ការអភិវឌ្ឍជំនួយលើពិភពលោក
ជំនួយដែលទទួលបានមកពីបណ្ដាប្រទេសអភិវឌ្ឍន៍លើពិភពលោកក្នុងឆ្នាំ២០១៣ សម្រេចបានក្នុងកម្រិតខ្ពស់ស្មើនឹងទឹកប្រាក់១៣៤,៨ពាន់លានដុល្លារ ។ ក្នុងនោះសហរដ្ឋអាមេរិកនៅតែជាម្ចាស់ជំនួយធំជាងគេបំផុតក្នុងរង្វង់ទឹកប្រាក់ដែលបានផ្ដល់ឱ្យ៣១,៦ពាន់លានដុល្លារ ភាគច្រើនគឺជំនួយសប្បុរសធម៌និងការប្រយុទ្ធប្រឆាំងនឹងជំងឺអេដស៍ ។ ម្យ៉ាងទៀតជំនួយទាំងនោះគឺតំណាងឱ្យថវិកា០,១៩%នៃប្រាក់ចំណូលជាតិរបស់ខ្លួន ។ រីឯម្ចាស់ជំនួយមកពីប្រទេសអឺរ៉ុបរួមមាន ន័រវេស (១,០៧%)និងអង់គ្លេស(០,៧២%) ។
នយោបាយនៃថវិកាសារពើពន្ធ
នាយករដ្ឋមន្ត្រីថ្មីរបស់ប្រទេសអីុតាលី និងបារាំងបានបង្ហាញគម្រោងនៃនយោបាយសារ ពើពន្ធថ្មីដែលមានខ្លឹមសារនៅក្នុងការកាត់បន្ថយពន្ធ និងការចំណាយសារធារណៈ ។ នយោបាយថ្មីនេះអាចនឹងទាមទារមកវិញនូវឱកាសថវិកាដែលបាត់បង់ដែលកំណត់ដោយកិច្ចព្រមព្រៀងមួយគណៈកម្មាធិការអឺរ៉ុបនៅក្នុងទីក្រុងBrussel ។
ដំណើរការរើបឡើងវិញនៃសេដ្ឋកិច្ចពិភពលោក
មូលនិធិរូបិយវត្ថុអន្តរជាតិ(IMF)បានឱ្យដឹងថា ការធ្វើឱ្យប្រសើរឡើងវិញនៃសេដ្ឋកិច្ចពិភពលោកគឺមិនត្រឹមតែប្រែក្លាយមកជាភាពខ្លាំងក្លាជាងមុនប៉ុណ្ណោះទេថែមទាំងពង្រីកខ្លួនកាន់តែធំជាងមុនទៅទៀត ។ ចំណែករបាយការណ៍ចុងក្រោយនេះបានព្យាករថា GDP លើពិភពលោកនឹងកើនឡើង៣,៦%ក្នុងឆ្នាំ២០១៤ នេះក្នុងនោះប្រទេសអង់គ្លេសដែលជាអ្នកធ្វើបានល្អជាងគេនៃកំណើនGDPរបស់ខ្លួនក្នុងចំណោមប្រទេសG7គឺស្មើនឹង២,៩% ។
ដំណើរឆ្ពោះទៅមកនៃបច្ចេកវិទ្យាSogtware
ក្រុមហ៊ុន Microsoft បានចេញផ្សាយនូវការUpdate លក្ខណៈសន្ដិសុខសុវត្ថិភាពចុងក្រោយរបស់ខ្លួនចំពោះប្រព័ន្ធប្រតិបត្តិការរបស់Window XP ដែលមានលក្ខណៈមិនស្គាល់ជាមួយនឹងSoftware មួយចំនួន ។ ដូចនេះWindow XP នៅតែមានឥទ្ធពល២៨%លើប្រព័ន្ធកុំព្យូរទ័រផ្ទាល់ខ្លួននៅលើពិភពលោក ។ រដ្ឋាភិបាលអង់គ្លេសនិងហូឡង់កំពុងចំណាយលើក្រុមហ៊ុន Microsoft ដើម្បីពង្រីកការទទួលស្គាល់សម្រាប់Window XP នៅក្នុងក្រសួងបច្ចេកវិទ្យាព័ត៌មាន ខណៈដែល៩៥%នៃកាតATM របស់ធនាគារ និងក្រុមហ៊ុនជាច្រើននៅលើពិភពលោកនៅតែបន្តប្រើប្រាស់ប្រព័ន្ធនេះ ។
វៀតណាមគ្រោងខ្ចីថវិកាពីបរទេស៤,៥២លានដុល្លារក្នុងឆ្នាំ២០១៤
ក្រសួងហិរញ្ញវត្ថុប្រទេសវៀតណាមបានថ្លែងថា ខ្លួនមានគម្រោងស្នើកម្ចីឥណទានបរទេសប្រមាណជា៤,៥២ពាន់លានដុល្លារអាមេរិកក្នុងឆ្នាំ២០១៤ ហើយក្នុងអំឡុងឆ្នាំនេះដែរវៀតណាមនឹងចំណាយ២,៣២ពាន់លានដុល្លារលើការសង់បំណុលអន្តរជាតិ ។ បន្ថែមលើនេះរដ្ឋាភិបាលវៀតណាមគ្រោងនឹងប្រមែប្រមូលពីឥណទានក្នុងស្រុកឱ្យបាន១៧,៣៩ ពាន់លានដុល្លារនៅក្នុងឆ្នាំ២០១៤ ក្រោមការអនុម័តលើសេចក្ដីសម្រេចដោយនាយករដ្ឋមន្ត្រី ៕
ចែករំលែកព័តមាននេះ