ខេត្តព្រះសីហនុ ៖ បុរសជាជនជាតិអូស្ត្រាលីម្នាក់ស្លាប់ដោយសារជំងឺគាំងបេះដូង ខណៈពេលដឹកទៅកាន់មន្ទីរពេទ្យបង្អែកចំការចេក កាលពីវេលាម៉ោង៩ និង១០នាទីយប់ថ្ងៃទី១០ ធ្នូ ២០១៣ ។
តាមប្រភពបានឱ្យដឹងថា ជនរងគ្រោះមានឈ្មោះ BURNESTHOMASDAVID ភេទប្រុស អាយុ៣៧ឆ្នាំ ជាជនជាតិអូស្ត្រាលី និងជាអ្នកទេសចរណ៍រយៈពេលវែង កាន់លិខិតឆ្លងដែនលេខ M8 454739 ចូលមកកម្ពុជានៅថ្ងៃទី៨ មេសា ២០១៣ បច្ចុប្បន្នស្នាក់នៅក្នុងផ្ទះជួល ស្ថិតនៅក្រុមទី៥ សង្កាត់លេខ៤ ក្រុងព្រះសីហនុ ។
តាមសម្តីស្ត្រីខ្មែរម្នាក់ដែលជាបងថ្លៃជនរងគ្រោះបានឱ្យដឹងថា មុនពេលកើតហេតុ ជនរងគ្រោះខាងលើបានគេងនៅក្នុងបន្ទប់ម្នាក់ឯង ក្នុងផ្ទះជួលស្ថិតនៅក្រុមទី៥ ភូមិ៣ សង្កាត់លេខ៤ ក្រុងព្រះសីនុ ហើយបានទូរស័ព្ទមកប្តីរបស់គាត់ថា ខ្លួនគេមានបញ្ហា ភ្លាមនោះ ប្តីរបស់គាត់ និងរូបគាត់បើករថយន្តសំដៅមកកាន់លំនៅឋានរបស់ជនរងគ្រោះ ស្រាប់តែបន្ទប់ជាប់សោ បន្ទាប់មកប្តីរបស់គាត់ដែលជាជនជាតិអូស្ត្រាលីដូចគ្នា និងជាបងប្រុសជនរងគ្រោះបានទម្លាយបង្អួចកញ្ចក់ចូលទៅ ក៏ឃើញជនរងគ្រោះបញ្ឈរភ្នែកទៅហើយ ។
ចែករំលែកព័តមាននេះ