ប្រធានាធិបតីចិនលោក ស៊ី ជីនពីង កាលពីថ្ងៃទី៩ មេសា បានជួបពិភាក្សានៅទីក្រុងប៉េកាំង ជាមួយរដ្ឋមន្ត្រីការពារប្រទេសអាមេរិក លោក Chuck Hagel ដោយនាឱកាសនោះ លោកអំពាវនាវដល់ប្រទេសទាំង២ឱ្យបង្កើតម៉ូដែលថ្មីមួយនៃទំនាក់ទំនងយោធា ។
លោក ស៊ី ថ្លែងថា ទំនាក់ទំនងយោធាគឺជាសមាសភាពសំខាន់នៃទំនាក់ទំនងចិន-អាមេរិក ហើយភាគីទាំង២ត្រូវបង្កើតម៉ូដែលថ្មីមួយ
ប្រធានាធិបតីចិនលោក ស៊ី ជីនពីង កាលពីថ្ងៃទី៩ មេសា បានជួបពិភាក្សានៅទីក្រុងប៉េកាំង ជាមួយរដ្ឋមន្ត្រីការពារប្រទេសអាមេរិក លោក Chuck Hagel ដោយនាឱកាសនោះ លោកអំពាវនាវដល់ប្រទេសទាំង២ឱ្យបង្កើតម៉ូដែលថ្មីមួយនៃទំនាក់ទំនងយោធា ។
លោក ស៊ី ថ្លែងថា ទំនាក់ទំនងយោធាគឺជាសមាសភាពសំខាន់នៃទំនាក់ទំនងចិន-អាមេរិក ហើយភាគីទាំង២ត្រូវបង្កើតម៉ូដែលថ្មីមួយនៃទំនាក់ទំនងយោធាក្នុងក្របខណ្ឌនៃការបង្កើតប្រភេទថ្មី នៃទំនាក់ទំនងរវាងមហាអំណាចទាំង២ ។
ប្រធានាធិបតីចិនបានរំឭកពីការជួបគ្នានៅក្រុង Annenberg ជាមួយសមភាគីអាមេរិក លោក បារ៉ាក់ អូបាម៉ា កាលពីខែមិថុនា ឆ្នាំ២០១៣ ដោយនាឱកាសនោះ មេដឹកនាំទាំង២បានយល់ស្របគ្នាពីការបង្កើតប្រភេទថ្មីនៃទំនាក់ទំនងរវាងមហាអំណាចដោយឈរលើមូលដ្ឋាននៃការគោរពគ្នាទៅវិញទៅមក និងកិច្ចសហប្រតិបត្តិការឈ្នះ-ឈ្នះ ។
ដោយបញ្ជាក់ជាថ្មី ពីសារសំខាន់នៃគោលការណ៍គ្មានជម្លោះ និងមិនប្រឈមមុខដាក់គ្នា គោរពគ្នាទៅវិញទៅមក និងកិច្ចសហប្រតិបត្តិការឈ្នះ-ឈ្នះ ប្រធានាធិបតីចិនអំពាវនាវដល់ប្រទេសទាំងពីរឱ្យជំរុញកិច្ចសហប្រតិបត្តិការជាក់ស្តែងក្នុងវិស័យផ្សេងៗ ហើយគ្រប់គ្រងប្រកបដោយប្រសិទ្ធភាពនូវទំនាក់ទំនង និងបណ្តាបញ្ហារសើបទាំងឡាយ ដើម្បីធ្វើឱ្យមានការរីកចម្រើនដល់ប្រភេទថ្មីនៃទំនាក់ទំនងរវាងមហាអំណាចឱ្យដើរលើផ្លូវដ៏ល្អ ។
ចំណែកលោក Hagel វិញគូសបញ្ជាក់ថាទស្សនកិច្ចនេះរបស់លោកមានទិសដៅជំរុញម៉ូដែលថ្មីនៃទំនាក់ទំនងយោធា ។ ភាគីទាំង២ បានពិភាក្សាគ្នាជាវិជ្ជមានដោយស្មោះត្រង់ និងស្ថាបនា ។ លោក Hagel ពន្យល់ថា ទំនាក់ទំនងចិន-អាមេរិក គឺសំខាន់សម្រាប់ការអភិវឌ្ឍរបស់ពិភពលោកក្នុងសតវត្សទី២១ ហើយសម្តែងពីឆន្ទៈពង្រឹងការចរចា និងទំនុកចិត្តគ្នាទៅវិញទៅមក ដើម្បីកែលម្អទំនាក់ទំនងរវាងប្រទេសទាំងពីរ និងកងទ័ពទាំងពីរ ៕
ចែករំលែកព័តមាននេះ