សហរដ្ឋអាមេរិក និងសហភាពអឺរ៉ុប បានអបអរសាទរចំពោះការបោះឆ្នោតនៅប្រទេសកម្ពុជា ដោយថាបានប្រព្រឹត្តទៅដោយសន្តិភាព ភាពស្ងប់ស្ងាត់ ហើយបានចាត់ទុកការបោះឆ្នោតនេះជាជំហានប្រវត្តិសាស្ត្រមួយនៅក្នុងលទ្ធិប្រជាធិបតេយ្យនៅកម្ពុជា ។
យ៉ាងណាក៏ដោយទំាងអ្នកនំាពាក្យស្ថានទូតអាមេរិកប្រចំាកម្ពុជា និង សហភាពអឺរ៉ុប បានសម្តែងការសោកស្តាយចំពោះបញ្ហាខ្លះដែលមិនទាន់បាន
សហរដ្ឋអាមេរិក និងសហភាពអឺរ៉ុប បានអបអរសាទរចំពោះការបោះឆ្នោតនៅប្រទេសកម្ពុជា ដោយថាបានប្រព្រឹត្តទៅដោយសន្តិភាព ភាពស្ងប់ស្ងាត់ ហើយបានចាត់ទុកការបោះឆ្នោតនេះជាជំហានប្រវត្តិសាស្ត្រមួយនៅក្នុងលទ្ធិប្រជាធិបតេយ្យនៅកម្ពុជា ។
យ៉ាងណាក៏ដោយទំាងអ្នកនំាពាក្យស្ថានទូតអាមេរិកប្រចំាកម្ពុជា និង សហភាពអឺរ៉ុប បានសម្តែងការសោកស្តាយចំពោះបញ្ហាខ្លះដែលមិនទាន់បានដោះស្រាយ និងបានស្នើអោយគណកម្មាធិការជាតិរៀបចំការបោះឆ្នោតធ្វើការស៊ើបអង្កេតរាល់ភាពមិនប្រក្រតី ដែលត្រូវបានគេរាយការណ៍ថាកើតមាននៅក្នុងពេលដំណើរការបោះឆ្នោត ។
លោក ទេព នីថា អគ្គលេខាធិការនៃគណៈកម្មាធិការជាតិរៀបចំការបោះឆ្នោត (គជប) បានមានប្រសាសន៏ថា មកទល់នឹងពេលនេះ គជប បានខិតខំនិងកំពុងដោះស្រាយនូវពាក្យបណ្តឹងអំឡុងពេលឃោសនាបោះឆ្នោត រីឯបញ្ហាមួយចំនួនទៀតដែលកើតឡើងនៅថ្ងៃបោះឆ្នោត គជប កំពុងតែធ្វើការដោះស្រាយទៅតាមច្បាប់ ។
គួរបញ្ជាក់ថា នៅក្នុងការបោះឆ្នោតជ្រើសតំាងតំណាងរាស្រ្តនីតិកាលទី៥នៃរដ្ឋសភា ដែលបានប្រព្រឹត្តទៅកាលពីថ្ងៃទី២៨កក្កដា ២០១៣កន្លងទៅ ឆ្លងតាមលទ្ឋផលបណ្តោះអាសន្នបានបង្ហាញថា មានតែគណបក្សប្រជាជនកម្ពុជា និងគណបក្សសង្គ្រោះជាតិប៉ុណ្ណោះ ដែលទទួលបានអាសនៈសភាសរុប១២៣ ក្នុងចំណោមគណបក្សនយោបាយចំនួន០៨ ដែលចូលរួមប្រកួតប្រជែង ក្នុងនោះគណបក្សប្រជាជនកម្ពុជាទទួលបាន៦៨អាសនៈ និង គណបក្សសង្គ្រោះជាតិ ទទួលបាន៥៥អាសនៈ ៕
ចែករំលែកព័តមាននេះ