រាជធានីភ្នំពេញ ៖ មិនដល់រយៈពេលមួយឆ្នាំផង សាំសុងបាននាំមកនូវអ្នកជំនាន់ក្រោយនៃត្រកូល Galaxy មកដល់ទីផ្សារប្រទេសកម្ពុជាហើយនៅក្នុងខែមេសានេះជាមួយនឹងរបកគំហើញបច្ចកវិទ្យាថ្មីបំផុត អស្ចារ្យបំផុត ដែលធ្វើឲ្យអតិថិជនទន្ទឹងរង់ចាំដោយអន្ទះសាចង់ដឹងនិងចង់ប្រើប្រាស់នូវទូរស័ព្ទដៃស៊េរីថ្មីបំផុតគឺ Galaxy S5។
ទូរស័ព្ទដៃបច្ចេកវិទ្យាទំនើបស៊េរីចុងក្រោយបំផុត Galaxy S5 នេះ បានបង្ហាញរូបរាងពិតប្រាដកហើយ និងធ្វើពិធីសម្ពោធចេញលក់ជាផ្លូវការ កាលពីថ្ងៃទី៩ មេសា ២០១៤ នៅសណ្ឋាគារណាហ្គាវើល រាជធានីភ្នំពេញ ដោយមានការចូលរួមជាកិត្តិយសពីលោក ហ្គីហាន់ លី នាយកគ្រប់គ្រងថៃសាមសុងអេឡិចត្រូនិច ប្រចាំកម្ពុជា-ឡាវ រួមទំាងអាជីវករលក់ដុំ ម្ចាស់ហាងលក់ទូរស័ព្ទដៃ និងភ្ញៀវកិត្តិយសជាច្រើននាក់មកទស្សនាបទបង្ហាញរូបភាពថ្មីរបស់ Galaxy S5 ពិសេសពីតារាចម្រៀងល្បី ជាអ្នកតំណាងផលិតផលទូរស័ព្ទដៃសាំសុង គឺកញ្ញា ឱកសុគន្ធកញ្ញា ច្រៀងបង្កើតបរិយាកាសរីករាយនៅក្នុងពិធីសម្ពោធនេះផងដែរ ។
វាពិតជាមិនគួរឲ្យជឿថា សាំសុង ខិតខំព្យាយាមស្វែងរកគំនិតបង្កើតថ្មី ច្នៃប្រឌិតរចនាផ្ទៃសំបកប្លែកនិងរឹងមាំ ហើយបន្ថែមនូវបច្ចេកវិទ្យាទំនើបដាក់ក្នុងទូរស័ព្ទដៃស៊េរីចុងក្រោយបំផុតនេះ នៅក្នុងរយៈពេលដ៏ខ្លី ។ Galaxy S5 គឺជាទូរស័ព្ទដែលមានមុខងារពិសេសជួយផ្នែកសុខមាលភាព, Camera 16 មីហ្គាភីហ្សែល ថតរូបភ្លឺច្បាស់ ចាប់ យកសកម្មភាពរស់រវើកបានយ៉ាងលឿន និងបង្ហាញរូបភាពនៅលើផ្ទៃអេក្រង់ដូចបេះបិត ដែលអាចថតបានតាមចំណង់ចំណូលចិត្តយ៉ាងសប្បាយរីករាយ ។ រីឯល្បឿនប្រើអ៊ីនធើណេតលឿនទាន់ចិត្ត, មានប្រព័ន្ធការពារធូលីនិងមិនជ្រាបទឹក និងមានទំហំអេក្រង់ធំជាងមុនរហូតដល់ 5.1អ៊ិញ, RAM 2 GB, Storage 16 GB។
លោក ហ្គីហាន់ លី នាយកគ្រប់គ្រងថៃសាំសុងអេឡិចត្រូនិចប្រចាំកម្ពុជា-ឡាវ បានមានប្រសាសន៍នៅក្នុងពិធីសម្ពោធនេះថា ជាមួយនឹងការច្នៃប្រឌិតរូបរាងថ្មីរបស់ Galaxy S5 សាំសុងបានបន្ថែមនូវមុខងារដ៏ពិសេសសម្រាប់ធ្វើជាជំនួយការសុខភាពរបស់លោកអ្នក ក្នុងការពិនិត្យតាមដាន ថែទាំសុខភាពនិងនៅជិតស្និទ្ធិជាមួយអ្នកគ្រប់ពេលវេលា ដោយជួយលោកអ្នកវាស់ស្ទង់ចលនាបេះដូង ចលនាឈាម កាឡូរី បានដោយខ្លួនឯង ។
លោក បញ្ជាក់ទៀតថា Galaxy S5 ជាគូនឹងនាឡិកា Gear គឺជាមិត្តដ៏ល្អ ដែលធ្វើឲ្យលោកអ្នកប្រើប្រាស់មិនខកបំណង មានជំនឿចិត្ត និងទទួលបានផលប្រយោជន៍ច្រើននៅក្នុងដៃរបស់អ្នក។ សាំសុងបានខិតខំប្រឹងប្រែងស្រាវជ្រាវ ច្នៃប្រឌិតបច្ចេកវិទ្យាថ្មី ដើម្បីបំពេញតម្រូវការរបស់អ្នកប្រើប្រាស់ឲ្យកាន់តែងាយស្រួល ទៅតាមសម័យបច្ចេកវិទ្យាទំនើប នាពេលបច្ចុប្បន្ននេះ ហើយជឿជាក់ថា លក្ខណៈពិសេសរបស់ Galaxy S5 នឹងជួយអ្នកប្រើប្រាស់ទទួលបានភាពងាយស្រួល ទំនើប ជាពិសេសផ្នែកសុខមាលភាព។
ចែករំលែកព័តមាននេះ