បាតុកម្មប្រឆាំងការកែទំរង់រដ្ឋធម្មនុញ្ញនៅស្រីលង្កា
ដោយ ៖ ប្រុសកោះ
ថ្ងៃព្រហស្បត្ត៏ ទី៩ ខែកញ្ញា ឆ្នាំ២០១០ ម៉ោង ១០:៤៧
គេហទំព័របរទេស
ក្រុមពួកបាតុករ
សភាស្រីលង្កាបានអនុម័តកាលពីយប់ថ្ងៃទី៨ កញ្ញា លើការកែទំរង់រដ្ឋធម្មនុញ្ញដែលលុបចោលការកំរិតអាណត្តិប្រធានាធិបតីត្រឹម២អាណត្តិ។ការកែទំរង់នេះនឹងអាចឱ្យប្រធានាធិបតីចប់អាណត្តិស្រីលង្កា លោកម៉ាហីុនដា រ៉ាចាប៉ាកសា ប្រជែងយកអាណត្តិទី៣មួយទៀត។ គណបក្សប្រឆាំងសំខាន់របស់ប្រទេសគឺគណបក្សជាតិរួបរួម PNU បានធ្វើពហិការក្នុងការបោះឆ្នោតអនុម័ត ក៏ប៉ុន្តែសមាជិកសភាមួយចំនួនរបស់គណបក្សនេះពុំបានធ្វើតាមការណែនាំហើយបានបោះឆ្នោតគាំទ្រដល់ការធ្វើវិសោធនកម្មនោះ។ គណបក្ស PNU បានចាត់ទុកការធ្វើវិសោធនកម្មនោះថា ផ្ទុយទៅនឹងលទ្ធិប្រជាធិបតេយ្យ ហើយជាវិធានការមួយដែលនាំប្រទេសទៅរករបបគណបក្សតែមួយ។
លោករ៉ាចាប៉ាកសា ត្រូវបានជាប់ឆ្នោតជាប្រធានាធិបតីអាណត្តិទី២ ក្នុងការបោះឆ្នោតប្រធានាធិបតីកាលពីខែមករាកន្លងមកនេះ ក្រោយពីជោគជ័យខាងយោធាលើពួកឧទ្ទាមខ្លាតាមិល ដែលទទួលបរាជ័យក្នុងការតស៊ូដោយអាវុធទាមទារឯករាជ្យរយៈពេលដល់ទៅជាង២ទសវត្ស។
មានបាតុកម្មនៅទីក្រុងកូឡុំបូប្រឆាំងនឹងការកែទំរង់រដ្ឋធម្មនុញ្ញនេះ ៕
