រាជធានីភ្នំពេញ ៖ អ្នកធ្លាប់មានមុខមាត់និងមានកិត្ដិយសម្នាក់គឺលោក កឹម ជាតិ និងលោកស្រី ភួង ម៉ាឡា ជាភរិយា ប៉ុន្មានថ្ងៃកន្លងមកនេះ ដូចជាបាក់មុខ ខូចកិត្ដិយសមិនតិចទេដោយសារតែប្រព័ន្ធផ្សព្វផ្សាយល្បីៗក្នុងស្រុកបានចេញផ្សាយបន្ដបន្ទាប់ជាប់ចោទថា ខ្ចីប្រាក់គេ១០ម៉ឺុនដុល្លារមិនព្រមសង រហូតដល់ចេញសែកស្អុយបោកប្រាស់ម្ចាស់បំណុលថែមទៀត ។
រាជធានីភ្នំពេញ ៖ អ្នកធ្លាប់មានមុខមាត់និងមានកិត្ដិយសម្នាក់គឺលោក កឹម ជាតិ និងលោកស្រី ភួង ម៉ាឡា ជាភរិយា ប៉ុន្មានថ្ងៃកន្លងមកនេះ ដូចជាបាក់មុខ ខូចកិត្ដិយសមិនតិចទេដោយសារតែប្រព័ន្ធផ្សព្វផ្សាយល្បីៗក្នុងស្រុកបានចេញផ្សាយបន្ដបន្ទាប់ជាប់ចោទថា ខ្ចីប្រាក់គេ១០ម៉ឺុនដុល្លារមិនព្រមសង រហូតដល់ចេញសែកស្អុយបោកប្រាស់ម្ចាស់បំណុលថែមទៀត ។
តើលោកកឹម ជាតិ និងលោកស្រីភួង ម៉ាឡា ខ្ចីប្រាក់ពីអ្នកណា? អ្នកណាជាម្ចាស់បំណុល? ប្រភពច្បាស់ការ ដោយមានឯកសារជាវត្ថុតាងផងបានប្រាប់កោះសន្ដិភាពថា លោកកឹម ជាតិ អាយុជាង ៥០ឆ្នាំ និងភរិយាឈ្មោះ ភួង ម៉ាឡា មានទីលំនៅផ្ទះលេខ៣៩Eo ផ្លូវលេខ៤៤០ សង្កាត់ទួលទំពូងទី១ ខណ្ឌចំការមន រាជធានីភ្នំពេញ បានទទួលប្រាក់ខ្ចីចំនួន១០ម៉ឺុនដុល្លារអាមេរិក ពីលោកស្រី ម៉ែន ស៊ីថា ភរិយាលោក ឌឿន សុវណ្ណ នៅថ្ងៃទី៦ តុលា ២០១២ ។ ក្នុងកិច្ចសន្យាដែលមានផ្ដិតមេដៃទាំង២នាក់ប្ដីប្រពន្ធផង បានសន្យាសងវិញនៅថ្ងៃទី៦ តុលា ឆ្នាំ ២០១៣ គឺខ្ចីរយៈពេល១ឆ្នាំ ។ ប្រភពច្បាស់ការដដែលបានឱ្យដឹងទៀតថាដល់ថ្ងៃត្រូវសងហើយ ប៉ុន្ដែគ្មានប្រាក់សងត្រូវលោក កឹម ជាតិ និងភរិយាបានសន្យាជាលាយលក្ខណ៍អក្សរជាថ្មីសន្យាសងនៅថ្ងៃទី៦ ធ្នូ ឆ្នាំ២០១៣ ព្រោះសែកដែលចេញឱ្យត្រូវសងនៅថ្ងៃទី៦ តុលា ឆ្នាំ ២០១៣ ជាសែកស្អុយដែលធនាគារបញ្ជាក់ជាផ្លូវការ ។
