រាជធានីភ្នំពេញ ៖ នារីជាជនសង្ស័យម្នាក់ត្រូវបានម្ចាស់ហាងលក់គ្រឿងក្រអូបចាប់ខ្លួនប្រគល់ឱ្យសមត្ថកិច្ច ដោយសង្ស័យថាបានលួចទឹកអប់ម៉ាក Adidas មួយដបដែលមានតម្លែ10ដុល្លា៥០សេន ។ហេតុការណ៏នេះកើតឡើងនៅវេលាម៉ោង ៨និង ១៥នាទីយប់ថ្ងៃ ទី ១០ មេសា ២០១៤ នៅក្នុងម៉ាត ម៉េង គង់ អ៊ីនធើណេត ផ្ទះលេខ៨១ ផ្លូវលេខ៥១ ស្ថិតនៅក្នុងសង្កាត់ផ្សារថ្មីទី៣
រាជធានីភ្នំពេញ ៖ នារីជាជនសង្ស័យម្នាក់ត្រូវបានម្ចាស់ហាងលក់គ្រឿងក្រអូបចាប់ខ្លួនប្រគល់ឱ្យសមត្ថកិច្ច ដោយសង្ស័យថាបានលួចទឹកអប់ម៉ាក Adidas មួយដបដែលមានតម្លែ10ដុល្លា៥០សេន ។ហេតុការណ៏នេះកើតឡើងនៅវេលាម៉ោង ៨និង ១៥នាទីយប់ថ្ងៃ ទី ១០ មេសា ២០១៤ នៅក្នុងម៉ាត ម៉េង គង់ អ៊ីនធើណេត ផ្ទះលេខ៨១ ផ្លូវលេខ៥១ ស្ថិតនៅក្នុងសង្កាត់ផ្សារថ្មីទី៣ ខណ្ឌដូនពេញ ។
ជនសង្ស័យ មិនស្គាល់ឈ្មោះ ភេទស្រី អាយុ ២១ឆ្នាំ ។
ប្រភពព័ត៌មានពីកន្លែងកើតហេតុបានឱ្យដឹងថា ដំបូងគេឃើញ នារី ម្នាក់ចូលមកក្នុងហាង កើតហេតុខាងលើក្នុងបំណងរកទិញរបស់របរប្រើប្រាស់ មួយសន្ទុុះក្រោយមក គេឃើញនារីសង្ស័យបានបន្លំយកផលិតផលទឹកអប់មួយដប ម៉ាកAdidas ដាក់ចូលទៅក្នុងថង់ដោយពិនិត្យឃើញសកម្មភាព តាមកាមមេរ៉ាសុវត្តិភាព ប៉ុន្តែមិនទាន់ដើរចេញក្រៅហាងទេ ។ ដោយមានការសង្ស័យ ម្ចាស់ហាងក៏បានហៅនារីសង្ស័យ សុំឆែកថង់នោះក៏ឃើញ មានទឹកអប់ម៉ាក Adidas មួយដប ប៉ុន្តែនារីសង្ស័យបានបដិសេធថាមិនបានយកទេ គ្រាន់តែមិនទាន់បានគិតលុយ ។ បើតាមម្ចាស់ហាងឱ្យដឹងថា រាល់អតិថិជនដែលមកទិញទំនិញក្នុងហាង មិនទាន់គិតលុយគឺមិនមានសិទ្ធយករបស់របរ នៅក្នុងហាងដាក់ចូលទៅក្នុងថង់នោះទេ ។
បន្ទាប់ពីកើតហេតុ ម្ចាស់ហាងបានហៅសមត្ថកិច្ច ប៉ុស្តិ៍នគរបាលរដ្ឋបាលផ្សារថ្មីទី៣ មកយកនារីសង្ស័យ ទៅសាកសួរនិងដោះស្រាយតាមផ្លូវច្បាប់ ។ អ្វីដែលមានការចាប់អារម្មណ៏នោះគឺនៅពេលអ្នកសារព័ត៌មានមួយក្រុមចូលទៅយកព័ត៌មាននៅប៉ុស្តិ៍នគរបាលនោះត្រូវបានសមត្ថកិច្ចព្យាយាមមិនឱ្យចូលខាងក្នុង ដែលនារីសង្ស័យនៅទីនោះ ។
គេមានការសង្ស័យដោយឃើញសមត្ថកិច្ចមានការខ្សឹបខ្សៀវគ្នា អាចថាមានការសម្រួលគ្នាជាមួយជនសង្ស័យ ពីព្រោះមានមតិមជ្ឈដ្ឋាន នៅក្បែរនោះមួយចំនួនបានប្រាប់អ្នកសារព័ត៌មានថា កន្លងទៅ សមត្ថកិច្ចនៅប៉ុស្តិ៍នគរបាលរដ្ឋបាលផ្សារថ្មីទី៣ធ្លាប់ចាប់បានជនសង្ស័យ បានមួយយប់ ស្អែកឡើងក៏មានការដោះលែងទៅវិញ ។
ចែករំលែកព័តមាននេះ