រាជធានីភ្នំពេញ ៖ សមាគមកីឡាតេក្វាន់ដូកម្ពុជា (I.T.F) ក្រោមការសហការជាមួយគណៈកម្មាធិការជាតិអូឡាំពិកកម្ពុជា និងក្រសួងអប់រំ យុវជន និងកីឡា បានសម្រេចបញ្ជូនកីឡាកររបស់ខ្លួនចំនួន៥នាក់ឱ្យទៅចូលរួមប្រកួតក្នុងព្រឹត្ដិការណ៍កីឡាតេក្វាន់ដូ I.T.F ជើងឯកអាស៊ីលើកទី៧ នៅប្រទេសនេប៉ាល់ បន្ទាប់ពីចប់ពិធីបុណ្យចូលឆ្នាំថ្មីប្រពៃណីជាតិខ្មែររួច ។
រាជធានីភ្នំពេញ ៖ សមាគមកីឡាតេក្វាន់ដូកម្ពុជា (I.T.F) ក្រោមការសហការជាមួយគណៈកម្មាធិការជាតិអូឡាំពិកកម្ពុជា និងក្រសួងអប់រំ យុវជន និងកីឡា បានសម្រេចបញ្ជូនកីឡាកររបស់ខ្លួនចំនួន៥នាក់ឱ្យទៅចូលរួមប្រកួតក្នុងព្រឹត្ដិការណ៍កីឡាតេក្វាន់ដូ I.T.F ជើងឯកអាស៊ីលើកទី៧ នៅប្រទេសនេប៉ាល់ បន្ទាប់ពីចប់ពិធីបុណ្យចូលឆ្នាំថ្មីប្រពៃណីជាតិខ្មែររួច ។
លោក បួន រិទ្ធិយ៉ា អគ្គលេខាធិការសមាគមកីឡាតេក្វាន់ដូកម្ពុជា បានថ្លែងថា ព្រឹត្តិការណ៍អន្ដរជាតិខាងលើនេះមានប្រទេសជាង២០ចូលរួម ឯការប្រកួតចាប់ផ្ដើមពីថ្ងៃទី១៨រហូតដល់ថ្ងៃទី២៣ មេសា ឆ្នាំ២០១៤ ។ លោកបន្ដថា ចំពោះកីឡាករតេក្វាន់ដូស្ទីល I.T.F ដែលលោកត្រៀមនឹងបញ្ជូនទៅប្រកួតនៅប្រទេសនេប៉ាល់នោះគឺមានកីឡាករ ហ៊ វិចិត្រ ,ទ្រី វរល័ក្ខណ៍ ,ជា ច័ន្ទឡា ,នាង សីហា និងកីឡាករ ប៉ាល់ ជីវ័ន្ដ ដែលជាកីឡាករឆ្នើមធ្លាប់ដណ្ដើមបានមេដាយសំរឹទ្ធចំនួន២គ្រឿងក្នុងការប្រកួតជើងឯកពិភពលោក និងមេដាយប្រាក់១គ្រឿងក្នុងការប្រកួតកីឡាជើងឯកអាស៊ីលើកទី៥ ។ លោកបញ្ជាក់ថា នេះជាការប្រកួតដ៏សំខាន់មួយ ហើយក្រុមកីឡាករទាំងអស់ប្ដេជ្ញាប្រឹងប្រែងប្រកួតឱ្យអស់ពីលទ្ធភាព ធ្វើយ៉ាងណាដណ្ដើមមេដាយយកមកជូនជាតិឱ្យខាងតែបាន ។
អគ្គលេខាធិការគណៈកម្មាធិការជាតិអូឡាំពិកកម្ពុជា (NOCC) លោក វ៉ាត់ ចំរើន មានប្រសាសន៍ថា NOCC គាំទ្រគ្រប់សកម្មភាពចំពោះការចូលរួមប្រកួតក្នុងព្រឹត្ដិការណ៍លក្ខណៈអន្ដរជាតិធំៗ ទោះបីជាតេក្វាន់ដូមិនមែនជាកីឡាអូឡាំពិកក៏ដោយ ។ ប៉ុន្ដែយ៉ាងណា កីឡាករទាំងអស់ត្រូវគោរពវិន័យ និងក្រមសីលធម៌ឱ្យបានល្អ ដើម្បីដណ្ដើមកិត្ដិយសជូនប្រទេសជាតិយើង ។ នៅក្នុងឱកាសនោះ លោក វ៉ាត់ ចំរើន បានឧបត្ថម្ភថវិកាផ្ទាល់ខ្លួនដល់កីឡាករដែលត្រូវចេញទៅប្រកួតចំនួន៣០០ដុល្លារ ក្រៅពីនេះមានការឧបត្ថម្ភថវិការពីលោក រ័ត្ន ស៊្រាង មេបញ្ជាការកងរាជអាវុធហត្ថរាជធានីភ្នំពេញ ចំនួន២.០០០ដុល្លារ ក្រុមមេធាវីប៊ូនូអ៊ុក ៥០០ដុល្លារ និងប្រាក់ពីក្រសួងអប់រំ យុវជន និងកីឡា ម្នាក់២០ដុល្លារក្នុង១ថ្ងៃផងដែរ ។
សម្រាប់ប្រធានប្រតិភូដែលដឹកនាំកីឡាករទៅចូលរួមព្រឹត្ដិការណ៍នេះគឺលោក RICHON-AM ដែលជាគ្រូបង្វឹកមកពីប្រទេសកូរ៉េ ហើយចំពោះវិញ្ញាសាដែលត្រូវប្រកួតមាន ប្រកួតឯកត្ដជន ,ប្រកួតសម្ដែងជាក្រុមជាស្នៀតមេគុន និងប្រកួតសម្ដែងស្នៀតប្រយុទ្ធពិសេស១ទល់៣នាក់ ៕
ចែករំលែកព័តមាននេះ