១-កម្សាន្តក្រោមម្លប់ការពារវិទ្យុសកម្ម
ក្មេងស្រីសាគូយ៉ា ស៊ូអុី អាយុ២ឆ្នាំ លេងកម្សាន្តក្រោមរោងមួយនៅក្រុងកូរីយ៉ាម៉ា ប្រទេសជប៉ុន ដែលអាជ្ញាធរបង្កើតឡើងសម្រាប់ឱ្យក្មេងចូលសម្រាក បន្ទាប់ពីរោងចក្រអគ្គិសនីហ្វូ៊គូស៊ីម៉ា ផ្ទុះកាលពី២ឆ្នាំមុន ដើម្បីការពារជាតិវិទ្យុសកម្ម ។
២-ផេនគ្វីនឆ្មាំសមុទ្រ
ផេនគ្វីនមួយក្បាល មើលទៅដូចជាអ្នកយាមមូលដ្ឋានទ័ពអាហ្សង់ទីន ក្នុងដែនសមុទ្រអង់តាក់ទិក ។ រូបភាពនោះថតពីនាវាស្រាវជ្រាវផ្នែកសមុទ្រសាស្ត្រ Ary Rongel របស់ ប្រេស៊ីល ។
៣-ឧបករណ៍រាវរកមាសក្នុងមហាសមុទ្រ
ក្រុមហ៊ុនស្រាវជ្រាវ «អូឌីសស៊ី ម៉ារីន» នៅអាមេរិក បានទម្លាក់នាវាមុជទឹក «ស៊ូស» ទម្ងន់៨តោនទៅបាតសមុទ្រ ខាងក្រៅឆ្នេរជ័រជៀ ចម្ងាយ១៦០គីឡូម៉ែត្រ ដើម្បីរុករកមាស និងកាក់ក្នុងគ្រោងនាវា SS Central America ។
៤-សត្វក្ងោកអាមេរិកខាងត្បូង
ក្ងោកពូជចម្លែករបស់អាមេរិកខាងត្បូង ស្ថិតនៅក្នុងឧទ្យានសត្វ «សង់តាក្រូស» ក្រុងសានអាន់តូនីញ៉ូ ប្រទេសកូឡុំប៊ី ។
៥-វិជ្ជាគុន
ក្រុមយុវជនឥណ្ឌាដែលកាន់សាសនា «ស៊ីក» បានបង្ហាញក្បាច់គុនហៅថា «ហ្គាតកា»ដើម្បីស្វាគមន៍មន្ត្រីកំពូលក្នុងគណបក្ស «បារ៉ាទីយ៉ា ហ្សាណាតា» នៅទីក្រុងអម្រិត្យា កាលពីពេលថ្មីៗកន្លងទៅ ។
៦-បុព្វបុរសអាហ្វ្រិកខាងត្បូង
លោកសាស្ត្រាចារ្យ រ៉ុន ក្លាក ក្នុងមហាវិទ្យាល័យអាហ្វ្រិកខាងត្បូង បង្ហាញគ្រោងឆ្អឹងសិប្បនិមិត្តរបស់ «មនុស្សស្វា» បុរាណ មានរាងកន្តឿ រោមច្រើន ដែលប្រទះឃើញនៅក្នុងអណ្តូងទឹក នៃល្អាងមួយនៅអាហ្វ្រិកខាងត្បូង ។
៧-អាហារសាច់ក្រពើ
ចុងភៅបានចៀរសាច់ក្រពើដែលឆ្អិនស្រាប់ ជូនភ្ញៀវនៅក្នុងពិធីជប់លៀងមួយរបស់ក្រុមអ្នកស្រាវជ្រាវប្រចាំឆ្នាំលើកទី១១០ នៅសណ្ឋាគារវ៉លដហ្វ អេស្តូរីយ៉ា ក្រុងញូវយ៉ក ។ ពិធីជប់លៀងនោះ ភ្ញៀវដែលចូលរួមនឹងបានទទួលទានអាហារចម្លែកៗជាទំនៀមទម្លាប់នៃពិធីជួបជុំ ។
៨-ដាយណូស៊័រពូជថ្មី
សារមន្ទីរធម្មជាតិ និងវិទ្យាសាស្ត្របុើរ៉ូ នៅក្រុងដាល់ឡាស់ រដ្ឋតិចសាស់ សហរដ្ឋអាមេរិក បានបង្ហាញរូបគំនូរដាយណូស៊័រពូជថ្មី ដោយបញ្ជាក់ថាជាអម្បូរពូជដាយណូស៊័រក្រិន «ថៃរ៉ាន់ណូសូរ៉ាស់» ដែលទើបរកឃើញនៅប៉ែកខាងជើងតំបន់អាឡាស្កា ។ វាជាដាយណូស៊័រមានដងខ្លួនតូចទម្ងន់ប្រហែល៥០០គីឡូក្រាម និងមានលក្ខណៈក្រិន ។
៩-ត្រួតពិនិត្យកាកសំណល់លើអគារបាក់បែក
បុគ្គលិកជំនាញបានបញ្ជាយានហោះហើរ ដើម្បីត្រួតពិនិត្យបរិវេណអគារបាក់បែកចំនួន២ខ្នង នៅតំបន់ហាឡេម ខាងកើតក្រុងញូវយ៉ក ដែលផ្ទុះកាលពីពេលកន្លងមក បង្កឱ្យមានមនុស្សស្លាប់៣នាក់ និងរបួសជាង២០នាក់ ។ ហេតុការណ៍នោះត្រូវគេសន្និដ្ឋានថា កើតឡើងដោយសារធ្លាយឧស្ម័ន ។
១០-អណ្តូងថ្មកំបោរ
អណ្តូងថ្មកំបោរក្នុងទីក្រុងម៉ាត់ថាយ៉ាអាន ប្រទេសមីយ៉ាន់ម៉ា គឺជាវត្ថុធាតុដើមមហាសាលលើពិភពលោកសម្រាប់ឆ្លាក់រូបសំណាកព្រះពុទ្ធ។ វត្ថុធាតុដើមនោះនាំចេញទៅបរទេស រួមមានចិន និងថៃ ៕
ចែករំលែកព័តមាននេះ