រាជធានីភ្នំពេញ ៖ លោក សម រង្ស៊ី ប្រធានគណបក្សសង្គ្រោះជាតិដែលអមដំណើរដោយសមាជិក សមាជិកាប្រមាណ២០០នាក់ កាលពីល្ងាចថ្ងៃទី៣០ កក្កដា បានទៅអុជធូបគោរពវិញ្ញាណក្ខន្ធ និងបង្សុកូលដល់សមាជិក សមាជិកាដែលស្លា.ប់ក្នុងហេតុការណ៍បោកគ្រាប់បែកនៅមុខអតីតមន្ទីររដ្ឋសភា កាលពីថ្ងៃទី៣០ មីនា ១៩៩៧ កន្លងមក ។
រាជធានីភ្នំពេញ ៖ លោក សម រង្ស៊ី ប្រធានគណបក្សសង្គ្រោះជាតិដែលអមដំណើរដោយសមាជិក សមាជិកាប្រមាណ២០០នាក់ កាលពីល្ងាចថ្ងៃទី៣០ កក្កដា បានទៅអុជធូបគោរពវិញ្ញាណក្ខន្ធ និងបង្សុកូលដល់សមាជិក សមាជិកាដែលស្លាប់ក្នុងហេតុការណ៍បោកគ្រាប់បែកនៅមុខអតីតមន្ទីររដ្ឋសភា កាលពីថ្ងៃទី៣០ មីនា ១៩៩៧ កន្លងមក ។
នៅក្នុងឱកាសនោះ លោក សម រង្ស៊ី មានប្រសាសន៍ថា លោកបានចាកចេញពីប្រទេសកម្ពុជារយៈពេល៤ឆ្នាំមកហើយ ហើយពេលនេះលោកមកគោរពវិញ្ញាណក្ខន្ធជូនដល់អ្នកដែលស្លាប់ដោយសារការគប់គ្រាប់បែកនៅលើកំណាត់វិថីព្រះសុធារស មុខអតីតរដ្ឋសភា កាលពីព្រឹកថ្ងៃទី៣០ មីនា ១៩៩៧ បណ្តាលឱ្យសមាជិក សមាជិកា គណបក្សសមរង្ស៊ី (អតីតគណបក្សជាតិខ្មែរ) របួស និងស្លាប់ជាង១០០នាក់ ។ លោកមិនដែលភ្លេចទេទឹកដីកំណើតរបស់លោក និងបានសន្យារៀបចំប្រទេសជាតិឱ្យមានយុត្តិធម៌ក្នុងរយៈពេលប៉ុន្មានថ្ងៃ ប៉ុន្មានសប្តាហ៍ទៀតប៉ុណ្ណោះ ហើយបាតុករដែលស្លាប់នឹងបានឃើញ ។
ក្រោយពីបញ្ចប់ពិធីបង្សុកូល លោក សម រង្ស៊ី បានបន្តដំណើរទៅគោរពព្រះវិញ្ញាណក្ខន្ធសម្តេចនរោត្តម វជ្ជរ៉ា នៅព្រះរាជដំណាក់ស្តេចក្រុមព្រះឃុននរោត្តមសិសរីវុឌ្ឍន៍ នៅក្នុងសង្កាត់ចតុមុខ ខណ្ឌដូនពេញ ដែលបានសោយទិវង្គតនៅប្រទេសបារាំង ៕
ចែករំលែកព័តមាននេះ