រាជធានីភ្នំពេញ ៖ កាលពីថ្ងៃទី៩ មេសា អ្នកនាងសោម ម៉ាល័ក្ខ បានសម្រេចចិត្តដឹកដៃបុរសអាណិកជនអាមេរិកមានមុខងារជាវេជ្ជបណ្ឌិតរៀបការសាជាថ្មី បន្ទាប់ពីបានបែកបាក់ប្តីមុនជាកូនប្រុសអ្នកស្រី ពាន់ ភួងបុប្ផា កាលពីជិត១ឆ្នាំមុន។ ម៉ាល័ក្ខ បានរកឃើញស្នេហាថ្មីបណ្តូលចិត្តជំនួសវិបត្តិស្នេហ៍ ដោយបានសំពះផ្ទឹមក្រោមការជូនពរជ័យពីអ្នកសិល្បៈ និងចាស់ទុំ ។ ប៉ុន្តែគ្រាន់តែរៀបការប៉ុន្មានថ្ងៃសោះ ស្វាមីថ្មីរបស់តារាសម្តែងខ្មៅស្រស់រូបនេះ បានវេចខោអាវសម្លៀកបំពាក់ទៅអាមេរិកវិញ យ៉ាងប្រញាប់ប្រញាល់ចោលភរិយាស្រស់ស្អាត ដោយសារតែមិនអាចចាំបានវែងជាងនេះ ។
ស្វាមីដែលបានឆាបឆក់បេះដូងតារាសម្តែង សោម ម៉ាល័ក្ខ ដ៏ផូរផង់មានឈ្មោះ Jonathan C.Nou មានវ័យ៤០ឆ្នាំ ចំណែកម៉ាល័ក្ខ មានអាយុ២៤ឆ្នាំ ដោយពួកគេបានស្រឡាញ់គ្នាបានជិត១ឆ្នាំមកហើយ ហើយបានស្វែងយល់ចិត្តគ្នាយ៉ាងស៊ីជម្រៅ រហូតបានត្រូវម៉ាល័ក្ខ យល់ចិត្តគំនិតគ្នាបានប្រគល់ក្តីស្នេហ៍ និងឈានដល់ថ្ងៃសំពះផ្ទឹម កាលពីថ្ងៃទី៩ មេសា កន្លងទៅ ដោយជប់លៀងនៅកោះពេជ្រ មានភ្ញៀវ៦០០នាក់ ទាំងអ្នកសិល្បៈជាសាក្សីមកជូនពរ ។ យ៉ាងណាក៏ដោយ ម៉ាល័ក្ខ និងស្វាមី ឆ្លងទ្វីបបានជួបជុំគ្នាបានតែមួយប្រាវខ្លីប៉ុណ្ណោះ ដោយសារតែរៀបការបានតែប៉ុន្មានថ្ងៃស្វាមីមានសំណាងបានអ្នកមេម៉ាយរូបស្រស់នេះ បានចាកចេញទៅអាមេរិកចោលភរិយាស្រស់ស្អាតយ៉ាងប្រញាប់ ព្រោះតែជាប់ចំណងការងារចាំបាច់ត្រូវបំពេញ ទុកឱ្យភរិយាដេកនឹកស្វាមីដែលទើបតែរៀបការថ្មោងថ្មី ។
តារាសម្តែងវ័យ២៤ឆ្នាំដែលមានស្នាមញញឹមស្រស់សមជាតួសម្តែងបែបនារីខ្មែរ សោម ម៉ាល័ក្ខ បានប្រញាប់អះអាងបញ្ជាក់រឿងប្តីទៅអាមេរិកក្រោយរៀបការថា នាងពិតជាបានបែកប្តីមែន តែគាត់មិនបានទៅណាចោលនាងនាំឱ្យគេយល់ច្រឡំទេ គាត់ទៅអាមេរិកជាមួយប៉ាក្មេកម៉ាក់ក្មេក និងបងប្អូនខាងប្តី ដើម្បីចេញទៅបំពេញការងារដែលមិនអាចនៅពន្យាពេលកំដរភរិយានៅស្រុកខ្មែរ ព្រោះស្វាមីនាងបានឈានដល់ថ្ងៃកំណត់ក្រោយពេលរៀបការតែប៉ុន្មានថ្ងៃត្រូវទៅអាមេរិកវិញ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