ជំងឺមហារីក គឺជាមូលហេតុចម្បងមួយនៃមរណភាពនៅទូទាំងពិភពលោក។ ទោះបីជាសម្រេចបាននូវការ រីកចម្រើនសំខាន់ៗនៅក្នុងការព្យាបាលជំងឺមហារីកដោយថ្នាំគីមី ក្នុងរយៈពេលប៉ុន្មានឆ្នាំចុងក្រោយនេះ ដោយបង្កើនអត្រាព្យាបាលឱ្យជាសះស្បើយ ក៏ដូចជាការរស់រានមានជីវិតជាមធ្យមរបស់អ្នកជំងឺមហារីកក៏ដោយ ក៏ការព្យាបាលដោយគីមីធម្មតាបង្កនូវគុណវិបត្ដិនៃការពុលពាក់ព័ន្ធធ្ងន់ធ្ងរដែរ។ ក្នុងការស្វែងរកការព្យាបាលកាន់តែប្រសើរ ការព្យាបាលជាក់លាក់ដែលផ្ដោតលើកោសិកាមហារីក និងបង្កើនប្រសិទ្ធភាព ដោយក្នុងពេលជាមួយគ្នានេះ កាត់បន្ថយ «ការខូចខាតដែលគ្មានបំណង» ចំពោះកោសិកាធម្មតានៃរាងកាយ នៅតែជាអ្វីដែលគេចង់បាននៃយុទ្ធសាស្ដ្រព្យាបាលប្រឆាំងជំងឺមហារីក។
ក្នុងរយៈពេលប៉ុន្មានឆ្នាំចុងក្រោយនេះ ការព្យាបាលចំគោលដៅបានក្លាយជាការពិត។
អ្នកជំងឺរបស់ខ្ញុំម្នាក់ អ្នកស្រី H ជាស្ដ្រីជនជាតិវៀតណាម ដែលមានអាយុ៦០ឆ្នាំបា្លយ បានធ្លាក់ខ្លួនឈឺនៅលើតែកៅអីរុញកាលពីចុងឆ្នាំមុន។ គាត់មានជំងឺមហារីកសុដន់ដំណាក់កាលចុងក្រោយ ដែលបានរាលដាលដល់ឆ្អឹង ថ្លើម និងសួត។
បច្ចុប្បន្ន អ្នកស្រី H អាចក្រោកឈរឡើងវិញបាន ដោយគ្មានការឈឺចាប់អ្វីសោះ និងអាចធ្វើដំណើរតាមដែលគាត់ចង់។ អ្នកជំងឺដូចអ្នកស្រី H កាន់តែច្រើនឡើងកំពុងស្វែងរកទម្រង់ថ្មីនៃការព្យាបាលជំងឺមហារីកនេះ ដែលគេស្គាល់ថា ជាការព្យាបាលចំគោលដៅ។ ឱសថនៅក្នុងការព្យាបាលបែបនេះ ជាញឹកញាប់ត្រូវបានហៅថា «ឱសថវៃឆ្លាត»។
ស្ថានភាពប្រហែលមិនមានការប្រែប្រួលច្រើនឡើយ ប្រសិនបើអ្នកស្រី H មិនបានជិះយន្ដហោះពីទីក្រុងហាណូយ ប្រទេសវៀតណាម ដើម្បីមកជួបខ្ញុំជាលើកទីមួយទេនោះ។ ជំងឺមហារីកបានស៊ីឆ្អឹងត្រង់ចង្កេះខាងឆ្វេងរបស់គាត់ ដោយធ្វើឱ្យគាត់មិនអាចក្រោកឈរ ឬដើរបាន។ គាត់មានការឈឺចាប់យ៉ាងខ្លាំង សូម្បីតែនៅពេលសម្រាកនៅលើគ្រែពេលយប់។ គាត់សម្រាន្ដមិនលក់អស់រយៈពេលជាច្រើនខែ។ ជំងឺមហារីករបស់គាត់ត្រូវបានមនុស្សជាច្រើនហៅថា «ដំណាក់កាលចុងក្រោយ» ដែលធ្វើឱ្យគាត់មានអារម្មណ៍អស់សង្ឃឹមយ៉ាងខ្លាំង។ ដោយបានដឹងអំពីវត្ដមាននៃការព្យាបាលជំងឺមហារីកចំគោលដៅ គាត់បានមកកាន់ប្រទេសស៊ីងហ្គាពួរ ដើម្បីពិគ្រោះជំងឺ។ ក្រោយពីការពិភាក្សារបស់យើង គាត់ចាប់ផ្ដើមយល់បន្ដិចម្ដងៗអំពី អ្វីដែលការរីកចម្រើនចុងក្រោយបំផុតនៃការព្យាបាលជំងឺមហារីកអាចផ្ដល់ឱ្យគាត់។ ជាមួយនឹងអារម្មណ៍ក្លាហានសាជាថ្មី គាត់បានចាប់ផ្ដើមការព្យាបាលតាមវិធីព្យាបាលចំគោលដៅ ដោយទទួលបានលទ្ធផលជាទីពេញចិត្ដ។
តើអ្វីទៅជាការព្យាបាលចំគោលដៅ? តើការព្យាបាលបែបនេះមានប្រសិទ្ធភាពយ៉ាងដូចម្ដេច? តើវាខុសគ្នាយ៉ាងដូចម្ដេចពីការព្យាបាលដោយគីមីធម្មតា? តើអ្វីធ្វើឱ្យឱសថទាំងនេះ «វៃឆ្លាត»?
