ខេត្តបន្ទាយមានជ័យ ៖ ពីមួយថ្ងៃទៅមួយថ្ងៃដងផ្លូវជាតិនៅក្រុងប៉ោយប៉ែតកាន់តែរួមតូចចង្អៀត ដោយសាររថយន្តតូចធំចតគ្មានសណ្តាប់ធ្នាប់យ៉ាងអនាធិបតេយ្យ ស្របពេលចំនួនពលករសម្រុកវិលត្រឡប់ពីថៃកាន់តែច្រើន ។
ជាក់ស្តែងនៅព្រឹកថ្ងៃទី១១ មេសា ដងផ្លូវជាតិក្នុងក្រុងប៉ោយប៉ែត ចាប់ពីផ្លូវចូលផ្សារអគ្គ ភូមិបាលិលេយ្យ១ ទៅទល់ក្បែររង្វង់មូលច្រកទ្វារអន្តរជាតិប៉ោយប៉ែត គេសង្កេតឃើញតាមសងខាងផ្លូវមានសុទ្ធតែរថយន្តតូចធំ ចតត្រៀបត្រារង់ចាំដឹកពលករ និងកន្លែងខ្លះកកស្ទះ ស្ទើរធ្វើដំណើរទៅមុខមិនបាន ។ សមត្ថកិច្ចជំនាញនៅក្រុងប៉ោយប៉ែតមានដែរ ប៉ុន្តែភាពគ្មានសណ្តាប់ធ្នាប់នៅតែបន្តកើតមានដដែល សង្ស័យរវល់ដើរប្រមូលលុយក្បាលរថយន្តហើយ ។
ចែករំលែកព័តមាននេះ