យោងតាមគេហទំព័រសិល្បៈចេញផ្សាយកាលពីពេល ថ្មីៗនេះឱ្យដឹងថា នាង Mary Jean បានគ្រងមកុដបវរកញ្ញាទេសចរណ៍អន្តរជាតិហ្វ៊ីលីពីនប្រចាំឆ្នាំ២០១៤ បន្ទាប់ពីផ្តួលបេក្ខនារី១៥នាក់ផ្សេងទៀត ។ ព្រឹត្តិការណ៍ប្រកួតជ្រើសរើសបវរកញ្ញាឯកទេសចរណ៍អន្តរជាតិហ្វ៊ីលីពីនឆ្នាំ២០១៤ បានប្រារព្ធធ្វើទ្បើងកាលពីរាត្រីថ្ងៃអាទិត្យ ទី៣០ មីនា ឆ្នាំ២០១៤ ក្នុងពហុកីទ្បាដ្ឋាន Araneta Coliseum តំបន់ Cubao ទីក្រុង Quezon City ប្រទេសហ្វ៊ីលីពីន ។
សំទ្បេងគាំទ្រ និងការលើកទឹកចិត្តពីអ្នកគាំទ្រជូននាង Mary Jean បានបន្លឺទ្បើងបន្ទាប់ពីគណៈកម្មការប្រកាសលទ្ធផលថា នាងជាអ្នកគ្រងមកុដប្រកបដោយកិត្តិយសនេះ ។ ចំណែកឯចំណាត់ថ្នាក់លេខ២ បានទៅលើនាង Laura Lehmann និងចំណាត់ថ្នាក់លេខ៣បានទៅលើនាង Hannah Sison។ ក្រៅពីគ្រងមកុដបវរកញ្ញាទេសចរណ៍អន្តរជាតិហ្វ៊ីលីពីននាង Mary Jean វ័យ២៦ឆ្នាំ ជាប់ជានារីប៊ីគីនីសិចស៊ីផងដែរ។ នាងបានប្រាប់អ្នកសារព័ត៌មានTabloid ថា «ការគ្រងមកុដជានារីឯកប្រចាំឆ្នាំ ជាមហិច្ឆតារបស់ខ្ញុំតាំងពីឆ្នាំ២០១៣មកម៉្លេះ តែកាលនោះពុំបានជាប់ឈ្មោះជានារីឯកទេ ខណៈពេលដែលមានបេក្ខនារីស្រស់ស្អាត និងឆ្លាតជាច្រើននាក់បានរុញច្រានរូបខ្ញុំឱ្យចាកចេញពីការប្រកួតដោយប្រើប្រាស់សមត្ថភាពផ្ទាល់របស់ពួកគេ»៕
ចែករំលែកព័តមាននេះ