លុះដល់ថ្ងៃទី៦ ធ្នូ ឆ្នាំ២០១៣ នៅតែអត់សងទៀត លោក កឹម ជាតិ និងភរិយាបានធ្វើកិច្ចសន្យាមួយទៀតនៅចំពោះមុខម្ចាស់បំណុលគឺលោក ឌឿន សុវណ្ណ និងលោកស្រី ម៉ែន ស៊ីថា ជាភរិយាថា សន្យាសងប្រាក់១០ម៉ឺុនដុល្លារនេះនៅថ្ងៃទី៦ កុម្ភៈ ២០១៤វិញ ។ ទោះបីភូតលើគោកមួយដងជាពីរដង ឡើងដល់៣ដងយ៉ាងនេះក្ដី ក៏លោក ឌឿន សុវណ្ណ និងភរិយានៅតែយល់ព្រមសម្រួលដដែល ព្រោះយល់ថា លោក កឹម ជាតិ ជាមនុស្សមានមុខមាត់ មានកិត្ដិយស និងជាអ្នកមានធូរធាម្នាក់នៅរាជធានីភ្នំពេញនឹងគេដែរ ។
ប្រភពច្បាស់ការបានបញ្ជាក់ទៀតថា ការពន្យាពេលដោយសង្ឃឹមថានឹងសងនោះ ក្លាយទៅជាអំពើក្បត់នូវសេចក្ដីទុកចិត្ដទាំងស្រុង ព្រោះរហូតមកដល់ថ្ងៃទី៩ មេសាទៅហើយ លោក កឹម ជាតិ និងភរិយាដែលជាកូនបំណុលអត់បានសងវិញឡើយធ្វើឱ្យលោក ឌឿន សុវណ្ណ និងភរិយាអស់សេចក្ដីទុកចិត្ដទាំងស្រុង ។ ប្រភពជឿជាក់មួយនិយាយថា មិនត្រឹមតែមិនសងទេ គឺលោក កឹម ជាតិ បានរត់រកបង្អែកសុទ្ធតែជាជនមានអំណាចខ្ពស់ៗមកជួយកាង (ដែលពេលនេះកោះសន្ដិភាពសុំមិនបញ្ចេញឈ្មោះទេ កុំឱ្យ«ឯកឧត្ដមនោះបាក់មុខពេក ក្រែងលោដឹងដល់សម្ដេចតេជោ») គឺជួយកាងរហូតដល់សាលាដំបូងមិនឱ្យចាប់ខ្លួន ឱ្យជួយពន្យាពេលបន្ដទៅទៀត ដែលម្ចាស់បំណុលនិយាយថា បើអ្នកច្បាប់ធ្វើរបៀបនេះ តើឱ្យសង្ឃឹមលើអ្នកណាទៀត ។ អ្នករងគ្រោះរត់រកច្បាប់ បែរជាអ្នកច្បាប់នៅជាមួយជនល្មើស តើឱ្យសង្ឃឹមមេឃណាទៀតទៅ ?
ក្នុងករណីនេះ ម្ចាស់បំណុលបានប្ដឹងទៅសាលាដំបូដរាជធានីហើយ នៅតែអយ្យការចាត់ការបន្ដទៅចៅក្រមប៉ុណ្ណោះ ប៉ុន្ដែតាមទំនងមកពីមាន «ជើងកាងថ្នាក់ខ្ពស់ៗពេក» ទើបច្បាប់ក្លាយទៅជាដែកអេតចាយ លែងប្រើការលើសំណុំរឿងនេះបានទៅហើយដែរ ។ អ្នកស្គាល់លោក កឹម ជាតិ ច្បាស់និយាយថាលោក កឹម ជាតិ មានអចលនទ្រព្យច្រើនកន្លែងនៅរាជធានីភ្នំពេញ ដែលមានតម្លៃរាប់លានដុល្លារដែរ មិនគួរធ្វើល្ហាមបែបនេះឡើយ មិនគួរធ្វើឱ្យខូចកិត្ដិយសបែបនេះសោះ ។ ប៉ុន្ដែមានមតិខ្លះថា មកពីគាត់ខូចមិនព្រមសងប្រាក់គេ…សុខចិត្ដចំណាយរត់ការទប់ ។ អ្នកខ្លះទៀតនិយាយថា គង់តែសងគេដដែល ចាំបាច់ចំណាយទប់ ជើងគ្រែធ្វើអី…ព្រោះជាប្រាក់ខ្ចីគេទាំងដុល…ឬមកពីគាត់ខូចទេដឹង ? ម្សិលមិញនេះ កោះសន្ដិភាពបានព្យាយាមសុំការបំភ្លឺពីលោក កឹម ជាតិ ដែរ ប៉ុន្ដែពុំអាចរកលេខទូរស័ព្ទទាក់ទងបាន ៕
ចែករំលែកព័តមាននេះ