តំលៃប្រេងឆៅនៅក្រុងញូវយ៉កឡើងជាង៨២ដុល្លារមួយធុង
ដោយ ៖ អប្សរា
ថ្ងៃព្រហស្បត្ត៏ ទី១១ ខែមិនា ឆ្នាំ២០១០ ម៉ោង ១៦:៤១
តំលៃប្រេងឆៅនៅទីផ្សារប្រេងក្រុងញូវយ៉ក បានឡើងថែមទៀតកាលពីថ្ងៃទី១០ មីនា ដោយសារការធ្លាក់ចុះគួរឱ្យភ្ញាក់ផ្អើលនៃប្រេងសាំងស្ដុកនៅសហរដ្ឋអាមេរិក ។
តំលៃប្រេងឆៅស្រាលអាមេរិកបានឡើង០,៧៤%ទៀត ដល់៨២,០៩ដុល្លារក្នុងមួយធុង ដែលនោះជាតំលៃយ៉ាងខ្ពស់មួយចាប់តាំងពីថ្ងៃទី១១ មករា មក ដែលនាថ្ងៃនោះតំលៃប្រេងមានដល់៨២,៥២ដុល្លារក្នុងមួយធុង។
យោងតាមស្ថិតិរបស់ទីភ្នាក់ងារព័ត៌មានអាមេរិកខាងថាមពលថា ប្រេងឆៅស្ដុកអាមេរិកមានការកើនឡើងតិចតួច ចំណែកប្រេងសាំង និងផលិតផលប្រេងចំរាញ់ឯទៀតៗដែលស្ដុកមានការចុះថយយ៉ាងច្បាស់។ ប្រេងសាំងស្ដុកធ្លាក់ចុះ២,៩លានធុង ខណៈដែលទីផ្សារមុននេះព្យាករណ៍ពីការកើនចំនួន២០០.០០០ធុង ហើយផលិតផលប្រេងចំរាញ់មានទាំងប្រេងកាតសំរាប់ប្រើក្នុងផ្ទះផងដែរការស្ដុកមានការចុះថយ ដល់២,២លានធុង ។