ឱសថនៅក្នុងការព្យាបាលចំគោលដៅមានភាព «វៃឆ្លាត» ក្នុងន័យថា ឱសថទាំងនេះអាចទៅរកកោសិកាមហារីក និងបំផ្លាញវា ដោយមិនបង្ករបួសដល់កោសិកាធម្មតានៃរាងកាយ ដូចគ្នានឹងគ្រាប់បែកវៃឆ្លាតនៅក្នុងសង្គ្រាមដូច្នោះដែរ។ ផ្ទុយទៅវិញ ការព្យាបាលដោយគីមីធម្មតា គឺដូចទៅនឹងកាំភ្លើងធំច្រើនជាង។ យើងមិនត្រូវការការបញ្ចុះបញ្ចូលឱ្យជឿថា កាំភ្លើងធំអាចបំផ្លាញសត្រូវប្រកបដោយប្រសិទ្ធភាពនោះទេ។ អ្វីដែលយើងព្រួយបារម្ភ គឺការខូចខាតដែលគ្មានបំណង ដែលវាបានបង្កឡើង ហើយជនស៊ីវិលស្លូតត្រង់ជាញឹកញាប់ទទួលរងគ្រោះ។ ការព្យាបាលដោយគីមីធម្មតា មានគុណវិបត្ដិស្រដៀងគ្នាទៅនឹងផលប៉ះពាល់អវិជ្ជមានលើកោសិកាធម្មតានៃរាងកាយ ដូចគ្នាទៅនឹងគ្រោះថ្នាក់ដែលមិនអាចចៀសផុតនៃកាំភ្លើងធំ លើជនស៊ីវិលស្លូតត្រង់ដូច្នោះដែរ ហេតុដូច្នេះហើយ វាមិនអាចត្រូវបានប្រើប្រាស់ហួសពីកម្រិត ជាក់លាក់ឡើយ។
«ឱសថវៃឆ្លាត» បង្កើនឱកាសក្នុងការឈ្នះសង្គ្រាមប្រឆាំងនឹងជំងឺមហារីក ដូចគ្នាទៅនឹងរបៀបដែលគ្រាប់បែកវៃឆ្លាតបង្កើនឱកាសនៃជ័យជម្នះ នៅក្នុងសង្គ្រាមនៃពិភពពិតប្រាកដដូច្នោះដែរ។ «ឱសថវៃឆ្លាត» អាចមានទម្រង់ជាម៉ូលេគុលរចនាតូចៗ ឬអង្គបដិបក្ខ។ អង្គបដិបក្ខ គឺជាទម្រង់ធម្មជាតិនៃគ្រាប់បែកវៃឆ្លាត។ រាងកាយរបស់យើងផលិតអង្គបដិបក្ខទាំងនេះ ដើម្បីវាយប្រហារ និងបំផ្លាញបាក់តេរី ឬវីរុស ដែលវាយប្រហាររាងកាយរបស់យើង។ អង្គបដិបក្ខធម្មជាតិរបស់យើងអាចបំផ្លាញមេរោគឈ្លានពានទាំងនេះ ដោយមិនបង្កការប៉ះពាល់ដល់កោសិកាធម្មតានៃរាងកាយរបស់យើងឡើយ។ បច្ចុប្បន្ន យើងមានបច្ចេកវិទ្យាក្នុងការបង្កើតអង្គបដិបក្ខតាមរបៀបសិប្បនិម្មិត ដែលអាចវាយប្រហារលើកោសិកាមហារីកជំនួសឱ្យការកម្ទេចបាក់តេរី និងវីរុស។
ប្រទេសស៊ីងហ្គាពួរ មានការព្យាបាលចំគោលដៅច្រើនប្រភេទប្រឆាំងជំងឺមហារីក ដែលកំពុងត្រូវបានប្រើប្រាស់សម្រាប់ការព្យាបាលនាពេលបច្ចុប្បន្ន។ សំខាន់ដូចនៅក្នុងយុទ្ធសាស្ដ្រទូទៅនៃសង្គ្រាមប្រឆាំងនឹងជំងឺមហារីកដែរ គ្រូពេទ្យព្យាបាលជំងឺមហារីកនៅក្នុងប្រទេសស៊ីងហ្គាពួរ ត្រូវបានគាំទ្រដោយមន្ទីរពិសោធន៍វេជ្ជសាស្ដ្រទំនើបពេញលេញ ដែលអាចកំណត់ប្រវត្ដិសេណេទិកនៃជំងឺមហារីកមួយចំនួន ដូច្នេះអាចព្យាករភាពងាយរងគ្រោះ ឬភាពស៊ាំរបស់វាទៅនឹងការព្យាបាលចំគោលដៅជាក់លាក់។ គេមិនអាចសង្កត់ធ្ងន់ពេកលើតួនាទីដ៏សំខាន់នៃចំណេះដឹងកាន់តែប្រសើរ ដូច «ភ្នាក់ងារស៊ើបការណ៍យោធា» ក្នុងការណែនាំអំពីការ ប្រើប្រាស់កាន់តែសមស្របនូវអាវុធប្រឆាំងជំងឺមហារីក ដើម្បីសម្រេចបានលទ្ធផលប្រសើរបំផុតតាមដែលអាចធ្វើទៅបានឡើយ។
រឿងរ៉ាវដូចរឿងរ៉ាវរបស់អ្នកស្រី H មិនមែនជារឿងពិសេសខុសគេនោះទេ។ លោក M ជាសុភាព បុរសដែលមានភាពសប្បាយរីករាយបំផុតនៅក្នុងអាយុ៤៥ឆ្នាំ នឹងធ្វើដំណើរមកកាន់ប្រទេសស៊ីងហ្គាពួរ ពីទីក្រុងកំណើតរបស់គាត់នៅ Vladivostok ប្រទេសរុស្ស៊ី ដើម្បីធ្វើការវាយតម្លៃវេជ្ជសាស្ដ្រលើការ ឆ្លើយតបរបស់គាត់ទៅនឹងការព្យាបាល។ គាត់បានទទួលការព្យាបាលដោយគីមី រួមបញ្ចូលគ្នាជាមួយការព្យាបាលចំគោលដៅប្រកបដោយជោគជ័យ សម្រាប់ជំងឺមហារីកក្រពេញទឹករងៃដ៏កាចសាហាវ នៅក្នុងប្រទេសស៊ីងហ្គាពួរ។ តាមរយៈកិច្ចសន្ទនាតាមទូរស័ព្ទកាលពីខែមុន គាត់បានរាយការណ៍ថា គាត់លែងមាន រោគសញ្ញាអ្វីទាំងអស់។
ចំពោះខ្លួនខ្ញុំផ្ទាល់ វាជារឿងគួរឱ្យរីករាយបំផុតដែលខ្ញុំអាចប្រើប្រាស់ការព្យាបាលថ្មីៗទាំងនេះ និងការ យល់ដឹងថ្មី ដើម្បីជួយអ្នកជំងឺជាច្រើនដែលត្រូវការ។ ខ្ញុំទន្ទឹងរង់ចាំជួបលោក M។
អំពីស៊ីងហ្គាពួរមេឌីខលគ្រូប Singapore Medical Group (អេសអឹមជី – SMG ) អ្នកផ្ដល់ការថែទាំសុខភាពឯកទេស។ ស៊ីងហ្គាពួរមេឌីខលគ្រូប Singapore Medical Group (អេសអឹមជី – SMG ) គឺជាអ្នកផ្ដល់ការថែទាំសុខភាព ឯកទេសឯកជនមួយដែលមានបណ្ដាញគ្រួពេទ្យ ឯកទេសចំនួន ២២ ។ ក្រុមការងារនេះប្ដេជ្ញាចិត្ដបំពេញ ការសន្យារបស់ខ្លួនក្នុងការផ្ដល់ការថែទាំ និងបទពិសោធន៍ ផ្នែកវេជ្ជសាស្ដ្រដោយផ្ដោតលើអ្នកជំងឺ ដល់បុគ្គលគ្រប់រូប។
បច្ចុប្បន្ន ក្រុមការងារនេះមានគ្លីនិកសរុបចំនួន១៤កន្លែង ដែលមានទីតាំងយុទ្ធសាស្ដ្រនៅក្នុង Paragon មជ្ឈមណ្ឌលឯកទេស Mount Elizabeth Novena មជ្ឈមណ្ឌលវេជ្ជសាស្ដ្រ Novena និងមជ្ឈមណ្ឌលវេជ្ជសាស្ដ្រ Gleneagles ដែលមានបណ្ដាញគ្លីនិក SMGAssociates កាន់តែច្រើនឡើងៗ។
