រាជធានីភ្នំពេញ ៖ នៅក្នុងផលិតកម្មរស្មីហង្សមាស មានតារាចម្រៀងប្រុសស្រីជាច្រើនដួងបានប្រមូលផ្តុំគ្នាច្រៀងរាំប្រចាំផលិតកម្មពេញនិយមមួយនេះនៅក្នុងស្រុកតាមទេពកោសល្យរៀងៗខ្លួន ដោយទទួលបានសំឡេងគាំទ្រជាមួយទស្សនិកជនដូចៗគ្នាមួយបែបម្នាក់ ។ ក្នុងចំណោមតារាចម្រៀងផ្នែកនារីនោះ ស្រទាប់មហាជនដែលនិយមស្តាប់
រាជធានីភ្នំពេញ ៖ នៅក្នុងផលិតកម្មរស្មីហង្សមាស មានតារាចម្រៀងប្រុសស្រីជាច្រើនដួងបានប្រមូលផ្តុំគ្នាច្រៀងរាំប្រចាំផលិតកម្មពេញនិយមមួយនេះនៅក្នុងស្រុកតាមទេពកោសល្យរៀងៗខ្លួន ដោយទទួលបានសំឡេងគាំទ្រជាមួយទស្សនិកជនដូចៗគ្នាមួយបែបម្នាក់ ។ ក្នុងចំណោមតារាចម្រៀងផ្នែកនារីនោះ ស្រទាប់មហាជនដែលនិយមស្តាប់ចម្រៀងនៅហង្សមាសនាំគ្នានិយាយថា ក្រៅពីមានតារាស្រីច្រៀងពីរោះស្ទើរតែគ្រប់ដួងនោះ គេសង្កេតឃើញថា តារាចម្រៀងបីដួងរួមមានឱក សុគន្ធកញ្ញា, សួស វីហ្សា និងកញ្ញា ផន ស្រីខួច ជាតារាចម្រៀងដែលមានសំឡេងច្រៀងល្អ ដោយសារតែពួកគេទាំងបីមានប្រវត្តិរៀននៅសាលាវិចិត្រសិល្បៈយូរឆ្នាំ ទើបការលើកដាក់សំឡេងបានគ្រប់ទម្រង់នៃបទចម្រៀង ។
ចំពោះ ឱក សុគន្ធកញ្ញា នាងជាសិស្សសាលាវិចិត្រសិល្បៈផ្នែករបាំបុរាណដោយនាងបានហាត់រៀននៅទីនោះច្រើនឆ្នាំមកហើយ ដោយមានរបាំបុរាណជាច្រើនដែលសុគន្ធកញ្ញា បានឡើងរាំសម្តែងបែបសិល្បៈបុរាណ ។ នាឱកាសដែលនាងបានសម្តែងជាមួយនឹងរបាំងបុរាណ កញ្ញាក៏បានចាប់អាជីពសិល្បៈចម្រៀងសម័យស្របគ្នាតែម្តង តាំងពីនាងច្រៀងឱ្យផលិតកម្មរស្មីស្ទឹងសង្កែមកម៉្លេះ ។ អីុចឹងហើយទោះបីជានាងចាប់អាជីពរាំរបាំបុរាណមែន តែនៅសាលាវិចិត្រសិល្បៈនោះ នាងក៏ទទួលបានការបណ្តុះបណ្តាលផ្នែកសំឡេងច្រៀងតាមចង្វាក់នីមួយៗគ្រប់បទមិនថា សម័យ បុរាណ ឬផ្នែកប្រពៃណី ដោយកញ្ញាបានទទួលនូវការបង្វឹកហាត់ពីលោកគ្រូ អ្នកគ្រូនៅសាលានោះមិនតិចនាក់ទេ ។ ទើបកញ្ញាកាន់តែមានបច្ចេកទេសក្នុងការប្រើប្រាស់សំឡេង ពិសេសការលើកដាក់ក្នុងបទនីមួយៗមើលទៅ និងស្តាប់ទៅទាក់ទាញស្ទើរតែគ្រប់បទតែម្តង ។ ម៉្លោះហើយទើបយុវវ័យ និងអ្នកគាំទ្រឱក សុគន្ធកញ្ញា ចាត់ទុកថា តារាចម្រៀងរូបនេះមានទេពកោសល្យល្អនៅលើវិថីសិល្បៈចម្រៀង ដោយសារតែមានវិធីប្រើសំឡេងយកចេញពីសាលាវិចិត្រសិល្បៈ ទើបកាន់តែទទួលបានការទាក់ទាញឈរជើងបានយូរឆ្នាំក្នុងអាជីពសិល្បៈល្បីឈ្មោះមិនចេះរីងស្ងួត ។ ឱក សុគន្ធកញ្ញា ពេលនាងច្រៀងបទបែបសម័យមុនក៏ល្បីល្បាញខ្លាំងមិនចាញ់បទសម័យដែរ ជាក់ស្តែងបទ «ឆ្នាំអូន៣១»«ក្រមុំទាំងបី»«ចង់នៅលើមេឃ» សុទ្ធតែទទួលបានការគាំទ្រដោយអ្នកណាក៏និយាយថា នាងបានគ្រប់បទទាំងអស់ ។
