតនៅប្រទេសចិន ។ ដោយឡែក រូបនាងត្រូវបានថៅកែបង្ខំឱ្យផឹកស្រាកំដរ ដោយថៅកែបានឱ្យលុយនាងចំនួន១០០ដុល្លារ។ លុះផឹកបានមួយសន្ទុះ ថៅកែជនជាតិចិនម្នាក់នោះបានលូកស្ទាបអង្អែលចំណុចសំខាន់ៗរបស់នាង ។ នាងរៀបរាប់ប្រាប់ប៉ូលិសទៀតថា ដោយអត់ទ្រាំទៅនឹងទង្វើនោះមិនបាន នាងក៏បានក្រោកដើរចេញទៅបន្ទប់ទឹក ស្រាប់តែថៅកែនោះដើរទៅតាមក្រោយដែរ ។ បន្ទាប់មកចាប់នាងឱបថើបញក់ញីក្នុងបន្ទប់ទឹក ព្រមទាំងប្រឡេះឡេវអាវ និងឡេវខោរបស់នាង ប៉ុនប៉ងចាប់រំលោភសេពសន្ថវៈទាំងកំរោល ។
ប៉ុន្តែខណៈនោះនាងបានប្រើល្បិចធ្វើជាយល់ព្រម និងប្រាប់ថៅកែថា ចូលបន្ទប់ផ្សេងវិញ ហើយឆ្លៀតឱកាសដែលជននោះភ្លេចខ្លួន នាងក៏បានរត់ចេញក្រៅដើម្បីឱ្យសមត្ថកិច្ច និងអ្នករស់នៅនៅក្បែរៗនោះជួយតែម្តង ។ នាងក៏មានការសង្ស័យទៅលើមិត្តភក្តិរបស់នាង២នាក់ ដែលបាននាំនាងចូលធ្វើការនោះថា មានការរួមគំនិតជាមួយថៅកែជនជាតិចិននោះដែរ និងមានបំណងនាំនាងដើម្បីឱ្យថៅកែនោះរំលោភ ។ នាងអះអាងថា ព្រោះនៅពេលដែលឃើញនាងកំពុងមានបញ្ហា មិត្តភក្តិទាំង២នាក់នោះមិនបានជួយរូបនាងឡើយ គឺដឹងដែរ តែនៅស្ងៀម ។ ប្រភពព័ត៌មានពីកន្លែងកើតហេតុឱ្យដឹងថា ស្ត្រីរូបនេះបានរត់ចេញក្រៅយ៉ាងត្រហេបត្រហប និងក្នុងស្ថានភាពភិតភ័យថែមទៀត ។ ក្រោយពេលកើតហេតុ កម្លាំងនគរបាលប៉ុស្តិ៍ចោមចៅ និងនគរបាលព្រហ្មទណ្ឌខណ្ឌពោធិ៍សែនជ័យបានចុះទៅអន្តរាគមន៍ និងនាំស្ត្រីរូបនេះទៅសាកសួរ ។ ប៉ុន្តែភ្លាមៗនោះមិនបានចាប់ខ្លួនថៅកែជនជាតិចិននោះទេ ព្រោះពេលនោះពួកគេបិទទ្វារហាង និងបិទភ្លើងងងឹតសូន្យឈឹង ហើយរហូតដល់វេលាព្រឹកឡើងគេមិនបានដឹងថា ប៉ូលិសចាត់ការបែបណាទៀតឡើយ ព្រោះរឿងនេះបូ៉លិសហាក់មានការព្យាយាមលាក់លៀមខ្លាំងណាស់ ។
ម្យ៉ាងទៀត នៅវេលាយប់កើតហេតុនោះ ប៉ូលិសបុ៉ស្តិ៍ចោមចៅម្នាក់បានពាក់មុខយក្ស បើកភ្នែកធំៗដាក់ក្រុមអ្នកកាសែតថែមទៀតផង ទំនងខ្លាចបាត់បង់លាភសក្ការៈអ្វីមួយក៏មិនដឹង ។ ក្នុងរឿងនេះ ប្រសិនបើប៉ូលិសសម្លឹងឃើញលាភសក្ការៈមែននោះ អ្នកដែលគួរឱ្យអាណិតបំផុត គឺស្ត្រីខ្មែរដ៏កម្សត់ម្នាក់នេះ ហើយក៏មិនខុសពី «ចុះទឹកក្រពើ ឡើងលើខ្លា» នេះឡើយ ៕
ចែករំលែកព័តមាននេះ