សេវាកម្នរបស់យើង ៖
សុខភាព
-ការវះកាត់ទូទៅ, ការពិនិត្យសុខភាពទូទៅ និងការពិនិត្យសុខភាពតាមតម្រូវការអតិថិជន
-ការព្យាបាលជំងឺក្រពះពោះវៀន និងថ្លើម, ជំងឺមហារីក
-ការវះកាត់សរសៃប្រសាទ, សម្ភព និងរោគស្ដ្រី, ចក្ខុសាស្ដ្រ
-ការវះកាត់ឆ្អឹង និងរបួសបណ្ដាលមកពីការលេងកីឡា, ការព្យាបាលជំងឺបំពង់ក ច្រមុះ និងត្រចៀក (ENT)
-ការគ្រប់គ្រងការឈឺចាប់, វេជ្ជសាស្ដ្របុរាណចិន
-ការវះកាត់សរសៃឈាម, ការវះកាត់បញ្ចុះទម្ងន់ (មេតាបូលីស), ការព្យាបាលប្រព័ន្ធទឹកមូត្រ
ការកែសម្ពស្ស
-ទន្ដសម្ជស្ស, សម្ជស្សផ្ទៃមុខ និងរាងកាយ, ការព្យាបាលជំងឺសើស្បែក
-LASIK, ការវះកាត់កែសម្ជស្ស
មគ្គុទ្ទេសក៍ស៊ីងហ្គាពួរមេឌីខលគ្រូប Singapore Medical Group (អេសអឹមជី – SMG ) របស់លោកអ្នកផាសុកភាពវេជ្ជសាស្ដ្រ និងមិនមែនវេជ្ជសាស្ដ្ររបស់លោកអ្នក គឺជាអាទិភាពចម្បងរបស់យើងខ្ញុំ។ សូមអនុញ្ញាតឱ្យជំនួយការវេជ្ជសាស្ដ្រផ្ទាល់ខ្លួនដែលបំពេញការងារ២៤ម៉ោងក្នុងមួយថ្ងៃ និង៧ថ្ងៃក្នុងមួយសប្ដាហ៍របស់យើងខ្ញុំ ជួយដល់លោកអ្នកនៅក្នុងដំណើរការព្យាបាល និងថែទាំសុខភាពរបស់លោកអ្នកទាំងមូល។
អេសអឹមជី មានភ្នាក់ងារខ្មែរពិសេសសំរាប់ជួយលោកអ្នកទៅតាមតម្រូវការ ដូចជា ៖
-ការណាត់ជួបជាមួយវេជ្ជបណ្ឌិតជំនាញ
-ការសាកសួរព័តមាន និងតំលៃ
-ការធ្វើដំណើរ និងការស្នាក់នៅ
-ការទទួលនៅអាកាសយាន្ដដ្ឋាន និងការបញ្ជូនមកកាន់មន្ទីរពេទ្យ
-សេវាកម្មបកប្រែដោយឥតគិតថ្លៃ
-ការស្នើរសុំលទ្ធផលព្យាបាល និងការទិញថ្នាំ
សំរាប់ព័ត៌មានបន្ថែម សូមទំនាក់ទំនងបុគ្គលិកខ្មែរប្រចាំ អេសអឹមជី (SMG)
ទូរស័ព្ទទំនាក់ទំនង២៤ម៉ោង ៖ +៦៥ ៩៨៤២ ៣៥៦០
អ៊ីម៉េល ៖ vanessa.sophors@smg.sg
ទីស្នាក់ការ ស៊ីងហ្គាពួរមេឌីខលគ្រូប Singapore Medical Group (អេសអឹមជី – SMG ) ប្រចាំនៅកម្ពុជា
ទូរស័ព្ទ ៖ ០៩២ ៨៥២ ៩២៣, ០៩៧៧ ៦៦៨ ២៦៦
អីុម៉ែល ៖ enquiry@singaporemedical.sg
វែបសាយ ៖ www.singaporemedical.sg
ចែករំលែកព័តមាននេះ