រាជធានីភ្នំពេញៈ កម្មវិធីប្រកួតបាល់ទះ ដណ្ដើមពានរង្វាន់ Western Cup 2010 ដែល មានវិទ្យាល័យចំនួន២៥ក្នុងរាជធានីភ្នំពេញ ចូលរួមនោះបានឈានចូលដល់ដំណាក់កាល បញ្ចប់ហើយដោយវិទ្យាល័យឫស្សីកែវ ទទួលបានចំណាត់ថ្នាក់លេខ១ វិទ្យាល័យហ៊ុន សែនជម្ពូវ័ន លេខ២ វិទ្យាល័យច្បារអំពៅ លេខ៣ និងវិទ្យាល័យវត្ដកោះ លេខ៤ ។
កម្មវិធីប្រកួតផ្ដាច់ព្រ័ត្រត្រូវបានធ្វើ ឡើងកាលពីថ្ងៃទី២៩ ឧសភា នៅវិទ្យាល័យ ហ៊ុន សែន ភ្នំពេញថ្មី ក្រោមអធិបតីភាព លោកមាស សារិន អនុរដ្ឋលេខាធិការក្រសួង អប់រំ យុវជន និងកីឡា និងលោកតែ ឡូរិន ទីប្រឹក្សាអមទីស្ដីការគណៈរដ្ឋមន្ដ្រី និងជាសាកលវិទ្យាធិការសាកលវិទ្យាល័យវេស្ទើន ហើយពិធីប្រគល់ពានរង្វាន់ក៏ត្រូវបានធ្វើ ឡើងនៅក្នុងឱកាសនោះដែរ ។
ក្រុមដែលទទួលបានចំណាត់ថ្នាក់លេខ១ ទទួលបានពានមួយ ទង់មួយ បាល់២ ខ្សែ ហ្វ៉ីឡេ(សំណាញ់បាល់ទះ)មួយ កាតាប១២ អាវយឺត១២ ថវិកា៤លានរៀល និងអាហា រូបករណ៍បរិញាបត្រ បរិញាបត្ររងឬថ្នាក់ ភាសាអង់គ្លេសពេញម៉ោងនិងក្រៅម៉ោង គ្រប់កំរិតចំនួន៥០ភាគរយ ។ លេខ២ ទទួលបានពាន១ ទង់១ បាល់២ ខ្សែហ្វ៉ីឡេ១ កាតាប១២ អាវយឺត១២ ថវិកា២លាន៥ សែនរៀល និងអាហារូបករណ៍បរិញាបត្រ បរិញាបត្ររងឬថ្នាក់ភាសាអង់គ្លេសពេញ ម៉ោង និងក្រៅម៉ោងគ្រប់កំរិត៣០ភាគរយ ។
លេខ៣ ទទួលបានពាន១ ទង់១ បាល់២ ខ្សែ ហ្វ៉ីឡេ១ កាតាប១២ អាវយឺត១២ ថវិកា១ លាន៥សែនរៀល និងអាហារូបករណ៍បរិញា បត្រ បរិញាបត្ររង ឬថ្នាក់ភាសាអង់គ្លេស ពេញម៉ោងនិងក្រៅម៉ោងគ្រប់កំរិត៣០ភាគ រយ ។ លេខ៤ ទទួលបានទង់១ បាល់២ ខ្សែ ហ្វ៉ីឡេ១ កាតាប១២ អាវយឺត១២ ថវិកា៥ សែនរៀល និងអាហារូបករណ៍បរិញាបត្រ បរិញាបត្ររង ឬថ្នាក់ភាសាអង់គ្លេសពេញ ម៉ោងនិងក្រៅម៉ោងគ្រប់កំរិត២០ភាគរយ ។ ដោយឡែក ចំពោះក្រុមដែលមិនទទួល បានចំណាត់ថ្នាក់វិញ គឺទទួលបានទង់ អនុស្សាវរីយ៍១ បាល់២ ខ្សែហ្វ៉ីឡេ១ អាវ យឺត១២ ថវិកា១២ម៉ឺនរៀល និងអាហា រូបករណ៍បរិញាបត្រ បរិញាបត្ររងថ្នាក់ ភាសាអង់គ្លេសពេញម៉ោងនិងក្រៅម៉ោងគ្រប់កំរិត២០ភាគរយ ។
គួររំលឹកថា ការប្រកួតបាល់ទះដណ្ដើម ពានរង្វាន់វេស្ទើនខាប់ ២០១០ គឺធ្វើឡើង ក្រោមកិច្ចសហប្រតិបត្ដិការរវាងសាកល វិទ្យាល័យវេស្ទើន និងក្រសួងអប់រំ យុវជន និងកីឡាដែលមានវិទ្យាល័យចំនួន២៥ក្នុង រាជធានីភ្នំពេញចូលរួមប្រកួតដោយចាប់ ផ្ដើមពីថ្ងៃទី២០ ខែកុម្ភៈ រហូតដល់ថ្ងៃទី២៩ ឧសភា ទើបបញ្ចប់ការប្រកួត ហើយលោក តែ ឡូរិន បានសន្យាថា និងបង្កើតកម្មវិធី បែបនេះនៅឆ្នាំក្រោយទៀត ហើយនឹងផ្ដល់ រង្វាន់ឱ្យកាន់តែធំជាងឆ្នាំនេះ។
លោកមាស សារិន បានថ្លែងថា ការណ្ដុះ គំនិតប្រាជ្ញាចំណេះដឹងវាមិនគ្រប់គ្រាន់ទេ សំរាប់មនុស្ស គឺត្រូវបង្វឹករាងកាយឱ្យកាន់តែ រឹងមាំថែមទៀតទើបជាការល្អ៕
ចែករំលែកព័តមាននេះ