យោងតាមគេហទំព័របរទេសចេញផ្សាយ កាលពីពេល ថ្មីៗនេះឱ្យដឹងថា បុរសជនជាតិកាណាដាម្នាក់ឈប់ទទួលទានអាហារក្នុងរយៈពេល៤០ថ្ងៃ តែផឹកស្រាបៀរជំនួសវិញដើម្បីបង្ហាញពីភាពអស្ចារ្យរបស់ខ្លួន ។ លោក Chris Schryer វ័យ៣៣ឆ្នាំ អ្នករចនាគេហទំព័រអេឡិចត្រូនិក រស់នៅក្នុងទីក្រុងតូរ៉ុនតូ ប្រទេសកាណាដា ជ្រើសរើសស្រាបៀរជាអាហារពេលព្រឹក រសៀល និងពេលយប់ ។
លោកចាប់ផ្តើមធ្វើដូចនេះ ចាប់ពីថ្ងៃទី៥ ខែមីនា ឆ្នាំ២០១៤ ដោយប្រាប់ប្រពន្ធរបស់លោកឱ្យទិញស្រាបៀរដែលនាំចូលពីប្រទេសអាល្លឺម៉ង់ ។ អាហារទាំង៣ពេលរបស់លោកត្រូវចំណាយស្រាបៀរអស់ចំនួន៣ដបដែលក្នុងមួយដប មានចំណុះ៦៥០មីល្លីលីត្រ ។
លោក Schryer និយាយថា ការទទួលទានស្រាបៀរគឺជាសិល្បៈនៃការភ្លក់រសជាតិ ហើយវាអាចជួយឱ្យដឹងពីការរស់នៅរបស់មនុស្សជំនាន់ថ្មី ដោយការក្រេបរសជាតិស្រាបៀរ ខុសៗគ្នា ។ វេជ្ជបណ្ឌិតប្រចាំគ្រួសាររបស់លោកChrisschryer និយាយថា ដោយសាររសជាតិស្រាបៀររួមបញ្ចូលទាំងស្រូវសាលី ដូច្នេះទើបធ្វើឱ្យលោក Schryer មានសុខភាពប្រក្រតី តែរូបលោកមានការកើនឡើងនូវចំនួនកាល់ឡូរី ២.០០០ប្រភេទក្នុងមួយថ្ងៃ ។ ក្រៅពីការទទួលទានស្រាបៀរលោក Schryer ចូលចិត្តរសជាតិផ្អែមដូចជានំផ្អែមជាដើម ៕
ចែករំលែកព័តមាននេះ