កញ្ញាសួស វីហ្សា ក៏មានប្រវត្តិសិក្សានៅសាលាវិចិត្រសិល្បៈម្នាក់ដែរ តាំងពីនៅតូចម្ល៉េះ។នាងទទួលបាននូវជំនាញមួយយ៉ាងច្បាស់ មិនថាផ្នែករបាំ ការសម្តែងល្ខោនបាសាក់ ឬយីកេនោះទេ គឺវីហ្សាទទួលបានចំណេះបែបបុរាណនេះយ៉ាងជំនាញ។សួស វីហ្សា ដែលមានឈ្មោះដើមសួស ស្រីថុល ធ្លាប់មានសម្តែងឈុតខ្លីៗប្រចាំស្ថានីយទូរទស្សន៍ស៊ីធីអិន ក្នុងកម្មវិធី «មន្តស្នេហ៍សំនៀង» អស់រយៈពេលជាច្រើនឆ្នាំ ព្រោះនាងជាអ្នកសិល្បៈប្រចាំក្រុមរាជធានីភ្នំពេញ ដោយការសម្តែងរបស់នាងច្រើនបានតំណែងតួឯកញឹកញាប់ម្នាក់ដែរ។ក្រោយមកនាងក៏ឆក់ឱកាសចូលប្រឡងចម្រៀង រួចក៏ជាប់លេខមួយកម្មវិធីរ៉ុកស្តារ ហើយក៏ក្លាយជាតារាចម្រៀងប្រចាំផលិតកម្មរ៉ុក និងវិវត្តន៍ខ្លួនមកកាន់ផលិតកម្មរស្មីហង្សមាស ដោយមានបទចមរៀងបែបល្បីៗជាច្រើន ដែលសុទ្ឋតែជាបទផ្ទុះធ្វើឲ្យសួស វីហ្សា ឡើងកូដខ្លាំង បើសំឡេងច្រៀងវិញធ្ងន់ ហើយស្រែកបានខ្ពស់ល្អបានទាំងបទពីដើម និងសម័យ។អ៊ីចឹងហើយទើបវីហ្សាឆ្នាំនេះឡើងកូដខ្លាំងណាស់ អ្វីដែលពិសេសនាងបានបញ្ចេញក្បាច់រាំយ៉ាងរស់រវើកញាក់កន្ត្រាក់អារម្មណ៍មហាជនមិនស្ទើរទេ នៅពេលដែលសុខៗនាំបញ្ចេញក្បាច់រាំបានយ៉ាងរលូនមើលទៅគួរឲ្យទាក់ទាញនោះ។
កញ្ញាផន ស្រីខួច ក៏ជាអតីតសិស្សសាលាវិចិត្រសិល្បៈម្នាក់ដូចតារាពីរដួងដែរ។ស្រីខួចមានសមត្ថភាពច្រៀងបែបបទមនោសញ្ចេតនាបានយ៉ាងពីរោះរណ្តំបើច្រៀងបទបែបភ្លេងការវិញ ស្រីខួចក៏មានឱកាសឆក់យកការទាក់ទាញពីប្រិយមិត្តអ្នកស្តាប់មិនតិចនាក់ដែរ ព្រោះនាងរៀននៅសាលាវិចិត្របែបចម្រៀងបុរាណ។មានបទចម្រៀងនៅហង្សមាសបែបបទសម័យជាបទមនោសញ្ចេតនាត្រូវបានស្រីខួចទទួលបានការចាប់អារម្មណ៍ ព្រោះសមឡេងស៊ី និងចម្រៀងបែបសម័យមនោសញ្ចេតនាខ្ពស់ក្រៅពីនោះនាងក៏មានបទចម្រៀងបែបញាក់ជាច្រើនបទក៏ទទួលបានការគាំទ្រច្រើនគួរសម។ម្ល៉ោះហើយទើបស្រីខួចក៏ទទួលបានចំណាត់ថ្នាក់ការទាក់ទាញម្នាក់ដែរ ក្នុងចំណោមតារាចម្រៀងនៅហង្សមាស ៕
ចែករំលែកព័តមាននេះ