រាជធានីភ្នំពេញ ៖ តារាចម្រៀងសម្បូរជំនាញផ្នែកសិល្បៈអ្នកនាងខាត់ សុឃីម ដែលរីកមុខមាត់បានប្តីក្មេង ពេលនេះកំពុងតែនាំបងនាំប្អូនហាត់ភ្លេងខ្មែរពីមួយថ្ងៃទៅមួយថ្ងៃឥតឈប់ឈរឡើយ បើទោះជាពួកគេមានជំនាញបែបលេងឧបករណ៍ភ្លេងខ្មែរតាំងពីនៅតូចយ៉ាងស្ទាត់គ្រប់គ្នាក៏ដោយ។ ការដែលតារាចម្រៀងមានប្រជាប្រិយភាពខំប្រមូលគ្នា
រាជធានីភ្នំពេញ ៖ តារាចម្រៀងសម្បូរជំនាញផ្នែកសិល្បៈអ្នកនាងខាត់ សុឃីម ដែលរីកមុខមាត់បានប្តីក្មេង ពេលនេះកំពុងតែនាំបងនាំប្អូនហាត់ភ្លេងខ្មែរពីមួយថ្ងៃទៅមួយថ្ងៃឥតឈប់ឈរឡើយ បើទោះជាពួកគេមានជំនាញបែបលេងឧបករណ៍ភ្លេងខ្មែរតាំងពីនៅតូចយ៉ាងស្ទាត់គ្រប់គ្នាក៏ដោយ។ ការដែលតារាចម្រៀងមានប្រជាប្រិយភាពខំប្រមូលគ្នាហាត់ភ្លេងបែបនេះ ដោយសារតែពួកគេទាំងនោះជាប់មានភារៈចេញទៅសម្តែងនៅអូស្ត្រាលី នាអំឡុងខែកក្កដាខាងមុខ ដែលនេះជាតួលេខច្រើននៃអ្នកសម្តែង ព្រោះខាត់ សុឃីម និងនាំបងប្អូនទៅទីនោះចំនួន១០នាក់ឯណោះ ក្នុងឱកាសសម្តែងក្រៅប្រទេសលើកនេះ។
ថ្លែងប្រាប់អ្នកយកព័ត៌មានយើងកាលពីពេលថ្មីៗនេះ តារាចម្រៀងខាត់ សុឃីម ដែលកំពុងតែត្រូវប៉ាន់ខាងអាជីពច្រៀងភ្លេងការមិនសូវជាបានឡើងសម្តែងតាមទូរទស្សន៍ទេ ហើយអះអាងថា គំរោងសម្តែងនៅប្រទេសអូស្រ្តាលីលើកនេះ បើនិយាយទៅគេចង់បានបងប្អូននាងទៅសម្តែងមិនដល់១០នាក់ទេ គឺម្ចាស់ស្ព័នសឺរចង់បានតែបី ឬបួននាក់ ព្រោះចំណាយច្រើនណាស់ ដែលយកគ្នាទៅមួយទ័ពបែបនេះ គឺល្វីងមុខមិនខាន។អ៊ីចឹងហើយទើបមុននេះ យើងនិយាយគ្នាមិនត្រូវទេ ព្រោះនាងចង់ឲ្យបងប្អូនខ្ញុំរាប់ទាំងប៉ាម៉ាក់មានចំនួន២១០នាក់ បានទៅសម្តែង តែគេមិនទាន់ផ្តល់ចម្លើយ។ ប៉ុន្តែពេលគេយល់ព្រម ទើបគេឲ្យពួកនាងត្រូវចេញសម្តែងនៅពេលបុណ្យចូលឆ្នាំដែលប៉ះចំពេលពួកយើងទាំងអស់ចេញទៅធ្វើការ ដូចជាកាត់សក់ ច្រៀងការ ដែលមានគេទាក់ទងកក់តាំងពីយូរមកហើយ មុនគេហៅ ទៅអូស្ត្រាលី កុំអីពួកយើងចាកចេញទៅច្រៀងរាំឡើងកក្រើកឆាកនៅអូស្ត្រាលីបាត់ទៅហើយ។
ទោះយ៉ាងណាពួកយើងបានទទួលនូវសញ្ញាល្អខ្លះៗ ហើយខាងម្ចាស់ស្ព័នសឺរគេបានឯកភាពស្ទើរតែទាំងស្រុង ហើយថា និងពាំនាំក្រុមគ្រួសារនាងចំនួន១០នាក់ ទៅសម្តែងឆ្នាំនេះ ដែលជាសមាជិកច្រើនបំផុត ពុំធ្លាប់មាន ហើយយើងទាំងអស់គ្នាម្នាក់ៗកាន់តែរៀបចំខ្លួន ដូចជាហាត់ភ្លេងឲ្យបានច្រើនជាងមុន កាន់តែជំនាញជាងនេះ ដើម្បីសម្តែង ព្រោះយើងបានសិទ្ធិចេញទៅសម្តែងនៅខែកក្កដានេះហើយ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