ខេត្តបន្ទាយមានជ័យ ៖ កម្លាំងនគរបាលក្រុងសេរីសោភ័ណ សហការជាមួយកម្លាំងនគរបាលបង្រ្កាបគ្រឿងញៀនខេត្តបន្ទាយមានជ័យ បានចុះប្រតិបត្តការបង្រ្កាប សំបុកក្រុមចែកចាយនិង ប្រើប្រាស់គ្រឿងញៀន កាលពីថ្ងៃទី០៥ មេសា ២០១៤ នៅចំណុច សង្កាត់កំពង់ស្វាយ ក្រុងសេរីសោភ័ណ ខេត្តបន្ទាយមានជ័យ ។
ការចុះបង្រ្កាបក្រុមប្រើប្រាស់និងចែកចាយគ្រឿងញៀននេះគឺយោងទៅតាមពាក្យបណ្តឹង របស់លោកគ្រូអ្នកគ្រូ នៃវិទ្យាល័យសម្តេចឪនៅក្នុង ក្រុងសេរីសោភ័ណ ។ដោយលោកគ្រូ អ្នកគ្រូ បានប្រាប់ថា មានជន០២នាក់ បានធ្វើសកម្មភាពជួញដូរគ្រឿងញៀនជាប់និងរបងវិទ្យាល័យ ស្ទើដុះស្លែទៅហើយ ។
ក្នុងប្រតិបត្តការបង្រ្កាបនេះកម្លាំងសមត្ថកិច្ច បានឃាត់ខ្លួនជនសង្ស័យ ជួញដូរនិងប្រាស់គ្រឿងញៀន សរុបទាំងអស់១១នាក់និងដកហូតគ្រឿងញៀនប្រភេទខេទឹកកក ចំនួន០៨កញ្ចប់តូច រថយន្ត០២គ្រឿង ម៉ូតូ០៣គ្រឿង ។
ជនសង្ស័យទាំង១១នាក់និងវត្ថុតាង ដែលដកហូតបានត្រួវបានកម្លាំងសមត្ថកិច្ចបញ្ជូនមកកាន់ស្នងការនគរបាល ខេត្តបន្ទាយមានជ័យនៅរសៀល ម៉ោង ៣និង ៥០នាទីរសៀល ថ្ងៃទី០៧ មេសា ២០១៤ ដើម្បីចាត់ការតាមផ្លូវច្បាប់ ។
ចែករំលែកព័តមាននេះ